ଆସନ୍ତୁ ଜାଣିବା, ହାର୍ଟ ଆଟାକ୍‌ର ଲକ୍ଷଣ ସମ୍ପର୍କରେ

ହାର୍ଟ ଆଟାକ୍‌ ଏଭଳି ଏକ ରୋଗ ଯାହା ହଠାତ୍‌ କାହାକୁ ବି ହୋଇପାରେ। ହାର୍ଟ ଆଟାକ ଆସିବାର ଲକ୍ଷଣ ଶରୀରରେ ବହୁତ ପୂର୍ବରୁ ହିଁ ନଜର ଆସିଥାଏ। ଏସଂପର୍କରେ ନଜାଣିବା କାରଣରୁ ଅଧିକାଂଶ ସମୟରେ ଲୋକେ ଏହାକୁ ଅଣଦେଖା କରିଥାନ୍ତି। ଯେଉଁ କାରଣରୁ ଆଗାମୀ ଦିନରେ ତାଙ୍କୁ ହାର୍ଟ ଆଟାକର ସାମ୍ନା କରିବାକୁ ପଡିଥାଏ। ଯଦି ସେହିସବୁ ଲକ୍ଷଣଗୁଡିକୁ ଜାଣି ସଠିକ୍‌ ସମୟରେ ଚିକିତ୍ସା କରାଯାଏ ତେବେ ହାର୍ଟ ଆଟାକରୁ ଆପଣ ବଂଚିଯାଇ ପାରନ୍ତି। ହାର୍ଟ ଆଟାକ୍‌ ଆସିବାର ପାଖାପାଖି ୧ ମାସ ପୂର୍ବରୁ ହିଁ ଶରୀରରେ କିଛି ଲକ୍ଷଣ ପରିଲକ୍ଷିତ ହୋଇଥାଏ। ତେବେ ଆସନ୍ତୁ ସେହି ସବୁ ଲକ୍ଷଣ ସଂପର୍କରେ ଜାଣିବା..

ଛାତି ଯନ୍ତ୍ରଣା

ଯଦି ଅଧିକାଂଶ ସମୟରେ ଆପଣଙ୍କ ଛାତିରେ ଯନ୍ତ୍ରଣା ହେଉଛି କିମ୍ବା ଜଳାପୋଡା ହେଉଛି ତେବେ ଆଦୌ ବିଳମ୍ବ ନକରି ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ। କାରଣ ଏହି ଲକ୍ଷଣ ହୃଦୟ ଜନିତ ସମସ୍ୟା ହୋଇପାରେ।

ବାରମ୍ବାର ହାଲିଆ ଲାଗିବା

ଯଦି ଆପଣଙ୍କୁ ବିନା କୌଣସି କାରଣରୁ ହାଲିଆ ଲାଗୁଛି ଅର୍ଥାତ୍‌ ଆପଣ ବିନା କୌଣସି କାମ କରି ବି ଥକାପଣ ଅନୁଭବ କରୁଛନ୍ତି କିମ୍ବା ଦୁର୍ବଳତା ଅନୁଭବ କରୁଛନ୍ତି ତେବେ ଆପଣଙ୍କୁ ଅନେକ ଗମ୍ଭୀର ରୋଗ ହେବାର ସମ୍ଭାବନା ହୋଇପାରେ। ଏଥିପାଇଁ ତୁରନ୍ତ ଡାକ୍ତରଙ୍କ ସହ ସଂପର୍କ କରନ୍ତୁ ଏବଂ ଏସବୁ ଲକ୍ଷଣ ବିଷୟରେ ଅବଗତ କରାନ୍ତୁ।

ଶିରାପ୍ରଶିରା ନୀଳ ହୋଇଯିବା

ହୃଦୟ ଆମ ସଂପୂର୍ଣ୍ଣ ଶରୀରକୁ ରକ୍ତ ସପ୍ଲାଏ କରିଥାଏ,ଏଭଳି ପରିସ୍ଥିତିରେ ଯଦି ଆପଣଙ୍କୁ ହାର୍ଟ ଆଟାକ୍‌ ଆସିବାରେ ଥିବ ତେବେ ଏହି ସମୟରେ ବ୍ଲଡ ସପ୍ଲାଏ କରୁଥିବା ଏହି ଶିରା ଗୁଡିକ ଖାଲି ଯନ୍ତ୍ରଣା ହୋଇଥାଏ। ଯେଉଁ କାରଣରୁ ଶିରା ପ୍ରଶିରା ନୀଳ ହୋଇଯାଇଥାଏ। ଏହାବ୍ୟତୀତ ପଂଝା ଏବଂ ଗଣ୍ଠିରେ ଯନ୍ତ୍ରଣା ହୋଇଥାଏ। ଏଭଳି ପରିସ୍ଥିତିରେ ଆପଣଙ୍କୁ ଡାକ୍ତରଙ୍କ ପରାମର୍ଶ ନେବା ନିହାତି ଜରୁରୀ।

ମୁଣ୍ଡ ବୁଲାଇବା

ସେହିପରି ହାର୍ଟ ଆମର ପୂରା ଶରୀରକୁ ରକ୍ତ ଯୋଗାଇ ଥାଏ। ଯଦିଏ ଏଭଳି ପରିସ୍ଥିତିରେ ରକ୍ତ ସପ୍ଲାଏରେ ହ୍ରାସତା ଚାଲିଆସେ ତେବେ ମସ୍ତିସ୍କରେ ବି ରକ୍ତର ଅଭାବ ହୋଇଥାଏ , ଯେଉଁ କାରଣରୁ ମୁଣ୍ଡ ବୁଲାଇବା ଆରମ୍ଭ ହୋଇଯାଇଥାଏ।

ନିଶ୍ୱାସପ୍ରଶ୍ୱାସରେ ସମସ୍ୟା

ଯଦି ଆପଣଙ୍କ ହାତରେ କୌଣସି ସମସ୍ୟା ଦେଖାଦେଉଛି ତେବେ ଏହି ସମୟରେ କଲିଜାରେ ଠିକ୍‌ ଭାବରେ ରକ୍ତ ଏବଂ ଅକ୍ସିଜେନର ସପ୍ଲାଏ ହୋଇପାରିନଥାଏ। ଯେଉଁ କାରଣରୁ ନିଶ୍ୱାସପ୍ରଶ୍ୱାସ ନେବାରେ ଅସୁବିଧା ସୃଷ୍ଟି ହୋଇଥାଏ।

ତେବେ ଯଦି ଆପଣଙ୍କଠାରେ ଏସବୁଗୁଡିକ ମଧ୍ୟରେ କୌଣସି ବି ଲକ୍ଷଣ ପରିଲକ୍ଷିତ ହେଉଛି ତେବେ କାଳବିଳମ୍ବ ନକରି ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ।

ସମ୍ବନ୍ଧିତ ଖବର