ନୂଆଦିଲ୍ଲୀ: ଆଜିକାଲି ଆଧାର କାର୍ଡ ନମ୍ବର ଲିକ ହେବାର ଅନେକ ମାମଲା ସାମନାକୁ ଆସୁଛି । ସେଥିପାଇଁ ଆଧାର କାର୍ଡଧାରୀଙ୍କୁ ଭାରତୀୟ ବିଶିଷ୍ଟ ପରିଚୟ ପ୍ରାଧିକରଣର ସତର୍କ ସୂଚନା ଜାରି କରିଛନ୍ତି। ଆଧାର ନମ୍ବରକୁ ଅନଲାଇନ ବ୍ୟବହାର କରୁଥିଲେ ସାବଧାନ ହୋଇଯାଆନ୍ତୁ ।
Sambad is now on WhatsApp
Join and get latest news updates delivered to you via WhatsApp
ୟୁଆଇଡିଏଆଇର କହିବାନୁସାରେ, ଅନଲାଇନରେ କୈାଣସି ବି କାମରେ ଆଧାର କାର୍ଡ ବ୍ୟବହାର କରୁଥିଲେ, ନିଜର ଆଧାର ନମ୍ବର ପରି ବ୍ୟକ୍ତିଗତ ତଥ୍ୟ ସହିତ ସତର୍କତା ଅବଲମ୍ବନ କରନ୍ତୁ ।
ଗୁଗଲ ସର୍ଚ୍ଚରେ ମେରା ଆଧାର, ମେରୀ ପହଚାନ ଟାଇପ କଲେ ଆଧାରର ପିଡିଏଫ ଫାଇଲ ଖୋଲି ବ୍ୟକ୍ତିଗତ ତଥ୍ୟ ଲିକ ହେଉଥିବାର ଖବର ପ୍ରକାଶ ପାଇଥିଲା। ଏହି ଅଭିଯୋଗକୁ ୟୁଆଇଡିଏଆଇ ଖଣ୍ଡନ କରିଛି ଓ ଦାବି କରିଛି ଯେ ଆଧାର ସମ୍ବନ୍ଧିତ ତଥ୍ୟ ଲିକ ହେବାର ପ୍ରସଙ୍ଗ ସମ୍ପୂର୍ଣ୍ଣ ରୂପେ କାଳ୍ପନିକ ।
ଭାରତୀୟ ବିଶିଷ୍ଟ ପରିଚୟ ପ୍ରାଧିକରଣ(ଞଐଉଆଐ) ର ବୟାନ ଅନୁସାରେ ଗୁଗଲ ସର୍ଚ୍ଚ କରୁଥିବାବେଳେ ଆଧାର ସଂପର୍କିତ ସୂଚନା ମିଳିଯାଉଥିବାର ଖବର ସତ୍ୟ ନୁହେଁ । ଆଧାର ଓ ଏଥି ସମ୍ବନ୍ଧୀୟ ତଥ୍ୟର ସୁରକ୍ଷା ସହ ଏହାର କୌଣସି ସଂପର୍କ ନାହିଁ । ଆଧାର ଓ ତା’ର ତଥ୍ୟ ସମ୍ପୂର୍ଣ୍ଣ ରୂପେ ସୁରକ୍ଷିତ ଅଛି । ଯଦି କେହି ବେଆଇନ ଭାବେ କାହାର ବ୍ୟକ୍ତିଗତ ତଥ୍ୟ ଯେପରିକି ଆଧାର କାର୍ଡ, ମୋବାଇଲ ନମ୍ବର, ବ୍ୟାଙ୍କ ଆକାଉଣ୍ଟ, ଫୋଟୋଗ୍ରାଫ ଆଦି ସାର୍ବଜନିକ କରୁଛନ୍ତି ତେବେ ତାଙ୍କ ବିରୋଧରେ ପୀଡିତ ବ୍ୟକ୍ତି ଅପରାଧିକ ମାମଲା ରୁଜୁ କରିପାରିବେ ।