ସାଉଥମ୍ପଟନ୍: ସାଉଥମ୍ପଟନ୍ ଟେଷ୍ଟ୍କୁ ଘରୋଇ ଇଂଲଣ୍ଡ ଧିରେ ଧିରେ ନିଜ କବ୍ଜାକୁ ନେବା ଆରମ୍ଭ କରିଛି। ଭାରତ ପ୍ରଥମ ପାଳିରେ ୨୯୨ ରନ୍ କରି ୪୦ ରନ୍ରେ ପଛୁଆ ରହିବା ପରେ ଇଂଲଣ୍ଡ ଦ୍ୱିତୀୟ ପାଳିରେ (ଶେଷ ଖବର ମିଳିବା ପର୍ଯନ୍ତ) ୨ ଓ୍ଵିକେଟ୍ ବିନିମୟରେ ୨୩୨ ରନ ସଂଗ୍ରହ କରିଛି ଓ ମୋଟ ୨୭୨ ରନରେ ଆଗୁଆ ରହିଛି ।
Sambad is now on WhatsApp
Join and get latest news updates delivered to you via WhatsApp
ନିଜର ଶେଷ ଟେଷ୍ଟ ଖେଳୁଥିବା ଇଂଲାଣ୍ଡର ମହାନ ତାରକା ଓପନର ଆଲେଷ୍ଟର କୁକ ଏକ ଚିତ୍ତାକର୍ଷକ ଶତକ ହାସଲ କରିଛନ୍ତି । ଏହି ଶତକ ସହ ସ୍ମରଣୀୟ ଭାବେ ସେ ନିଜର କ୍ରିକେଟ ଜୀବନକୁ ସମାପ୍ତ କରିଛନ୍ତି । କୁକଙ୍କ ସହିତ ଜୋ ରୁଟ ମଧ୍ୟ ନିଜର ଶତକର ନିକଟତର ହୋଇଛନ୍ତି ।
ଗତକାଲି ଇଂଲାଣ୍ଡର ପ୍ରାରମ୍ଭିକ ବ୍ୟାଟ୍ସମ୍ୟାନ୍ କିଟନ ଜେନିଙ୍ଗ୍ସ (୧୦) ଙ୍କୁ ମହମ୍ମଦ ସାମି ଓ ମୋଇନ ଅଲ୍ଲୀ (୨୦)ଙ୍କୁ ରବୀନ୍ଦ୍ର ଜାଦେଜା ବୋଲ୍ଡ କରି ଭାରତକୁ ଦୁଇଟି ପ୍ରାରମ୍ଭକ ସଫଳତା ଦେଇଥିଲେ । କିନ୍ତୁ କୁକଙ୍କ ଶତକ ଭାରତର ଆଶାକୁ ନିରାଶାରେ ପରିଣତ କରିଛି ।
ପ୍ରଥମ ପାଳିରେ ଭାରତ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହେବା ପରେ ଜାଦେଜା (୮୬*) ଏବଂ ହନୁମା ବିହାରୀ (୫୬) ହିଁ ଭାରତର ସମ୍ମାନ ରଖିଥିଲେ। ଶୃଙ୍ଖଳାରେ ପ୍ରଥମ ଥର ପାଇଁ ସୁଯୋଗ ପାଇଥିବା ଜାଦେଜା ଓ ପଦାର୍ପଣକାରୀ ହନୁମାଙ୍କ ଲଢ଼ୁଆ ଅର୍ଧଶତକ ବଳରେ ଭାରତ ପ୍ରଥମ ପାଳିରେ ୨୯୨ ରନ୍ କରି ସମ୍ମାନ ରଖିଥିଲା। ତଥାପି ଇଂଲଣ୍ଡର ୩୩୨ ରନ୍ଠାରୁ ୪୦ ରନ୍ ପଛରେ ଅଟକି ଯାଇଥିଲା।