ପଇଡ଼ପାଣି ସ୍ୱାସ୍ଥ୍ୟକର ପାନୀୟ ହିସାବରେ ସୁପରିଚିତ। ପଇଡ଼ପାଣି କେବଳ ଶୋଷ ମେଣ୍ଟାଏ ନାହିଁ ସ୍ୱାସ୍ଥ୍ୟର ଅଶେଷ ଉପକାର ମଧ୍ୟ କରିଥାଏ।
Sambad is now on WhatsApp
Join and get latest news updates delivered to you via WhatsApp
ଶରୀରରୁ ଜଳଶୁଷ୍କତା ଦୂରାଏ: ପଇଡ଼ପାଣିରେ ଅଧିକ ପାଣିଭାଗ ଓ ମୂଲ୍ୟବାନ ପୋଷକତତ୍ତ୍ୱ ଥିବାରୁ ଜଳଶୁଷ୍କତା ଚିକିତ୍ସା ପାଇଁ ଉପଯୋଗ କରାଯାଏ। ଶରୀରୁ ମାତ୍ରାଧିକ ଜଳ ନିଷ୍କାସିତ ହୋଇଯାଇଥିଲେ ପଇଡ଼ପାଣି ତାହା ପୂରଣ କରେ।
ରକ୍ତଚାପ କମାଏ: ପଇଡ଼ପାଣିରେ ଭିଟାମିନ୍ ସି, ମାଗ୍ନେସିୟମ୍ ଏବଂ ପଟାସିୟମ ଥିବାରୁ ତାହା ରକ୍ତଚାପ ସ୍ତର କମାଇବାରେ ସହାୟତା କରେ। ଉଚ୍ଚ ରକ୍ତଚାପରେ ଆକ୍ରାନ୍ତ ବ୍ୟକ୍ତି ଦୈନିକ ପଇଡ଼ପାଣି ପିଇବା ଉଚିତ।
ମଧୁମେହ ଉପସମ କରେ: ମଧୁମେହରେ ଆକ୍ରାନ୍ତ ରୋଗୀଙ୍କ ପାଇଁ ପଇଡ଼ପାଣି ଚମତ୍କାର ପାନୀୟ। ଏହା ସେମାନଙ୍କ ଶରୀରରେ ଶର୍କରା ସ୍ତର ନିୟନ୍ତ୍ରଣ କରିଥାଏ।
ହଜମକାରକ: ପଇଡ଼ପାଣିରେ ପ୍ରଚୁର ପରିମାଣର ତନ୍ତୁ ଥିବାରୁ ଏହା ହଜମ କ୍ରିୟା ପାଇଁ ଉତ୍ତମ ହେବା ସହ ଆମ ପାଚନ ପ୍ରଣାଳୀକୁ ଠିକ୍ ଭାବେ କାମ କରିବାରେ ସହାୟତା କରିଥାଏ।
ଅର୍ବୁଦ ହ୍ରାସକାରୀ: ପଇଡ଼ପାଣିରେ ବହୁ ପରିମାଣର ପଟାସିୟମ୍ ଥିବାରୁ ଏହାକୁ ପିଇବା ଦ୍ୱାରା ସୋଡିୟମ୍ ଯୋଗୁଁ ଶରୀର ମଧ୍ୟରେ ହୋଇଥିବା ଅର୍ବୁଦ ବା ଗେଟାଳି କମିଯାଇଥାଏ। ଓଜନ କମାଇବାରେ ମଧ୍ୟ ଏହା ସହାୟକ ହୋଇଥାଏ।
ପରିସ୍ରାନଳୀ ସଂକ୍ରମଣ କମାଏ: ପଇଡ଼ପାଣିରେ ଔଷଧୀୟ ତତ୍ତ୍ୱ ଡିୟୁରେଟିକ୍ ଥିବାରୁ ତାହା ପରିସ୍ରାନଳୀରୁ ବ୍ୟାକ୍ଟେରିଆ ନିଷ୍କାସନ କରି ସଂକ୍ରମଣ ଉପସମ କରିଥାଏ।