ଜାକର୍ତ୍ତା: ଭାରତୀୟ ହକି ଟିମ୍ ଶନିବାର ପାକିସ୍ତାନକୁ ପରାସ୍ତ କରିଛି। ଇଣ୍ଡୋନେସିଆର ଜାକର୍ତ୍ତା ଠାରେ ଭାରତ ଏସୀୟ କ୍ରୀଡ଼ାର ଏକ ମ୍ୟାଚ୍ରେ ୨-୧ରେ ପରାସ୍ତ କରି କାଂସ୍ୟ ପଦକ ହାସଲ କରିଛି। ଏଥି ସହିତ ଭାରତର ପଦକ ସଂଖ୍ୟା ୬୯ରେ ପହଞ୍ଚିଛି।
Sambad is now on WhatsApp
Join and get latest news updates delivered to you via WhatsApp
ଆକାଶଦୀପ ସିଂହ ଓ ହରମନପ୍ରୀତ ସିଂହଙ୍କ ଗୋଲ ବଳରେ ଭାରତୀୟ ପୁରୁଷ ହକି ଟିମ୍ ପାକିସ୍ତାନକୁ ପରାସ୍ତ କରିଛି। ୪ ବର୍ଷ ପୂର୍ବେ ସ୍ୱର୍ଣ୍ଣ ପଦକ ଜିତିଥିବା ଭାରତୀୟ ଟିମ ଏସୀୟ କ୍ରୀଡ଼ାରେ ୩ ଥର କାଂସ୍ୟ ପଦକ ଜିତିଛି।
#AsianGames2018 Indian Men’s Hockey team beat Pakistan by 2-1 to win the bronze medal. pic.twitter.com/9NVMN3suNu
— ANI (@ANI) September 1, 2018
ସେମିଫାଇନାଲରେ ଭାରତକୁ ମାଲେସିଆ ଓ ପାକିସ୍ତାନକୁ ଜାପାନ ଠାରୁ ପରାସ୍ତ ହେବାକୁ ପଡ଼ିଥିଲା। ଏହି ପରାଜୟ କାରଣରୁ ଉଭୟ ଭାରତ ଓ ପାକିସ୍ତାନକୁ କାଂସ୍ୟ ପଦକ ପାଇଁ ମୁକାବିଲା କରିବାକୁ ପଡ଼ିଥିଲା। ଏଥିରେ ଭାରତର ବିଜୟ ହୋଇଛି।
ଭାରତୀୟ ଟିମ୍ ପାଇଁ ଆକାଶଦୀପ ସିଂହ ୩ମିନିଟ ଓ ହରମନପ୍ରୀତ ୫୦ ମିନିଟରେ ଗୋଲ ଦେଇଥିଲେ। ମହମ୍ମଦ ଅତିକ ୫୨ ମିନିଟରେ ପାକିସ୍ତାନ ପାଇଁ ଏକମାତ୍ର ଗୋଲ ଦେଇଥିଲେ।