ଭିଡିଓ କଲ୍ରେ ହେଲା ଯୁବକ-ଯୁବତୀଙ୍କ ନିର୍ବନ୍ଧ; ସଜବାଜ ହୋଇ ଉପସ୍ଥିତ ଥିଲେ ଦୁଇ ପରିବାର
ନୂଆଦିଲ୍ଲୀ: ଆଜିକାଲିର ବ୍ୟସ୍ତବହୁଳ ସମୟରେ କାହାରିପାଖରେ କାହା ପାଇଁ ସମୟ ନାହିଁ କହିଲେ ଚଳେ। ଏଭଳି କ୍ଷେତ୍ରରେ ଲୋକମାନେ ଇଣ୍ଟରନେଟ ଓ ମୋବାଇଲକୁ ବିଭିନ୍ନ କାମ ପାଇଁ ବ୍ୟବହାର କରୁଥିବା ବେଳେ ଏହାକୁ ନେଇ ଗୁଜୁରାଟରୁ ଏକ ଅଦ୍ଭୁତ ଘଟଣା ସାମ୍ନାକୁ ଆସିଛି। ଗୁଜୁରାଟରେ ଭିଡିଓ କଲ ଜରିଆରେ ଯୁବକ-ଯୁବତୀଙ୍କ ନିର୍ବନ୍ଧ ହୋଇଥିବା ଦେଖିବାକୁ ମିଳିଛି। ସୋସିଆଲ ମିଡିଆରେ ଏହି ଘଟଣାର ଏକ ଭିଡିଓ ଭାଇରାଲ୍ ହେବାରେ ଲାଗିଛି।
Sambad is now on WhatsApp
Join and get latest news updates delivered to you via WhatsApp
ଭାଇରାଲ ହୋଇଥିବା ଭିଡିଓରେ ଦେଖିବାକୁ ମିଳୁଛି କି, ଯୁବକ-ଯୁବତୀଙ୍କ ପରିବାରଲୋକ ଦୁଇଟି ସ୍ମାର୍ଟଫୋନ୍କୁ ନିଜନିଜ ସାମ୍ନାରେ ରଖି ପୂଜା କରୁଛନ୍ତି। ଏହି ଦୁଇଟି ଫୋନ୍ ମଧ୍ୟରୁ ଗୋଟିଏ ଫୋନ୍ ସ୍କ୍ରିନ୍ରେ ଯୁବତୀ ଓ ଅନ୍ୟ ଏକ ଫୋନ୍ରେ ଯୁବକ ଭିଡିଓ କଲରେ ରହିଛନ୍ତି। କନ୍ୟା ଥିବା ଫୋନ୍ ସ୍କ୍ରିନ୍ ଉପରେ ପୁଅଘର ଲୋକ ଆଣିଥିବା ପୂଜା ସାମଗ୍ରୀ ସହିତ ଶାଢ଼ି, ଗହଣା ଓ ଫୁଲ ଆଦି ରଖୁଛନ୍ତି। ସେହିପରି କନ୍ୟା ଘର ଲୋକ ମଧ୍ୟ ଫୋନ୍କୁ ଆଧାର କରି ପୁଅକୁ ଯାହା ଦେବା କଥା ତାହା ସବୁ ସେଠାରେ ରଖୁଛନ୍ତି।
ଭିଡିଓ କଲ ଜରିଆରେ ଯୁବକ-ଯୁବତୀଙ୍କ ଏଭଳି ନିର୍ବନ୍ଧ ସୋସିଆଲ ମିଡିଆରେ ବେଶ ଗ୍ରହଣୀୟ ହୋଇଛି । ଏହି ଭିଡିଓକୁ ଦେଖି ସୋସିଆଲ ମିଡିଆ ବ୍ୟବହାରକାରୀ ବିଭିନ୍ନ ପ୍ରକାର ପ୍ରତିକ୍ରିୟା ଦେଉଛନ୍ତି। ତେବେ ଭିଡିଓଟି କେଉଁଦିନର ତାହା ଏଯାବତ ସ୍ପଷ୍ଟ ହୋଇ ପାରି ନାହିଁ।