ଏହି ରେସ୍ତୋରାଁରେ ପ୍ରେମିକାଙ୍କ ପାଇଁ ରହିଛି ଭିନ୍ନ ବିକଳ୍ପ, ବାଛିବା ପରେ ମିଳିବ ସ୍ୱତନ୍ତ୍ର ରିହାତି ଏବଂ ମାଗଣା ଖାଦ୍ୟ
ନୂଆଦିଲ୍ଲୀ: ଅନେକ ସମୟରେ ପ୍ରେମିକାଙ୍କ ଅଧିକ ଖାଦ୍ୟ ଖାଇବାକୁ ନେଇ ସେମାନଙ୍କ ପ୍ରେମିକମାନେ ଚିନ୍ତିତ ରହିଥାନ୍ତି । କିଛି ଯୁବକ ନିଜର ବଜେଟକୁ ନେଇ ଚିନ୍ତା କରୁଥିବା ବେଳେ ସେମାନଙ୍କ ପ୍ରେମିକାଙ୍କ ଖାଇବା ବେଳେ ବେଳେ ବଜେଟ ବାହାରକୁ ଚାଲି ଯାଇଥାଏ । ଏବେ ଏ ସବୁ ସମସ୍ୟାକୁ ଆଖି ଆଗରେ ରଖି ଫିଲାଡେଲଫିଆର ଏକ ରେସ୍ତୋରାଁ ଭିନ୍ନ ବିକଳ୍ପ ବାହାର କରିଛି । ରେସ୍ତୋରାଁଟି ମାଇଁ ଗର୍ଲଫ୍ରେଣ୍ଡ ଇଜ୍ ନଟ୍ ହଙ୍ଗରୀ ନାମରେ ଏକ ମେନ୍ୟୁ ତିଆରି କରିଥିବା ସହ ଏଥିରେ ଥିବା ଖାଦ୍ୟର ଦାମ୍ଗୁଡ଼ିକ କମ ରଖା ଯାଇଛି । କିଛି ଜିନିଷ ମାଗଣାରେ ଦିଆଯିବାର ମଧ୍ୟ ବ୍ୟବସ୍ଥା ରହିଛି ।
Sambad is now on WhatsApp
Join and get latest news updates delivered to you via WhatsApp
ନାଁଟି ଶୁଣିବାକୁ ଟିକେ ଅଲଗା ଲାଗୁଥିଲେ ମଧ୍ୟ ମେନ୍ୟୁରେ ଥିବା ଖାଦ୍ୟର ସ୍ୱାଦ ଚାଖିବା ପାଇଁ ଏହି ରେସ୍ତୋରାଁରେ ଲୋକଙ୍କ ଭିଡ଼ ଲାଗି ରହିଥାଏ । ପ୍ରେମିକ-ପ୍ରେମିକାମାନେ ଏଠାରେ ଆସି ଖାଇବା ମଜା ନେବା ସହ କମ ଦାମରେ ଏଠରେ ସେମାନେ ଅଧିକ ଖାଦ୍ୟ ଖାଇ ପାରିଥାନ୍ତି । ରେସ୍ତୋରାଁରେ ଏ ଭଳି ସୁବିଧା କରାଯିବା ପରେ ବଜେଟକୁ ନେଇ ଯୁବକମାନଙ୍କୁ ଏବେ କୌଣସି ଅସୁବିଧା ହେଉ ନଥିବା ଜଣା ପଡ଼ିଛି ।