ଏହି କାରଣ ପାଇଁ ଇଟାଲୀରେ ୮୦ଟଙ୍କାରେ ବିକ୍ରି ହେଉଛି ଘର
ନୂଆଦିଲ୍ଲୀ : ଇଟାଲୀରେ ଯାଇ ସେଠାରେ ରହିବ ପ୍ରାୟ ସମସ୍ତଙ୍କର ସ୍ୱପ୍ନ ରହିଥାଏ । ବଲିଉଡ୍ ଫିଲ୍ମର ଅନେକ ଦୃଶ୍ୟରେ ଇଟାଲୀର ସୌନ୍ଦର୍ଯ୍ୟ ସାମ୍ନାକୁ ଆସିଥିବା ବେଳେ ଏବେ ସେଠାରେ ଯାଇ ରହିବାର ସ୍ୱପ୍ନ ଦେଖୁଥିବା ଲୋକେ ନିଜର ସ୍ୱପ୍ନ ପୂରା କରି ପାରିବେ । ମାତ୍ର ୮୦ଟଙ୍କାରେ ଆପଣ ଇଟାଲୀରେ ଯାଇ ରହିବାର ସ୍ୱପ୍ନ ପୂରା କରି ପାରିବେ । ଇଟାଲୀରେ ଥିବା ଦ୍ୱିପ ସିସିଲିରେ ବିଦେଶୀମାନଙ୍କ ରହିବାର ଖାସ୍ ବ୍ୟବସ୍ଥା କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ସିସିଲିରେ ଥିବା ସମ୍ବୁକା ଗାଁରେ ଲଗାତାର ଜନସଂଖ୍ୟା କମୁଥିବା ଦେଖି ସମ୍ବୁକା ଅଧିକାରୀ ୨୦୧୯ରେ ଏକ ବଡ଼ ଘୋଷଣା କରିଛନ୍ତି । ସମ୍ବୁକା ଗ୍ରାମରେ ଯେଉଁ ସବୁ ଘର ଏବେ ଖାଲି ପଡ଼ି ରହିଛି, ତାହାକୁ ବାହାରୁ ଆସୁଥିବା ଲୋକଙ୍କୁ ୮୦ଟଙ୍କାରେ ବିକ୍ରି କରିବା ପାଇଁ ନିଷ୍ପତ୍ତି ନିଆଯାଇଛି । ସମ୍ବୁକାରେ ରହୁଥିବା ଲୋକେ ଅନ୍ୟ ସହର ବା ଅନ୍ୟ ଦେଶକୁ ରହିବା ପାଇଁ ଚାଲିଯବାରୁ ସେଠାରେ ମାତ୍ର ୫,୮୦୦ଲୋକ ରହୁଛନ୍ତି । ଅନ୍ୟ ଦେଶର ଲୋକ ସିସିଲିରେ ରହିବାର ଇଚ୍ଛାକୁ ଦେଖି ସେଠାକାର ଅଧିକାରୀ ଗ୍ରାମରେ ଖାଲିଥିବା ଘରକୁ କମ ଦାମ୍ରେ ବିକ୍ରି କରିବାକୁ ଚିନ୍ତା କରିଛନ୍ତି । ଯାହାଦ୍ୱାରା ଗ୍ରାମର ଜନସଂଖ୍ୟା ବଢ଼ିବା ସହ ଖାଲି ପଡ଼ିଥିବା ଘର କାମରେ ଆସି ପାରିବ ।