ମହିଳାଙ୍କୁ ପୁରୋହିତ ହେବା ପାଇଁ ତାଲିମ ଦେଉଥିବା ଶିକ୍ଷାନୁଷ୍ଠାନ
ବାରାଣସୀରେ ଥିବା ‘ପାଣିନି କନ୍ୟା ମହାବିଦ୍ୟାଳୟ’ ବୈଦିକ ସ˚ସ୍କୃତ ଗୁରୁକୁଳରେ ପୁରୋହିତ ବୃତ୍ତି କରିବାକୁ ଚାହୁଁଥିବା ବାଳିକାଙ୍କୁ ଶିକ୍ଷା ଓ ତାଲିମ ଦିଆଯାଉଛି। ଏହି ଶିକ୍ଷାନୁଷ୍ଠାନର ସଂସ୍ଥାପିକା ଡ. ପ୍ରଜ୍ଞା ଦେବୀ ଓ ଆଚାର୍ଯ୍ୟ ମେଧା ଦେବୀ। ଏହା ଏକ ଆବାସିକ ଗୁରୁକୁଳ। ଏଠାରେ ଜାତି-ବର୍ଗ-ସଂପ୍ରଦାୟ ନିର୍ବିଶେଷରେ ଛାତ୍ରୀ ଗ୍ରହଣ କରାଯାଉଛି। ପଞ୍ଚମରୁ ଆଚାର୍ଯ୍ୟ(ସ୍ନାତକୋତ୍ତର) ଶ୍ରେଣୀ ପର୍ଯ୍ୟନ୍ତ ପାଠ୍ୟକ୍ରମ ପ୍ରଚଳିତ। ଏଠାରୁ ତାଲିମପ୍ରାପ୍ତ ଯୁବତୀମାନେ ହୋମଠାରୁ ଆରମ୍ଭ କରି ଯଜ୍ଞ ପର୍ଯ୍ୟନ୍ତ, ଜନ୍ମଠାରୁ ଆରମ୍ଭ କରି ମୃତ୍ୟୁ ପର୍ଯ୍ୟନ୍ତ ସମସ୍ତ କର୍ମ-କାଣ୍ତ ତୁଲାଇବାକୁ ସକ୍ଷମ। ଏଠାରେ ପଢ଼ୁଥିବା ଅଧିକାଂଶ ଛାତ୍ରୀ ଉତ୍ତର ପ୍ରଦେଶ, ଦିଲ୍ଲୀ, ପଶ୍ଚିମ ବଙ୍ଗ ଓ ତ୍ରିପୁରାର। କାଲିଫର୍ନିଆ,ନେପାଲ ଓ ହଲାଣ୍ଡ୍ର କିଛି ଛାତ୍ରୀ ମଧ୍ୟ ପଢ଼ୁଥିବା ପ୍ରକାଶ।
Sambad is now on WhatsApp
Join and get latest news updates delivered to you via WhatsApp
ମହାବିଦ୍ୟାଳୟରେ ପ୍ରବେଶ ବୟସ ନଅରୁ ଆରମ୍ଭ। ପାଠ୍ୟକ୍ରମର ଅବଧି ତେର ବର୍ଷ। ଶାସ୍ତ୍ର ଅତିରିକ୍ତ ତରବାରି, ବର୍ଚ୍ଛା ଓ ଧନୁ-ତୀର ଚାଳନା ଶିକ୍ଷା ମଧ୍ୟ ଦିଆଯାଉଛି। ଏବେ ଦେଶରେ ମହିଳା ପୁରୋହିତଙ୍କ ସ˚ଖ୍ୟା ବଢ଼ିଚାଲିଛି। ପୁରୁଷ ପୁରୋହିତଙ୍କ ଗଡ଼ କହାଯାଉଥିବା ବାରାଣସୀରେ ମହିଳା ପୁରୋହିତଙ୍କ ପ୍ରବେଶ ଏକ ଉଲ୍ଲେଖନୀୟ ଘଟନା। ଏଠାରେ ଲିଙ୍ଗଗତ ବିଭେଦ ଦୂର ହୋଇଛି ଏବ˚ ଲୋକେ ମହିଳା ପୁରୋହିତଙ୍କୁ ଆଦରର ସହ ଗ୍ରହଣ କରୁଛନ୍ତି।