ଏହି ଗାଆଁର ଲୋକେ ଖରାକୁ ଆସିଲେ ,ସେମାନଙ୍କ ମୁହଁ ତରଳିଯାଏ
କୁହାଯାଏ ଯେ ଅଧିକ ସମୟ ଖରାରେ ବୁଲିଲେ ଦେହ ଖରାପ ହୋଇଥାଏ। ମଣିଷ ଅସୁସ୍ଥ ହୋଇ ପଟେ। କିନ୍ତୁ ବିଶ୍ୱରେ ଏଭଳି ଏକ ଗ୍ରାମ ଅଛି,ଯେଉଁଠାରେ କ୍ଷଣକ ପାଇଁ ବି ଯଦି କେହି ଖରାକୁ ଆସେ,ତେବେ ସେହି ଲୋକର ମୁହଁ ତତ୍କ୍ଷଣାତ୍ ତରଳି ଯାଇଥାଏ।
Sambad is now on WhatsApp
Join and get latest news updates delivered to you via WhatsApp
ବ୍ରାଜିଲ୍ର ସାଓ ପାଉଲୋରେ ରହିଛି ଅରାରସ୍ ନାମକ ଏକ ଗାଆଁ। ଏହି ଗାଆଁର ଲୋକେ ଏକ ଅଜବ ରୋଗର ଶିକାର ହୋଇଛନ୍ତି। ଏହି ଅଞ୍ଚଳରେ ଲୋକେ ସୂର୍ଯ୍ୟ କିରଣ ସାମ୍ନା କରିବା ମାତ୍ରେ ସେମାନଙ୍କର ମୁହଁ ତରଳି ଯାଇଥାଏ। ଅରାରସ୍ର ଅଧିକାଂଶ ଲୋକ ଚାଷ କରି ଜୀବିକା ନିର୍ବାହ କରିଥାନ୍ତି। ଏଣୁ ସେମାନେ ଖରାରେ ଚାଷ କରିବାକୁ ବାଧ୍ୟ। ଏହାଫଳରେ ସେମାନଙ୍କର ତ୍ୱଚା ଓ ମୁହଁ ତରଳି ଯାଇଥାଏ। ଏହି ଗାଆଁର ବହୁ ଲୋକ ଏହି ରୋଗ ଦ୍ୱାରା ଆକ୍ରାନ୍ତ ହୋଇଥିବା କୁହାଯାଉଛି। ଏହି ରୋଗର ନାଆଁ ହେଲା ଏକ୍ସୋ ଡେରମା ପିଗମେଣ୍ଟୋସନ୍ ଅର୍ଥାତ୍ ଏକ୍ସପି।
ଏହି ରୋଗରେ ତ୍ୱଚା ଖରା ଧାସ ପାଇବା ମାତ୍ରେ ତରଳିବାରେ ଲାଗିଥାଏ। ଖରାକୁ ଆସିବାର କୁପରିଣାମ ଭୋଗୁଛନ୍ତି ଏହି ଲୋକେ। କିନ୍ତୁ ଏହି ଗାଆଁରେ ସବୁଠାରୁ ଅଧିକ ଲୋକ ଏହି ରୋଗର ଶିକାର ହୋଇଥିବା କୁହାଯାଉଛି।