ପିଲାଦିନେ ଭୂତକୁ ଡରୁଥିଲେ ମହାତ୍ମା ଗାନ୍ଧି, ଘରୋଇ ସହାୟିକାଙ୍କ ଏହି କଥା ଶୁଣି ସବୁଦିନ ପାଇଁ ଦୂର ହୋଇଥିଲା ତାଙ୍କ ଭୟ

0 575

ବ୍ରିଟିଶ ଶାସନରୁ ଏବଂ ଅତ୍ୟାଚାରରୁ ଭାରତକୁ ସ୍ୱାଧୀନତା ଦେଇଥିବା ଜାତିର ପିତା ମହାତ୍ମା ଗାନ୍ଧି ଛୋଟ ବେଳେ ଭୂତକୁ ଡ଼ରୁଥିଲେ ବୋଲି ଜଣା ପଡ଼ିଛି । ସାହସର ସହ ଶତ୍ରୁ ସହ ଲଢ଼ି ଦେଶକୁ ମୁକ୍ତ କରିଥିବା ଗାନ୍ଧିଜୀ ଭୂତକୁ ଡ଼ରୁଥିବା ଖବର ଜାଣି ଆପଣ ଆଶ୍ଚର୍ଯ୍ୟ ହେଉଥିବେ ନିଶ୍ଚୟ । କିନ୍ତୁ ଏ ବିଷୟରେ ସଂପୂର୍ଣ୍ଣ ଭାବରେ ଜାଣିବା ପରେ ଗାନ୍ଧି ଏତେ ଶକ୍ତ ଏବଂ ନିର୍ଭୟ କେମିତି ଥିଲେ ତାହା ଜାଣି ପାରିବେ ।

ଥରେ ସେ ଘରେ ଏକା ଥିବା ବେଳେ ହଠାତ୍‌ ଅନ୍ଧାର ହୋଇଯିବାରୁ ତାଙ୍କ ଡ଼ର ଲାଗିବା ଆରମ୍ଭ ହୋଇଥିଲା । ପୂର୍ବରୁ ଅନେକ ଭୂତ କାହାଣୀ ଶୁଣିଥିବା ବେଳେ ତାହା ସେ ସମୟରେ ଗୋଟି ଗୋଟି ହୋଇ ମନେ ପଡ଼ିବାକୁ ଲାଗିଲା । ଭୂତ କାହାଣୀ କଥା ଭାବି ସେ ବସିଥିବା ଘରୁ ଅନ୍ୟ ଘରକୁ ଯାଇ ପାରି ନଥିଲେ । ତାଙ୍କ ଗୋଡ଼ ଥରିବାକୁ ଲାଗିଥିଲା । କିନ୍ତୁ ସେ ସାହସ କରି ଅନ୍ଧାର ଘରୁ ଅନ୍ୟ ଘରକୁ ଯିବା ପାଇଁ ବାହାରିଥିଲେ । ଏହି ସମୟରେ ତାଙ୍କ ଘରେ କାମ କରୁଥିବା ରମ୍ଭା ଗାନ୍ଧିଙ୍କ ମୁହଁରେ ଡ଼ର ଦେଖି ସବୁ ବୁଝି ଯାଇଥିଲା। କ’ଣ ହେଲା ବୋଲି ପଚାରିବା ପରେ ମୋତେ ଡ଼ର ଲାଗୁଛି ବୋଲି ଉତ୍ତର ଦେଇଥିଲେ ଗାନ୍ଧିଜୀ । କେଉଁ ଜିନିଷକୁ ଡ଼ର ବୋଲି ପଚାରିବାରୁ ଏତେ ଅନ୍ଧାର ହୋଇଛି ମୋତେ ଭୂତକୁ ଡର ଲାଗୁଛି ବୋଲି ଗାନ୍ଧିଜୀ ଉତ୍ତର ରଖିଥିଲେ ।

Panda Mobile only
Zee News

ଗାନ୍ଧିଜୀଙ୍କ ଉତ୍ତର ଶୁଣି ରମ୍ଭା ଜୋରରେ ହସିବା ସହ କହିଥିଲେ ଯେତେବେଳେ ତୁମକୁ ଭୂତ କଥା ଭାବି ଡ଼ର ଲାଗୁଛି ସେ ସମୟରେ ପ୍ରଭୁ ଶ୍ରୀରାମଙ୍କ ନାମ ସ୍ମରଣ କର । କେଉଁ ଭୂତ ତୁମ ପାଖକୁ ଆସି ପାରିବ ନାହିଁ । ଶ୍ରୀରାମ ତୁମର ରକ୍ଷା କରିବେ । ରମ୍ଭାଙ୍କଠାରୁ ଏ କଥା ଶୁଣି ଗାନ୍ଧିଜୀଙ୍କୁ ସାହସ ମିଳିଥିଲା ଏବଂ ପ୍ରଭୁ ଶ୍ରୀରାମଙ୍କ ନାମ ନେଇ ସେ ଏକା ସେଦିନ ଅନ୍ଧାରରେ ଘରୁ ବାହାରିଥିଲେ । ଏହି ଘଟଣା ପରେ ତାଙ୍କ ମନରେ ଭୂତକୁ ନେଇ ଥିବା ଡ଼ର ସବୁଦିନ ପାଇଁ ଦୂର ହୋଇ ଯାଇଥିଲା । ଏହି ବିଶ୍ୱାସ ସାରା ଜୀବନ ମହାତ୍ମା ଗାନ୍ଧିଙ୍କୁ ଶକ୍ତି ଦେଇଥିଲା ଏବଂ ପ୍ରାଣ ତ୍ୟାଗ କରିବା ସମୟରେ ମଧ୍ୟ ତାଙ୍କ ପାଟିରୁ ରାମ ନାମ ବାହାରିଥିଲା ।

ସମ୍ବନ୍ଧିତ ଖବର

Leave A Reply

Your email address will not be published.