ବିଶ୍ୱର ସବୁଠାରୁ ବଡ଼ ଅଣ୍ଡରୱାଟର୍ ମ୍ୟୁଜିୟମ୍ ରହିଛି ମ୍ୟାକ୍ସିକୋରେ। ଯାହା ସମୁଦ୍ର ଭିତରର ଜୀବନକୁ ଅନୁଭବ କରାଏ। ଯଦି ସମୁଦ୍ର ଭିତରର ଦୁନିଆକୁ କେବେ ଦେଖିବାକୁ ଚାହାନ୍ତି ତେବେ ସବୁଠାରୁ ବଡ ଅଣ୍ଡରୱାଟର୍ ମ୍ୟୁଜିୟମକୁ ଥରେ ବୁଲି ଆସନ୍ତୁ । ମ୍ୟାକ୍ସିକୋର ମାନ୍ୟୁମେଣ୍ଟଲ ଅଣ୍ଡରୱାଟର୍ କଣ୍ଟେପ୍ରେରୀ ମ୍ୟୁଜିୟମ୍ ଅଫ୍ ଆର୍ଟ ସମୁଦ୍ରଠାରୁ ୨୮ ଫୁଟ୍ ତଳେ ରହିଛି । ୫୦୦ଟି ସ୍କଲ୍ପଚରରେ ସୁସର୍ଜିତ ହୋଇଥିବା ଏହି ମ୍ୟୁଜିୟମ୍ ଭିନ୍ନ ହିଁ ଅନୁଭବ ଦେଇଥାଏ । ମ୍ୟାକ୍ସିକୋର ଖାଡି ଇସ୍ତାନା ଆଇଲ୍ୟାଣ୍ଡରେ ଥିବା ଏହି ହାଇଟେକ୍ ଅଣ୍ଡରୱାଟର୍ ମ୍ୟୁଜିୟମକୁ ଯିବା ପାଇଁ ସ୍କୁବା ଡାଇବିଙ୍ଗ୍ର ସାହାର୍ଯ୍ୟ ନେବାକୁ ପଡିଥାଏ ।
Sambad is now on WhatsApp
Join and get latest news updates delivered to you via WhatsApp
୨୦୦୯ ମସିହାରେ ଆରମ୍ଭ ହୋଇଥିବା ମ୍ୟୁଜିୟମର ସଂସ୍ଥାପକ ରୋବୋର୍ଟ ଆବ୍ରାହମଙ୍କ କହିବା ମୁତାବକ ମ୍ୟୁଜିୟମକୁ ସମୁଦ୍ର ଜୀବଙ୍କ ଉନ୍ନତି ସକାଶେ ପ୍ରସ୍ତୁତ କରାଯାଇଛି । ଏହାକୁ ଆର୍ଟ ଅଫ୍ କନଜରଭେସନ୍ର ନାଁ ଦିଆଯାଇଛି ଯାହାକୁ ୬ ଜଣ କଳାକାର ମିଶି ପ୍ରସ୍ତୁତ କରିଛନ୍ତି । ମ୍ୟୁଜିୟମ୍ର ଖାସ୍ କଥା ହେଉଛି ଅଡିଓ ସିଷ୍ଟମ । ସମୁଦ୍ର ଜୀବଙ୍କୁ ବଚାଂଉଥିବା ତଥା ଅଡିଓ ସିଷ୍ଟମ୍ ଉପରେ ନଜର ରଖୁଥିବା ବୈଜ୍ଞାନିକ ଏହାର ପ୍ରତ୍ୟେକଟି ପ୍ରଣାଳୀ ଉପରେ ନଜର ରଖି ଗତିବିଧିକୁ କଏଦ୍ କରିଥାନ୍ତି ।
ସମୁଦ୍ର ତଳେ ଏକ ହାଇଡ୍ରୋଫୋନ୍ ମଧ୍ୟ ରହିଛି ଯାହାକୁ “ଦ ଇୟର” କୁହାଯାଏ । ସଂରକ୍ଷିତ କ୍ଷେତ୍ର ହୋଇଥିବା କାରଣରୁ ଏଠାକୁ ଯିବା ପୂର୍ବରୁ ପର୍ଯ୍ୟଟକଙ୍କୁ ପରମିଶନ୍ ନେବାକୁ ପଡିଥାଏ । ବର୍ଷତମାମ ଏହି ମ୍ୟୁଜିୟମ୍ ଖୋଲା ରହିଥାଏ । ଜଣେ ମ୍ୟୁଜିୟମ୍ ଗାଇଡ୍ ଏଥିପାଇଁ ସାଙ୍ଗରେ ମଧ୍ୟ ଯାଇଥାନ୍ତି ।