କେରଳ ବନ୍ୟାରେ ଜଣେ ମୂଲିଆ ଭଳି କାମ କରୁଥିବା ବ୍ୟକ୍ତି ଆଇଏଏସ୍‌ ଅଧିକାରୀ ବୋଲି ଜଣାପଡ଼ିବା ପରେ ଚମ୍‌କି ପଡ଼ିଲେ ଲୋକେ

1 1,248

ତିରୁବନନ୍ତପୁରମ୍‌: ନିକଟରେ କେରଳରେ ହୋଇଥିବା ବନ୍ୟା ରାଜ୍ୟର ନାହିଁ ନଥିବା କ୍ଷତି ଘଟାଇଛି। ମାତ୍ର ଏହି ସମୟରେ ଏକ ଭଲ କଥା ଦେଖିବାକୁ ମିଳିଛି, ଅନେକ ମଣିଷଙ୍କ ଭିତରେ ଥିବା ମଣିଷପଣିଆ ସାମ୍ନାକୁ ଅାସିଛି । ବନ୍ୟାପ୍ରପୀଡ଼ିତଙ୍କୁ ସାହାଯ୍ୟ କରିବା ନେଇ ଅନେକ ଉତ୍ସାହପୂର୍ଣ୍ଣ କାହାଣୀ  ଦେଖିବାକୁ ମିିଳିଛି। ବହୁ ଲୋକ କେଳରବାସୀଙ୍କୁ ସହାୟତାର ହାତ ବଢ଼ାଇ ପ୍ରେରଣା ପାଲଟିଛନ୍ତି।

ଏହି ଦୌଡ଼ରେ ନୀରବ ଭାବେ ସାମିଲ୍‌ ଥିଲେ ଜଣେ ଆଇଏଏସ୍‌ ଅଫିସର୍‌। ଯାହାଙ୍କୁ କେହି ଚିହ୍ନିପାରି ନଥିଲେ, ମାତ୍ର ସେ ଚୁପ୍‌ଚାପ୍‌ କେରଳର ବନ୍ୟାପ୍ରପୀଡ଼ିତଙ୍କ ଉଦ୍ଧାରକାର୍ଯ୍ୟରେ ନିଜକୁ ନିୟୋଜିତ କରିଥିଲେ। ଆଶ୍ଚର୍ଯ୍ୟର କଥା ହେଉଛି କି ଜଣେ ଆଇଏଏସ୍‌ ଅଫିସର୍‌ ହୋଇ ମଧ୍ୟ ଲୋକଙ୍କ ପାଇଁ ମୂଲିଆ ପରି କାମ କରୁଥିଲେ କାହାକୁ କିଛି ନ କହି।

ଆଞ୍ଚଳିକ ଗଣମାଧ୍ୟମ ରିପୋର୍ଟ ଅନୁଯାୟୀ ଏହି ଆଇଏଏସ୍‌ ଅଫିସର୍‌ ଜଣକ ସ୍ୱେଚ୍ଛାସେବୀ ଭାବେ ସରକାରଙ୍କ ରିଲିଫ୍‌ ବଣ୍ଟନ କାର୍ଯ୍ୟରେ ସାମିଲ୍‌ ଥିଲେ। ଅନ୍ୟମାନଙ୍କ ପରି ସେ ପୂରା ଦିନ ଲୋଡିଂ ଓ ଅନ୍‌ଲୋଡିଂ କରିବାରେ ବ୍ୟସ୍ତ ରହୁଥିଲେ। ଯେତେବେଳେ ଏର୍ଣ୍ଣାକୁଲମ ଜିଲ୍ଳାର କଲେକ୍ଟର ବୁଲିବାକୁ ଆସିଥିଲେ ସେଠାରେ ଥିବା ଅନ୍ୟ ସମେସ୍ତ ଚକିତ ହୋଇ ଯାଇଥିଲେ। ସେତେବେଳେ ଯାଇ ଜଣାପଡ଼ିଲା ଯେ ତାଙ୍କ ସହ ଜଣେ ସାଧାରଣ ସ୍ୱେଚ୍ଛାସେବୀ ଭାବେ କାର୍ଯ୍ୟ କରୁଥିବା ବ୍ୟକ୍ତି ଜଣକ ହେଉଛନ୍ତି ଦାଦ୍ରା ଓ ନଗର ହାଭେଲିରର ଜିଲ୍ଲାପାଳ ବୋଲି। ସେ ୨୦୧୨ ମସିହାରେ ଆଇଏଏସ୍‌ ଅଫିସର୍‌ ଭାବେ ନିଯୁକ୍ତି ପାଇଥିଲେ।

ଏହି ଆଇଏଏସ୍‌ ଅଫିସର୍‌ ଜଣକ ହେଉଛନ୍ତି କନ୍ନନ ଗୋପିନାଥ। ସେ ବନ୍ୟପ୍ରପୀଡ଼ିତଙ୍କୁ ସାହାଯ୍ୟ କରିବାକୁ କିଛି ଦିନ ଛୁଟି ନେଇ ବନ୍ୟା ଅଞ୍ଚଳକୁ ଯାଇଥିଲେ। ଗୋପିନାଥ ସ୍ୱେଚ୍ଛାସେବୀ ଭାବେ କାର୍ଯ୍ୟ କରିବା ପୂର୍ବରୁ ତାଙ୍କ ଜିଲ୍ଳା ଦାଦ୍ରା ଓ ନଗର ହାଭେଲିର ପକ୍ଷରୁ କେରଳ ରାଜ୍ୟ ସରକାରଙ୍କ ରିଲିଫ୍‌ ପାଣ୍ଠିକୁ ୧ କୋଟି ଅନୁଦାନ ଦେଇଥିଲେ।

ସମ୍ବନ୍ଧିତ ଖବର

Leave A Reply

Your email address will not be published.

1 Comment
  1. Santosh kumar aika says

    Good nice gob sir …..