ଚା’ ବିକି ମାସକୁ ମାତ୍ର ୬ ହଜାର ଟଙ୍କା ରୋଜଗାର କରନ୍ତି ବାପା ! ଝିଅକୁ ମିଳିଲା ୨ କୋଟିର ସ୍କଲାରସିପ୍, ଆମେରିକାର ବାବସନ୍ କଲେଜରେ ପଢ଼ିବ ପାଠ
ଲକ୍ଷ୍ନୌ: ପ୍ରତି ବାପା-ମାଙ୍କର ସ୍ବପ୍ନ ଥାଏ ସୋମନଙ୍କ ପିଲା ତାଙ୍କ ଠାରୁ ଅଧିକ ସଫଳ ହୁଅନ୍ତୁ। ସେଥିପାଇଁ ନିଜ ପିଲାମାନଙ୍କୁ ଭଲ ପାଠ ପଢାଇବା ପାଇଁ ବାପା ମା’ ମାନେ ଅନେକ ପରିଶ୍ରମ କରିଥାନ୍ତି । ଯେଉଁ ପିଲାମାନେ ତାଙ୍କ ଅଭିଭାବକଙ୍କର ପରିଶ୍ରମର ସଦୁପଯୋଗ କରି ଜୀବନରେ ସଫଳତା ହାସଲ କରିଥାନ୍ତି, ସେମାନେ ପ୍ରଶଂସାର ପାତ୍ର ହୁଅନ୍ତି। । ସେହିଭଳି ଜଣେ ସୁନାପିଲା ହେଉଛନ୍ତି ୧୭ ବର୍ଷୀୟା ସୁଦୀକ୍ଷା ଭାଟି । ଉତ୍ତରପ୍ରଦେଶର ବୁଲନ୍ଦସହରର ବାସିନ୍ଦା ତଥା ଜଣେ ସାଧାରଣ ଚା’ବିକାଳିଙ୍କ ଝିଅ ସୁଦୀକ୍ଷା ଆମେରିକାରେ କଲେଜ ପାଠ ପଢ଼ିବା ଲାଗି ପାଇଛନ୍ତି ୧.୯୨ କୋଟିର ସ୍କଲାରସିପ୍। ତାଙ୍କର ବାପା ଚାହା ବିକି ପରିବାର ଚଳାନ୍ତି । ଗରର ମାସିକ ଆୟ ମାତ୍ର ୬,୦୦୦ ଟଙ୍କା । ଅନେକ ଦୁଃଖ କଷ୍ଟ ଭିତରେ ଚଳିଥିବା ସୁଦୀକ୍ଷାଙ୍କ ସ୍ୱପ୍ନ ଏବଂ ପରିଶ୍ରମ ତାଙ୍କୁ ସଫଳତାର ଶୀର୍ଷକୁ ନେଇଯାଇଛି । ଏବେ ଉଚ୍ଚ ଶିକ୍ଷା ପାଇଁ ସେ ଆମେରିକା ଯାଉଛନ୍ତି ଏବଂ ନିଜ ପରିବାର ଲାଗି ଗୌରବ ଆଣିଛନ୍ତି। ।
Sambad is now on WhatsApp
Join and get latest news updates delivered to you via WhatsApp
ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ଆମେରିକାର ମାସାଚୁଟସରେ ଥିବା ବାବସନ୍ କଲେଜରେ ପଢିବା ପାଇଁ ୧.୯୨ କୋଟି ଟଙ୍କାର ସ୍କଲାରସିପ୍ ମିଳିଛି ସୁଦୀକ୍ଷାଙ୍କୁ । ଏବେ ସେ ନିଜ ସ୍ୱପ୍ନ ପୂରଣ କରିପାରିବେ । ସୁଦୀକ୍ଷା ସିବିଏସଇ ବୋର୍ଡ ପରୀକ୍ଷାରେ ୯୮ ପ୍ରତିଶତ ନମ୍ବର ହାସଲ କରିବା ସହ ନିଜ ଜିଲ୍ଲାରେ ପ୍ରଥମ ସ୍ଥାନ ଅଧିକାର କରିଥିଲେ । ପାଠ ପଢିବା ସହ ସୁଦୀକ୍ଷା ସାମାଜିକ କାର୍ଯ୍ୟ ମଧ୍ୟ କରିଥାନ୍ତି ଏବଂ ସେ ଏକ ମହିଳା ସଂଗଠନ ସହ ମଧ୍ୟ ଜଡିତ ଅଛନ୍ତି। ଏହି ସଂସ୍ଥା ମହିଳାମାନଙ୍କ ବିରୋଧରେ ବଢୁଥିବା ଅପରାଧକୁ ବିରୋଧ କରିବାର କାର୍ଯ୍ୟ କରିଥାନ୍ତି । ଗଣମାଧ୍ୟମକୁ ସୁଦୀକ୍ଷା କହିଛନ୍ତି ଯେ, ସେ ଅତ୍ୟନ୍ତ ଖୁସି ଅଛନ୍ତି ଯେ ସେ ଆମେରିକାରେ ପାଠ ପଢିବେ ଏବଂ ନିଜ ସ୍ୱପ୍ନ ପୁରା କରିବେ ।