ପିଠିରେ ୭୧ଜଣ ସହିଦ୍ ଯବାନଙ୍କ ନାଁର ଟାଟୁ କରି ଶ୍ରଦ୍ଧାଞ୍ଜଳି ଦେଲେ ଯୁବକ
ନୂଆଦିଲ୍ଲୀ: ଶ୍ରୀଦୁନଗର ବସ୍ତିରେ ରହୁଥିବା ଜଣେ ଯୁବକ ଦେଶ ପାଇଁ ସହିଦ୍ ହୋଇଥିବା ଯବାନମାନଙ୍କୁ ଭିନ୍ନ ଉପାୟରେ ଶ୍ରଦ୍ଧାଞ୍ଜଳି ଦେଇଛନ୍ତି । ଗୋପାଳ ସହାରନ ନାମକ ଜଣେ ଯୁବକ ନିଜ ଶରୀରରେ ୭୧ଜଣ ସହିଦ୍ ଯବାନଙ୍କ ନାଁର ଟାଟୁ କରିଥିବା ଦେଖା ଯାଇଛି । ଏହି ନାମ ମଧ୍ୟରେ ପୁଲଓ୍ଵାମା ଅତଙ୍କବାଦୀ ଆକ୍ରମଣରେ ସହିଦ୍ ହୋଇଥିବା ୪୦ଜଣ ସହିଦ୍ ସିଆର୍ପିଏଫ୍ ଯବାନଙ୍କ ନାଁ ରହିଛି ।
Sambad is now on WhatsApp
Join and get latest news updates delivered to you via WhatsApp
ଭଗତ୍ ସିଂହ ୟୁଥ୍ ବ୍ରିଗେଡ୍ର ସଦସ୍ୟ ଗୋପାଲ ସହାରନଙ୍କ କହିବା ଅନୁଯାୟୀ, ସହିଦ୍ ହୋଇଥିବା ଯବାନମାନଙ୍କୁ ଶ୍ରଦ୍ଧାଞ୍ଜଳି ଦେବାର ଏହା ଏକ ଭଲ ଉପାୟ ବୋଲି ମୁଁ ଭାବୁଛି । ଏଥିରୁ ଅନ୍ୟମାନଙ୍କୁ ପ୍ରେରଣା ମିଳିବ ବୋଲି ସେ କହିଛନ୍ତି । କେବଳ ଗୋପାଲ ନୁହନ୍ତି, ସାରା ଦେଶବାସୀ ସହିଦ୍ ହୋଇଥିବା ଯବାନଙ୍କ ପରିବାରକୁ ଆର୍ଥିକ ସହାୟତା ଦେବା ପାଇଁ ଆଗେଇ ଆସିଛନ୍ତି । କିଛି ଦିନ ତଳେ ଗୁଜୁରାଟର ବ୍ୟବସାୟୀମାନେ ମିଶି ୭୧ଲକ୍ଷ ଟଙ୍କା ସହିଦ୍ ଯବାନଙ୍କ ପରିବାରକୁ ଦେବା ପାଇଁ ଆଦାୟ କରିଥିଲେ । କେବଳ ସାଧାରଣ ଲୋକ ନୁହନ୍ତି,ବଡ଼ ବଡ଼ କଳାକାରମାନେ ମଧ୍ୟ ପୂର୍ବରୁ ସହାୟତା ରାଶି ଦେଇ ସାରିଥିବା ସାମ୍ନାକୁ ଆସି ସାରିଛି ।