ଏସୀୟ କ୍ରୀଡ଼ା: ଟେବୁଲ ଟେନିସ୍ର ମିକ୍ସ ଡବଲସ୍ରେ ଭାରତକୁ କାଂସ୍ୟ ପଦକ
ଜାକର୍ତ୍ତା: ଭାରତର ଷ୍ଟାର ମହିଳା ଟେବୁଲ ଟେନିସ ଖେଳାଳି ମନିକା ବାତ୍ରା ଓ ତାଙ୍କର ପୁରୁଷ ଯୋଡିଦାର ଅଚନ୍ତ ଶରଥ କମଲ ୧୮ତମ ଏସୀୟ କ୍ରୀଡ଼ାର ଏକାଦଶ ଦିବସ ସେମିଫାଇନାଲରେ ପରାସ୍ତ ହୋଇ କାଂସ୍ୟ ପଦକ ଜିତିଛନ୍ତି। ମିଶ୍ରିତ ଯୁଗଳ ଟେବୁଲ ଟେନିସ ସେମିଫାଇନାଲରେ ଭାରତୀୟ ଯୋଡ଼ି ଚୀନର ଚୁକିନ ବାଙ୍ଗ ଓ ସୁନ ୟିଗଶାଙ୍କ ଠାରୁ ପରାସ୍ତ ହୋଇଛନ୍ତି। ଚୀନ ଯୋଡ଼ି ୪-୧ରେ ମ୍ୟାଚ ଜିତି ସେମିଫାଇନାଲରେ ପ୍ରବେଶ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଚଳିତ ଏସୀୟ କ୍ରୀଡ଼ାରେ ଭାରତକୁ ରିପୋର୍ଟ ଲେଖାଯିବା ପର୍ଯ୍ୟନ୍ତ ୫୨ଟି ପଦକ ମିଳିଛି। ଏଥିରେ ୯ଟି ସ୍ୱର୍ଣ୍ଣ ପଦକ ଓ ୨୦ଟି ରୌପ୍ୟ ପଦକ ସାମିଲ ଅଛି।
ଭାରତୀୟ ବକ୍ସର ଅମିତ ୪୯ କିଲୋ ଭାରବର୍ଗରେ ନିଜର ପଦକକୁ ସୁନିଶ୍ଚିତ କରିଛନ୍ତି। ଅମିତ କ୍ୱାର୍ଟର ଫାଇନାଲ ମୁକାବିଲାରେ ଉତ୍ତର କୋରିଆର ବକ୍ସର ରୟୋନ କିମ ଜଙ୍ଗ ୫-୦ରେ ପରାସ୍ତ କରି ସେମିଫାଇନାଲରେ ପ୍ରବେଶ କରିଛନ୍ତି। ସେମିଫାଇନାଲରେ ସେ ଫିଲିପିନ୍ସର କାର୍ଲୋ ପାଲ୍ଲମଙ୍କୁ ଭେଟିବେ। ଅଷ୍ଟ୍ରେଲିଆର ଗୋଲ୍ଡ କୋଷ୍ଟରେ ରାଜ୍ୟଗୋଷ୍ଠୀ କ୍ରୀଡ଼ାରେ ଅମିତଙ୍କୁ ରଜତ ପଦକ ମିଳିଥିଲା।