ବୋଟିଂ କରୁଥିବା ସମୟରେ ସମୁଦ୍ର ପାଣିକୁ ଖସି ପଡ଼ିଲା ଫୋନ, ଭିଡିଓରେ ଦେଖନ୍ତୁ କିଭଳି କିଛି ସମୟ ପରେ ମହିଳାଙ୍କୁ ଫୋନ ଫେରାଇଲା ତିମି ମାଛ
ନୂଆଦିଲ୍ଲୀ : ନରୱେରେ ଏକ ବେଲୁଗା ପ୍ରଜାତିର ତିମି ମାଛ ଜଣେ ମହିଳାଙ୍କୁ ପାଣିରେ ପଡ଼ି ଯାଇଥିବା ଫୋନ ଫେରାଇବା ଘଟଣାକୁ ନେଇ ଏବେ ଚର୍ଚ୍ଚା ଜୋର ଧରିଛି । ଫୋନ ଫେରାଇବା ସମୟର ଭିଡିଓ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଇଶା ନାମ୍ନୀ ଜଣେ ମହିଳା ନିଜ ସାଙ୍ଗମାନଙ୍କ ସହ ନରୱେରେ ଥିବା ହାମରଫେଷ୍ଟ ହାର୍ବରରେ ଯାଇ ପହଞ୍ଚିଥିଲେ । ସେଠାରେ ବୋଟିଂ କରିବା ସମୟରେ ଇଶାଙ୍କ ଫୋନ ପାଣିରେ ପଡ଼ି ଯାଇଥିଲା । ଫୋନ ପଡ଼ିବା ପରେ ନିଜ ସାଙ୍ଗମାନଙ୍କୁ ଫୋନ ଆଣିବା ପାଇଁ କହିବା ପୂର୍ବରୁ ତିମି ମାଛଟି ପାଣି ଭିତରୁ ଇଶାଙ୍କ ଫୋନ ପାଟିରେ ଧରି ଉପରକୁ ଉଠିଥିଲା । ଫୋନ ଖରାପ ହୋଇ ଯାଇଥିଲେ ମଧ୍ୟ ତିମି ମାଛର ଏଭଳି କାମକୁ ଇଶା ପ୍ରଶଂସା କରିବା ସହ ଭିଡିଓ ତିଆରି କରିଥିଲେ, ଯାହା ଏବେ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛି ।