୮୦ଟଙ୍କାର ଋଣରେ ଆରମ୍ଭ କରାଯାଇଥିବା ଏହି କମ୍ପାନିର କାରବାର ଆଜି ୮୦୦କୋଟି ପହଞ୍ଚିଛି; ଏହାର ଉତ୍ପାଦ ଏବେ ଘରେ ଘରେ ପହଞ୍ଚିଛି
ନୂଆଦିଲ୍ଲୀ : ଲିଜ୍ଜତ ପାମ୍ପଡ଼ର ସ୍ୱାଦର ମଜା ଆପଣମାନେ ନେଇଥିବେ ନିଶ୍ଚୟ । ପ୍ରତି ଘରେ ଖାଇବା ସମୟରେ ସମସ୍ତେ ଲିଜ୍ଜତ ପାମ୍ପଡ଼ ଖାଇବାକୁ ହିଁ ପସନ୍ଦ କରିଥାନ୍ତି । ଲିଜ୍ଜତ ଶବ୍ଦର ଅର୍ଥ ସ୍ୱାଦିଷ୍ଟ ହୋଇଥିବା ବେଳେ ନାଁ ଅନୁସାରେ ସମସ୍ତଙ୍କୁ ପସନ୍ଦ ଆସିଛି ପାମ୍ପଡ଼ । ତେବେ ଯେଉଁ ଲିଜ୍ଜତ ପାମ୍ପଡ଼ର ସ୍ୱାଦ ଆପଣାନେ ନେଉଛନ୍ତି ତାହାର ଇତିହାସ ବିଷୟରେ ଆପଣ ଜାଣିଛନ୍ତି କି? ୭ଜଣ ଗୁଜୁରାଟୀ ମହିଳା ମିଶି କିପରି ଏହାକୁ ଆରମ୍ଭ କରିଥିଲେ ତାହା ବୋଧହୁଏ କାହାକୁ ଜଣା ନ ଥିବ । ୮୦ଟଙ୍କା ଋଣ କରାଯାଇ ଏହାକୁ ଆରମ୍ଭ କରାଯାଇଥିବା ବେଳେ ତାହା ଏବେ ୮୦୦କୋଟିରେ ପହଞ୍ଚିଛି । ଯେଉଁଠି ପ୍ରାୟ ୪୫ହଜାରରୁ ଅଧିକ ମହିଳା କାମ କରୁଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ,୧୯୫୦ ମସିହାରେ ୭ଜଣ ଗୁଜୁରାଟୀ ମହିଳା ନିଜର ଘର ଚଳାଇବା ପାଇଁ ପାମ୍ପଡ଼ ତିଆରି କରିବା ଆରମ୍ଭ କରିଥିଲେ । ଘର ଚଳାଇବା ପାଇଁ ସେ କେବଳ ଏହି କାମ କରି ପାରୁଥିବା ବେଳେ ଏହି କାମକୁ ଆଗକୁ ବଢ଼ାଇବା ପାଇଁ ସେମାନଙ୍କ ପାଖରେ ଟଙ୍କା ନଥିଲା । ନିଜର ଏକ କମ୍ପାନୀ ଆରମ୍ଭ କରିବା ପାଇଁ ସେମାନେ ସମାଜସେବୀ ଚଗନଲାଲ କରମାସୀ ପାରେଖ୍ଙ୍କଠାରୁ ୮୦ଟଙ୍କା କରଜ କରିଥିଲେ । ଏହି ଟଙ୍କାକୁ ନେଇ ଅଚଳ ପଡ଼ିଥିବା ଏକ ପାମ୍ପଡ଼ କମ୍ପାନୀକୁ କିଣିବା ସହ ଚାଲୁ କରିଥିଲେ । ଧିରେ ଧିରେ କାମ ଭଲ ଚାଲିବା ସହ ମହିଳା ସଶକ୍ତିକରଣ ଦିଗରେ ଏହା ଏକ ଐତିହାସିକ ପଦକ୍ଷେପ ସାବ୍ୟସ୍ତ ହେଲା । ଆରମ୍ଭରୁ ୧୮ବର୍ଷରୁ କମ ପିଲାମାନେ ମଧ୍ୟ ଏଥିରେ କାମ କରୁଥିବା ବେଳେ ପରେ ୧୮ବର୍ଷରୁ ବୟସର ଅଧିକ ଯୁବତୀଙ୍କୁ ହିଁ କାମ ଦିଆଯିବ ବୋଲି ସ୍ଥିର କରାଯାଇଥିଲା । ୩ ମାସ ମଧ୍ୟରେ ୨୫ଜଣ ମହିଳା ପାମ୍ପଡ଼ ତିଆରି କରିବା ଆରମ୍ଭ କରିଥିଲେ । ପ୍ରଥମ ବର୍ଷ ୬୧୯୬ଟଙ୍କାର ପାମ୍ପଡ଼ ବିକ୍ରି ହୋଇଥିଲା । ଧିରେ ଧିରେ ଲୋକମାନଙ୍କ ଦ୍ୱାରା ଏବଂ ଖବରକାଗଜ ଦ୍ୱାରା ଏହି ପାମ୍ପଡ଼ ବିଷୟରେ ଲୋକେ ଜାଣିବାକୁ ପାଇଲେ । ଦ୍ୱିତୀୟ ବର୍ଷ ଶେଷ ବେଳକୁ ପ୍ରାୟ ୩୦୦ମହିଳା କାମ କରିବା ଆରମ୍ଭ କରି ସାରିଥିଲେ । ୧୯୬୨ରେ ପାମ୍ପଡ଼ର ନାଁ ଲିଜ୍ଜତ ଏବଂ ସଂଗଠନର ନାଁ ଶ୍ରୀ ମହିଳା ଗୃହ ଉଦ୍ୟେଗ ଲିଜ୍ଜତ ପାମ୍ପଡ଼ ରଖାଗଲା । ଆଜି ବଜାରରେ ଏହି ସଂଗଠନ ଦ୍ୱାରା ତିଆରି କରାଯାଉଥିବା ଅନେକ ପ୍ରକାରର ପାମ୍ପଡ଼,ଆଚାର,ଅଟା,ଚା’ ପତି ଇତ୍ୟାଦି ଜିନିଷ ବିକ୍ରି ହେଉଛି ।