ଆସିଲା ସ୍ମାର୍ଟୱାଚ୍; ଏହି ହାତବନ୍ଧା ଘଣ୍ଟା ଜଣାଇ ଦେବ ଆପଣ ଅଫିସରେ ରହି କାମ କରୁଛନ୍ତି ନା ବାହାରେ ବୁଲୁଛନ୍ତି !
ଚଣ୍ଡିଗଡ଼ : ଏଣିକି କର୍ମଚାରୀଙ୍କ ଉପରେ ନଜର ରଖିବ କର୍ମଚାରୀଙ୍କ ହାତବନ୍ଧା ଘଣ୍ଟା । କର୍ମଚାରୀମାନେ ହାତରେ ବାନ୍ଧିଥିବା ଘଣ୍ଟା କହିବ କି ସେମାନେ ଅଫିସରେ ନିଜ ସିଟରେ ବସି କାମଳ କରୁଛନ୍ତି ନା କେଉଁ ଆଡେ ଗାଏବ ହୋଇଯାଇଛନ୍ତି । ଏଥି ସହିତ ହିଁ ବାହାରେ କାମ କରୁଥିବା କର୍ମଚାରୀଙ୍କ ବିଷୟରେ ଏହି ଘଣ୍ଟା କହିବ କି ସେମାନେ ନିଜ କାମ ଠିକ ଭାବରେ କରୁଛନ୍ତି ନା ଅନ୍ୟ କେଉଁଠି ବୁଲୁଛନ୍ତି । ତେବେ ଏହା ଏବେ ସମ୍ଭବ ହେବ ସ୍ମାର୍ଟ ୱାଚରୁ । ତେବେ ଏଭଳି ଏକ ନିଆରା ବ୍ୟବସ୍ଥା ଆଣିବାକୁ ଯାଉଛି ଚଣ୍ଡିଗଡର ନଗର ନିଗମ ।
Sambad is now on WhatsApp
Join and get latest news updates delivered to you via WhatsApp
ନିଜ କର୍ତ୍ତବ୍ୟରେ ଅବହେଳା କରିବା ତଥା ଠକୁଥିବା କର୍ମଚାରୀ ଏବଂ ଅଧିକାରୀମାନେ ହ୍ୟୁମାନ୍ ଆଫିନ୍ସିଆଲ୍ ଟ୍ରାକିଂ ସିଷ୍ଟମ୍ ଲାଗିଥିବା ଘଣ୍ଟା ମାଧ୍ୟମରେ ଅତି ସହଜରେ ଧରା ପଡ଼ିବେ । ଚଣ୍ଡିଗଡ ନଗର ନିଗମ ଖୁବ୍ ଶୀଘ୍ର ଏହି ବ୍ୟବସ୍ଥାକୁ ଲାଗୁ କରିବାକୁ ଯାଉଛି । ନଗର ନିଗମ ହାଉସ ମିଟିଂରେ ଏହି ନୂଆ ବ୍ୟବସ୍ଥାକୁ ଲାଗୁ କରିବା ପାଇଁ ବର୍ତ୍ତମାନ ସବୁଜ ସଂକେତ ମିଳିଛି ।
ଏହି ସ୍ମାର୍ଟ ୱାଚରୁ ଅତି ସହଜରେ ଜଣାପଡିଯିବ କି, କୌଣସି ବି କର୍ମଚାରୀ ନିଜ ସିଟରୁ କେତେ ସମୟ ଧରି ଗାଏବ ରହୁଛନ୍ତି କିମ୍ବା ସେ ଫିଲ୍ଡରେ କେତେ ସମୟ ଧରି କାମ କରୁଛନ୍ତି । ଏଥିରେ ଲାଗିଥିବା ଇନବିଲ୍ଟ କ୍ୟାମେରାରୁ ଅନଲୋକେସନ ଫଟୋ ମଧ୍ୟ ଦେଖାଯିବ । ଏହି ଘଣ୍ଟା ଜିପିଏସ ଆଧାରିତ । ତେବେ ଚଣ୍ଡିଗଡ଼ ନଗର ନିଗମର ପାଖାପାଖି ୪୦୦୦ କର୍ମଚାରୀମାନଙ୍କୁ ଏହି ଘଣ୍ଟା ଦିଆଯିବ । ଏହି ଘଣ୍ଟାର କନେକ୍ଟିଭିଟି ନଗର ନିଗମ ବିଲ୍ଡିଂରେ ନିର୍ମାଣ ହୋଇଥିବା କଣ୍ଟ୍ରୋଲ୍ ରୁମରେ ହେବ । ଯେଉଁଠି ଜଣେ ସୁପରଭାଇଜର ଏବଂ ଚାରି ଅନ୍ୟ ଷ୍ଟାଫ ନିଯୁକ୍ତ ହୋଇଥିବେ ।
ସେହିପରି ସରକାରୀ ଉଦ୍ୟୋଗ ଆଇଡିଆଇ ଦିଲ୍ଲୀରୁ ଏହି ଘଣ୍ଟାକୁ ଅଣାଯିବ ବୋଲି ଜଣାପଡ଼ିଛି । ପ୍ରତି ଘଣ୍ଟା ଲାଗି ମାସିକ ୪୦୦ ଟଙ୍କା ଖର୍ଚ୍ଚ ଆସିବ । ସ୍ମାର୍ଟ ୱାଚ ଖରାପ ହେବା ଦ୍ୱାରା ତାର ମରାମତି ବାବଦକୁ ସମସ୍ତ ଟଙ୍କା କଂପାନି ହିଁ ବହନ କରିବ ।