ଝିଅ ଜନ୍ମ ହେବାରୁ ନାଳରେ ଫିଙ୍ଗିଦେଲା ମା’, ନୂଆ ଜୀବନ ଦେଲା ବୁଲା କୁକୁର
ନୂଆଦିଲ୍ଲୀ : ହରିୟାଣାର କୈଥଲରେ ଘଟିଥିବା ଘଟଣା ଏବେ ଚାରିଆଡ଼େ ଚର୍ଚ୍ଚାର ବିଷୟ ପାଲଟିଛି । ମା’ର ମମତାକୁ ହତ୍ୟା କରି ଜଣେ ମହିଳା ନିଜ ଶିଶୁକନ୍ୟାକୁ ପଲିଥିନ ବ୍ୟାଗ୍ରେ ଗୁଡ଼ାଇ ନାଳରେ ଫିଙ୍ଗି ଦେବା ଘଟଣା ସମସ୍ତଙ୍କ ଆଖିରେ ଲୁହ ଆଣିଛି । ସବୁଠାରୁ ବଡ଼ କଥା ହେଲା, ଜନ୍ମ କଲା ମା’ ମୃତ୍ୟୁ ମୁଖକୁ ଫିଙ୍ଗି ଦେବା ପରେ ବୁଲା କୁକୁର ପାଇଁ ଆଜି ନବଜାତ ନୂଆ ଜୀବନ ପାଇ ପାରିଛି । କେନ୍ଦ୍ର ସରକାରଙ୍କ ତରଫରୁ କନ୍ୟାଭ୍ରୁଣ ହତ୍ୟାକୁ ରୋକିବା ପାଇଁ ଅନେକ ପ୍ରକାରର ପ୍ରୟାସ କରାଯାଉଥିଲେ ମଧ୍ୟ ଦେଶର ଅନେକ ସ୍ଥାନରୁ କନ୍ୟା ଭ୍ରୁଣ ହତ୍ୟା ଭଳି ମାମଲା ସାମ୍ନାକୁ ଆସୁଛି ।
Sambad is now on WhatsApp
Join and get latest news updates delivered to you via WhatsApp
ରାସ୍ତାରେ ଲାଗିଥିବା ସିସିଟିଭି ଫୁଟେଜ ଅନୁଯାୟୀ, ମହିଳାଜଣଙ୍କ ଜନ୍ମ ପରେ ଝିଅ ବୋଲି ଜାଣି ନବଜାତକୁ ପଲିଥିନରେ ଗୁଡ଼ାଇ ନାଳରେ ଫିଙ୍ଗି ଦେଉଛନ୍ତି । ଏହା ପରେ ବୁଲୁଥିବା କୁକୁରଟି ଆସି ନବଜାତକୁ ନାଳରୁ କାଢ଼ି ଆଣୁଛି । ବାଟରେ ଯାଉଥିବା ଲୋକେ ଏହି ଦୃଶ୍ୟ ଦେଖି ତୁରନ୍ତ ନବଜାତକୁ ଡାକ୍ତରଖାନାରେ ଭର୍ତ୍ତି କରାଉଛନ୍ତି । ଏବେ ଶିଶୁଟିର ଚିକିତ୍ସା ଚାଲିଥିଲେ ମଧ୍ୟ ତା’ର ଅବସ୍ଥା ଗୁରୁତର ଥିବା କହିଛନ୍ତି ଡାକ୍ତର ।