ଦିନକୁ ଦିନ ବୃଦ୍ଧି ପାଇବାରେ ଲାଗିଛି ବାୟୁ ପ୍ରଦୂଷଣ। ବର୍ତ୍ତମାନ ଦିଲ୍ଲୀ ଦେଶର ସବୁଠାରୁ ଅଧିକ ପ୍ରଦୂଷିତ ସହର ଭାବେ ଉଭା ହୋଇଛି । ଏବେ ରାଜଧାନୀ ଦିଲ୍ଲୀର ସ୍ଥିତି ସଙ୍କଟଜନକ। ଦିଲ୍ଲୀର ପ୍ରଦୂଷଣ ଏବେ ଏତେ ଉତ୍କଟ ହୋଇଛି ଯେ ଲୋକଙ୍କୁ କବାଟ ଝରକା ବନ୍ଦ କରି ରହିବା ପାଇଁ ପରାମର୍ଶ ଦିଆଯାଉଛି । ପ୍ରଦୂଷଣ ଯୋଗୁଁ ବାହାରକୁ ବାହାରିବା ମୁସ୍କିଲ୍ ହୋଇପଡୁଛି । ଏଭଳି ପରିସ୍ଥିତିରେ ପ୍ରଦୂଷଣ କମାଇବା ପାଇଁ ବିଭିନ୍ନ ବିକଳ୍ପ କଥା ଚିନ୍ତା କରାଯାଉଛି ।
Sambad is now on WhatsApp
Join and get latest news updates delivered to you via WhatsApp
ବଢ଼ୁଥିବା ପ୍ରଦୂଷଣକୁ ଯାଗୁଁ ଦିଲ୍ଲୀର ପବନ ପ୍ରତିଦିନ ଅଧିକ ପ୍ରଦୂଷିତ ହେବାରେ ଲାଗିଛି । ରାଜଧାନୀରେ ଏୟାର କ୍ୱାଲିଟି ଇନଡେକ୍ସ ଗମ୍ଭୀର ହେବାକୁ ଲାଗିଛି । ଯଦ୍ୱାରା ଲୋକଙ୍କୁ ନିଶ୍ୱାସ ନେବାରେ କଷ୍ଟ ହେଉଛି । ଏପରି ପରିସ୍ଥତିରେ ବିଶୁଦ୍ଧ ତଥା ତାଜା ପବନ ପାଇବା ମୁସ୍କିଲ ହୋଇପଡ଼ୁଛି । ତେବେ ଏଥିପାଇଁ ଆଉ ଦିଲ୍ଲୀବାସୀଙ୍କୁ ଚିନ୍ତା କରିବା ପାଇଁ ପଡ଼ିବ ନାହିଁ। ତେବେ ଏଥିପାଇଁ ଆପଣଙ୍କୁ ଟଙ୍କା ଖର୍ଚ୍ଚ କରିବା ପାଇଁ ପଡ଼ିବ । ଏବେ ଏପରି ପରିସ୍ଥିତିରୁ ରକ୍ଷା ପାଇବା ପାଇଁ କିଛି କମ୍ପାନୀ ଶୁଦ୍ଧ ପବନ ବିକ୍ରି କରୁଛନ୍ତି । ଅନ୍ୟ ସାମଗ୍ରୀ ପରି ଅନଲାଇନରେ ଆପଣ ଶୁଦ୍ଧ ପବନ ଘରକୁ ମଗାଇପାରିବେ ଏବଂ ପ୍ରଦୂଷଣରୁ ମୁକ୍ତି ପାଇପାରିବେ ।
ସୂଚନା ଅନୁସାରେ ପବନ ଲିଟର ହିସାବରେ ମିଳବ । ତେବେ ବର୍ତ୍ତମାନ ଶୁଦ୍ଧ ପବନ କେବଳ ଅନଲାଇନରେ ହିଁ ଉପଲବ୍ଧ। କମ୍ପାନୀ ଗୁଡ଼ିକ ଖୁବ ଶୀଘ୍ର ମାର୍କେଟ ଆଣିବା ପାଇଁ ପ୍ରୟାସ କରୁଛନ୍ତି । ଏକ ଭାରତୀୟ କମ୍ପାନୀ ଉତ୍ତରାଖଣ୍ଡର ପାହାଡ଼ି ଅଂଚଳର ଶୁଦ୍ଧ ପବନ ବିକ୍ରି କରୁଛି । ୧୦ ଲିଟର ଶୁଦ୍ଧ ପବନର ମୂଲ୍ୟ ରହିଛି ୫୫୦ ଟଙ୍କା । କମ୍ପାନୀ ଉତ୍ତରାଖଣ୍ଡର ଚମୋଲୀର ଶୁଦ୍ଧ ପବନ ବିକ୍ରି କରୁଛି । ଅନ୍ୟପଟେ ଅଷ୍ଟ୍ରେଲିଆର ଏକ କମ୍ପାନୀ ଦୁଇଟି ଆକାରରେ ନିଜ ବୋତଲ ଲଂଚ କରିଛନ୍ତି । ଏହାର ମୂଲ୍ୟ ୧୪୯୯ ଟଙ୍କା ରହିଛି । ଅନ୍ୟପଟେ କମ୍ପାନୀ ୧୫ ଲିଟର ପବନ ଯୁକ୍ତ ଏକ ଅନ୍ୟ ବୋତଲ ବିକ୍ରି ହେଉଛି । ଯାହାର ମୂଲ୍ୟ ରହିଛି ୧୯୯୯ ଟଙ୍କା ।