ଜୀବନରେ ଥରେ ମାତ୍ର ସ୍ନାନ କରନ୍ତି ଏହି ଜନଜାତିର ମହିଳା
ଆଫ୍ରିକା : ଆଫ୍ରିକାର ଉତ୍ତରପୂର୍ବ ରାଷ୍ଟ୍ର ନାମ୍ବିଆର କୁନେନ ପ୍ରାନ୍ତରେ ରହୁଥିବା ହିବା ଜନଜାତିର ମହିଳା ଜୀବନରେ ଥରେ ମାତ୍ର ଗାଧୋଇଥାନ୍ତି। କେବଳ ଏତିକି ନୁହେଁ, ଜୀବନରେ ଥରେ ମାତ୍ର ହିଁ ସେମାନେ ପୋଷାକ ପରିବର୍ତ୍ତନ କରିଥାନ୍ତି, ଯେତେବେଳେ ତାଙ୍କର ବିବାହ ହୋଇଥାଏ । ଏହି ଜନଜାତିରେ ମହିଳାମାନଙ୍କୁ ପାଣି ଛୁଇଁବା ନିଷେଧ । ଏହି ମହିଳାମାନଙ୍କ ଶରୀରର ବର୍ଣ୍ଣ ଲାଲ ରହିଥାଏ । ତେବେ ଆସନ୍ତୁ ଜାଣିବା ଏହାର ପଛର କାରଣ ବିଷୟରେ ।
Sambad is now on WhatsApp
Join and get latest news updates delivered to you via WhatsApp
ହିବା ଜନଜାତିର ମହିଳାମାନେ ଗାଧୋଇ ନଥାନ୍ତି। ଏଣୁ ଏମାନେ ଏକ ସ୍ୱତନ୍ତ୍ର ଜଡ଼ିବୁଟିକୁ ପାଣିରେ ଗରମ କରି ଏହାର ବାମ୍ଫ ନିଜ ଶରୀରକୁ ଦେଇଥାନ୍ତି । ଏହା ଦ୍ୱାରା ତାଙ୍କ ଶରୀରରୁ ଗନ୍ଧ ଆସି ନ ଥାଏ । ଏହି ଜନଜାତିର ମହିଳାମାନେ ଖରାରୁ ନିଜ ଶରୀରକୁ ବଞ୍ଚାଇବା ପାଇଁ ପଶୁଙ୍କ ଚର୍ବି ଏବଂ ଏକ ପ୍ରକାରର ଲୁହାର ଗୁଣ୍ଡକୁ ମିଶାଇ ବ୍ୟବହାର କରିଥାନ୍ତି । ଏଥିପାଇଁ ଏହି ମହିଳାମାନଙ୍କର ରଙ୍ଗ ଲାଲ୍ ହୋଇଥାଏ । ଏହି ମିଶ୍ରଣ ବିଭିନ୍ନ ଜୀବାଣୁ ଏବଂ ପୋକ ଦାଉରୁ ମଧ୍ୟ ଶରୀରକୁ ବଞ୍ଚାଇଥାଏ । ମହିଳାମାନେ ଏହି ମିଶ୍ରଣ ବ୍ୟବହାର କରି ନିଜ ଶରୀରକୁ ଲାଲ୍ କରିଥାନ୍ତି ଯାହା ଦ୍ୱାରା ସେମାନେ ପୁରୁଷମାନଙ୍କ ଠାରୁ ଭିନ୍ନ ଦେଖାଯିବେ ।