ବିମୁଦ୍ରାକରଣ ପରେ ଦେଶରେ ନୂଆ ନୂଆ ନୋଟ୍ ସବୁ ଜାରି କରାଯାଉଛି। ଏବେ ନୂଆ ୧୦୦ ଟଙ୍କିଆ ନୋଟ୍ ବଜାରକୁ ଆସିଲାଣି। ବ୍ୟାଙ୍କଗୁଡିକ ମଧ୍ୟ ୧୦୦ ଟଙ୍କିଆ ନୂଆ ନୋଟ୍ ଗ୍ରାହକଙ୍କୁ ଦେବା ଆରମ୍ଭ କରିଦେଇଛନ୍ତି । ଏହା ସହିତ ଏଟିଏମରେ ବି ଏହି ନୂଆ ନୋଟ୍ ବାହାରିବାକୁ ଲାଗିଲାଣି । ନୂଆ ନୋଟ୍ ଦେଖିବାକୁ ବହୁତ ଆକର୍ଷକ । କିନ୍ତୁ ଯେବେ ବି କୌଣସି ନୂଆ ନୋଟ୍ ବଜାରକୁ ଆସେ, ତେବେ ତାହାର ନକଲି ନୋଟ୍ ଆସିବାର ଆଶଙ୍କା ବଢ଼ିଯାଏ । ତେଣୁ ଅସଲି ଓ ନକଲି ନୋଟ୍ କିଭଳି ଚିହ୍ନିବେ ଆସନ୍ତୁ ଜାଣିବା।
Sambad is now on WhatsApp
Join and get latest news updates delivered to you via WhatsApp
ନିକଟରେ ଆରବିଆଇର ରିପୋର୍ଟରେ କୁହାଯାଇଛି କି, ୨୦୧୭-୧୮ରେ ୧୦୦ ଟଙ୍କିଆ ସବୁଠାରୁ ଅଧିକ ନକଲି ନୋଟ୍ ମିଳିଛି । ତେଣୁ ୧୦୦ ଟଙ୍କିଆ ନୂଆ ନୋଟକୁ ଚିହ୍ନିବା ନିହାତି ଜରୁରୀ ଅଟେ। ଯାହାଫଳରେ ଏହା ଅସଲି କି ନକଲି ତାହା ଆପଣମାନେ ସହଜରେ ଜାଣିପାରିବେ ଓ ଠକାମିରୁ ନିଜକୁ ସୁରକ୍ଷିତ ରଖିପାରିବେ। ଯେବେ ବି ଆପଣଙ୍କ ହାତକୁ ୧୦୦ ଟଙ୍କିଆ ନୂଆ ନୋଟ୍ ଆସେ, ସେତେବେଳେ ଆପଣ ଏହା ଅସଲି କି ନକଲି ଚିହ୍ନନ୍ତୁ । ପ୍ରତ୍ୟେକ ନୋଟ୍ର କିଛି ସୁରକ୍ଷା ଫିଚର୍ସ ଲାଗିଥାଏ । ନୂଆ ୧୦୦ ଟଙ୍କିଆ ନୋଟ୍ରେ ମଧ୍ୟ ଅଛି । ଏହାର ଧ୍ୟାନ ରଖି ଆପଣ ଯେକୌଣସି ପ୍ରକାରର ଠକେଇରୁ ବଂଚିପାରିବେ ।
• ଆରବିଆଇ ଅନୁସାରେ, ନୂଆ ୧୦୦ ଟଙ୍କିଆ ନୋଟ ସାମନାରେ ଆପଣଙ୍କୁ ଦେବନାଗରୀରେ ୧୦୦ ଲେଖା ହୋଇଥିବା ଦେଖିବାକୁ ମିଳିବ। ନୋଟର କେନ୍ଦ୍ରରେ ମହାତ୍ମା ଗାନ୍ଧୀଙ୍କ ଫଟୋ ଅଛି । ଛୋଟ ଛୋଟ ଅକ୍ଷରରେ ‘RBI’, ‘ଭାରତ’, ‘India’ ଏବଂ ‘୧୦୦’ ଲେଖା ହୋଇଛି ।
• ଏଥିରେ କଲର ଶିଫ୍ଟ ବି ଆପଣଙ୍କୁ ଦେଖିବାକୁ ମିଳିବ । ଯେବେ ଆପଣ ନୋଟ୍କୁ ମୋଡିବେ, ତେବେ ଥ୍ରେଡ୍ର ରଙ୍ଗ ସବୁଜରୁ ନୀଳ ହୋଇଯିବ । ସେଇଠି ମହାତ୍ମା ଗାନ୍ଧୀଙ୍କ ଚିତ୍ରର ଡାହାଣ ପଟେ ଗାରଣ୍ଟି ଖଣ୍ଡ ସହିତ ଗଭର୍ଣ୍ଣର ହସ୍ତାକ୍ଷର ଓ ଭାରତୀୟ ରିଜର୍ଭ ବ୍ୟାଙ୍କର ପ୍ରତୀକ ବି ଅଛି ।
• ଏହାର ଡାହାଣ ପଟେ ଅଶୋକ ସ୍ତମ୍ଭ ବି ଅଛି । ଏହା ବ୍ୟତୀତ ମହାତ୍ମା ଗାନ୍ଧୀଙ୍କ ଚିତ୍ର ଓ ଇଲେକ୍ରୋଟାଇପ୍ ୱାଟରମାର୍କରେ ନଜର ଆସିବ ।
• ଏଥିରେ ଆପଣଙ୍କୁ ସଂଖ୍ୟା ପ୍ୟାନେଲ ମଧ୍ୟ ଦେଖାଯିବ । ଏଥିରେ ଉପରେ ବାମ ପଟେ ଓ ତଳେ ଡାହାଣ ପଟେ ଛୋଟରୁ ବଡ ଆକାରର ଅଙ୍କ ଅଛି । ଦୃଷ୍ଟିହୀନଙ୍କ ପାଇଁ ଇଣ୍ଟୋଲିୟୋ ବା ଉପରକୁ ଉଠିକି ରହିଥିବା ମହାତ୍ମା ଗାନ୍ଧୀଙ୍କ ଚିତ୍ର, ଅଶୋକ ସ୍ତମ୍ଭ ପ୍ରତୀକ ଓ ତ୍ରିକୋଣୀୟ ପରିଚୟ ଚିହ୍ନ ମାଇକ୍ରୋ ଟେକ୍ସଟ୍ ୧୦୦ ସହିତ ୪ କୋଣୀୟ ବ୍ଲିଡ ରେଖା ବି ଅଛି ।
• ନୋଟ୍ ପଛ ପଟେ ଓ ବାମ ପଟେ ମୁଦ୍ରଣ ବର୍ଷ, ସ୍ଲୋଗାନ ସହିତ ସ୍ୱଚ୍ଛ ଭାରତର ଲୋଗୋ, ଭାଷା ପ୍ୟାନେଲ, ରାନୀର ବାବର ଚିତ୍ର ଓ ଦେବନାଗରୀ ମୂଲ୍ୟ ବର୍ଗ ଅଙ୍କ ୧୦୦ ବି ଆପଣଙ୍କୁ ଦେଖିବାକୁ ମିଳିବ ।
• ଯଦି ଆପଣ ୧୦୦ ଟଙ୍କିଆ ଏହି ସମସ୍ତ ଫିଚରକୁ ମନେ ରଖି ପାରୁନାହାଁନ୍ତି, ତେବେ ଆପଣଙ୍କ ପାଖରେ ଅନଲାଇନ୍ ଏହାର ଫିଚର ଚେକ୍ କରିବାର ବିକଳ୍ପ ମଧ୍ୟ ରହିଛି । ଆରବିଆଇ ଏକ ୱେବସାଇଟ୍ ‘paisaboltahai.rbi.org.in’ ଆରମ୍ଭ କରିଛି । ଏଠି ଆପଣ ବହୁତ ସହଜରେ ନୋଟ୍ ର ଫିଚର ଜାଣିପାରିବେ ।