ଲୋକଙ୍କୁ ସତର୍କ କରାଇବା ପାଇଁ କରୋନା ହେଲମେଟ ପିନ୍ଧି ପରିବା ହାଟରେ ପହଁଚିଲେ ପୁଲିସ ଅଧିକାରୀ
ଚେନ୍ନାଇ: କରୋନା ଭାଇରସ ଏବେ ମହାମାରୀର ରୂପ ଧାରଣ କରିସାରିଥିବା ବେଳେ ଏହାର ମୁକାବିଲା ପାଇଁ ସରକାର ଅନେକ ପଦକ୍ଷପ ନେଉଛନ୍ତି | ସଂକ୍ରମଣକୁ ରୋକିବା ପାଇଁ ମୋଦୀ ସରକାର ଦେଶରେ ୧୧ଦିନିଆ ଲକଡାଉନ ଘୋଷଣା କରିଥିବା ବେଳେ କିଛି ଲୋକ ଏହି ନିୟମକୁ ଅବମାନନା କରୁଥିବାର ଦେଖାଯାଉଛି | ତେବେ ଲୋକଙ୍କୁ ସତର୍କ କରାଇବା ପାଇଁ ଚେନ୍ନାଇ ପୁଲିସ କରିଥିବା କାମକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇ ଯାଇଛି | ଲୋକଙ୍କୁ ସତର୍କ କରାଇବା ପାଇଁ ଜଣେ ପୁଲିସକର୍ମୀ କରୋନା ହେଲମେଟ ପିନ୍ଧିବା ଘଟଣାର କିଛି ଦୃଶ୍ୟ ଏବେ ସାମ୍ନାକୁ ଆସିଛି |
Sambad is now on WhatsApp
Join and get latest news updates delivered to you via WhatsApp
Mirror Now
ସୂଚନା ମୁତାବକ, କିଛି ଦିନ ତଳେ ବରିଷ୍ଠ ପୁଲିସ ଅଧିକାରୀ ରାଜେଶ ବାବୁ କରୋନା ହେଲମେଟ ପିନ୍ଧିବା ଖବର ଚର୍ଚ୍ଚାରେ ରହିଥିଲା | ସେ କରୋନା ହେଲମେଟ ପିନ୍ଧି ରାସ୍ତାରେ ଲୋକଙ୍କୁ ବାହାରକୁ ନଆସିବା ପାଇଁ କହିବା ସହ କରୋନା ଭୂତାଣୁ କେତେ ବିପଦଜନକ ତାହା ଲୋକଙ୍କୁ ଜଣାଇଥିଲେ | ଏବେ ପୁଣି ଥରେ ସେ କରୋନା ହେଲମେଟ ପିନ୍ଧି ପରିବା ହାଟରେ ପହଂଚିଥିବାର ଦେଖାଯାଇଛି | ଲୋକଙ୍କୁ ପାଖ ପାଖି ବସି ପରିବା ନ ବିକିବାକୁ କହିବା ସହ ପରିବା କିଣିବାକୁ ଆସୁଥିବା ଲୋକଙ୍କୁ ଦୂରତା ବଜାୟ ରଖି ପରିବା କିଣିବାକୁ କହୁଥିବାର ଦେଖା ଯାଇଛି, ଯାହାର ଭିଡ଼ିଓ ସାମ୍ନାକୁ ଆସିଛି | ଲୋକଙ୍କୁ ସତର୍କ କରିବା ପାଇଁ ପୁଲିସ ଅଧିକାରୀଙ୍କ ଏଭଳି କାମ ଏବେ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି |