ମାନସିକ ରୂପରେ ମୃତ ୧୫ ବର୍ଷୀୟା ଜଣେ କିଶୋରୀ ୫ ଜଣ ଲୋକଙ୍କ ଜୀବନ ବଞ୍ଚାଇଥିବା ଘଟଣା ଏବେ ଚର୍ଚ୍ଚାର ପରିସରରେ ରହିଛି। ଏହି କିଶୋରୀ ଜଣକ ନିଜର ହୃଦୟ,ଚକ୍ଷୁ,ଚର୍ମ ଏବଂ ଯକୃତକୁ ମୃତ୍ୟୁ ପୂର୍ବରୁ ୫ଜଣଙ୍କୁ ଦାନ କରି ଚୀରଦିନ ପାଇଁ ଆଖି ବୁଜିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସରକାରଙ୍କ ଦ୍ୱାରା ସଞ୍ଚାଳିତ ଚିକିତ୍ସା ଶିକ୍ଷା ଏବଂ ଆଇପିଜିଏମଇଆରର ଜଣେ ପ୍ରବକ୍ତା ଶନିବାର କହିଛନ୍ତି, ଯେ ସଂସ୍ଥା ଶୁକ୍ରବାରରେ ମଲ୍ଲିକା ମଜୁମଦାର ନାମକ ଜଣେ କିଶୋରୀର ବ୍ରେନ୍ ଡେଡ୍ ଅର୍ଥାତ କୋମାରେ ଯିବା ନେଇ ଘୋଷଣା କରିଥିଲେ । ସିଲିଗୁଡିରେ ରହୁଥିବା କିଶୋରୀକୁ ଜୁଲାଇ ୨୩ ତାରିଖରେ ହସ୍ପିଟାଲରେ ଭର୍ତ୍ତି କରାଯାଇଥିଲା । ଯାହାର ମସ୍ତିଷ୍କ ଘାତ ହୋଇଥିଲା ଏବଂ ଝିଅଟି ଅଗଷ୍ଟ ୧୪ ତାରିଖରେ କୋମାରେ ଚାଲିଯାଇଥିଲା । ମଲ୍ଲିକାଙ୍କ ଘରଲୋକଙ୍କୁ ଏନେଇ ପୂର୍ବରୁ ସୂଚିତ କରାଯାଇଥିଲା । ବ୍ରେନ୍ ଡେଡ୍ ହେବା ପରେ ଝିଅ ପାଖରେ କିଛି ମୁହୂର୍ତ୍ତର ସମୟ ଥିବା ଜାଣି ସେମାନେ ଝିଅର ଅଙ୍ଗକୁ ଅନ୍ୟ ଲୋକଙ୍କ ଠାରେ ପ୍ରତିରୋପଣ କରିବାକୁ ଇଚ୍ଛା ପ୍ରକାଶ କଲେ ।