ଭାଇରାଲ ହେଲା ଭିଡିଓ: କଶ୍ମୀରରେ ମଦ ଦୋକାନ ଖୋଲିବାକୁ ମୋଦୀ ସରକାରଙ୍କୁ ଅପିଲ କଲେ ଯୁବକ
ନୂଆଦିଲ୍ଲୀ : ଜମ୍ମୁ-କଶ୍ମୀରରୁ ଧାରା ୩୭୦କୁ ଉଚ୍ଛେଦ ହେବା ନେଇ ଐତିହାସିକ ଘୋଷଣା କରାଯିବା ପରେ ସାରା ଦେଶରେ ଏ ନେଇ ମୋଦୀ ସରକାରଙ୍କୁ ଲୋକେ ପ୍ରଶଂସା କରିବାରେ ଲାଗିଛନ୍ତି । ସ୍ୱାଧୀନତା ପରେ ଏହା ସବୁଠାରୁ ବଡ଼ ରାଜନୈତିକ ନିଷ୍ପତ୍ତି ଥିଲା ବୋଲି କୁହାଯାଉଥିବା ବେଳେ ଏ ମଧ୍ୟରେ ଜଣେ କଶ୍ମୀର ଯୁବକଙ୍କ ଭିଡିଓ ଏବେ ଭାଇରାଲ ହେବାରେ ଲାଗିଛି । ଭାଇରାଲ ଭିଡିଓରେ ଯୁବକଜଣଙ୍କ କଶ୍ମୀରରେ ମଦ ଦୋକାନ ଖୋଲିବାକୁ କହୁଥିବା ଦେଖାଯାଇଛି ।
Sambad is now on WhatsApp
Join and get latest news updates delivered to you via WhatsApp
All those who are breast beating on behalf of the Valley Kashmiris, need to hear this out. A direct appeal to @narendramodi ji. pic.twitter.com/MLvZvYsWXk
— Nisheeth Sharan (@nisheethsharan) August 6, 2019
ଭିଡିଓରେ ଯୁବକଜଣଙ୍କ ତଳେ ବସି, ମୋଦୀଜୀ କଶ୍ମୀରରେ ସ୍କୁଲ ବନିଗଲା, ସଡ଼କ ବି ନିର୍ମାଣ ହୋଇଗଲା ଓ କଲେଜ ବି ତିଆରି ହୋଇଗଲା । ଏବେ ଅନନ୍ତନାଗରେ ଏକ ମଦ ଦୋକାନ ଖୋଲିବା ଦରକାର । କାରଣ ପୁଅମାନଙ୍କୁ ଗୋଟେ ବୋତଲ ପାଇଁ ଶ୍ରୀନଗର ଯିବାକୁ ପଡ଼ୁଛି । ଯିବା ଆସିବାରେ ୨୦୦-୩୦୦ଟଙ୍କା ଲାଗିଯାଉଛି । ଶ୍ରୀନଗର ପାଇଁ ମଦ ଦୋକାନ କିନ୍ତୁ ଅନନ୍ତନାଗ ପାଇଁ ନୁହେଁ । ଏଭଳି ଭେଦଭାବ କ’ଣ ପାଇଁ? ମୁଁ ମୋଦୀ ସରକାରଙ୍କୁ ଅପିଲ କରୁଛି, ସେ ଅନନ୍ତନାଗରେ ଗୋଟେ ମଦ ଦୋକାନ ଖୋଲନ୍ତୁ ବୋଲି କହୁଥିବା ଦେଖା ଯାଇଛି ।