ନ୍ୟୁୟର୍କ: ଅଷ୍ଟ୍ରେଲିଆର ଆସ୍ଲେ ବାର୍ଟି ଓ ଆମେରିକାର କୋକୋ ଭାଣ୍ଡେଓ୍ଵାଘେ ଚଳିତ ବର୍ଷର ୟୁଏସ୍ ଓପନ୍ ମହିଳା ଯୁଗଳ ଟ୍ରଫି ଜିତି ନେଇଛନ୍ତି। ରବିବାର ଫାଇନାଲ୍ରେ ଏହି ଯୋଡ଼ି ୩-୬, ୭-୬ ଓ ୭-୬ ଟାଇବ୍ରେକର୍ ସେଟ୍ରେ ହଙ୍ଗେରି-ଫ୍ରାନ୍ସ ଯୋଡ଼ି ତିମିଆ ବାବୋସ୍ ଓ କ୍ରିଷ୍ଟିନା ମ୍ଲାଡେନୋଭାଙ୍କୁ ପରାସ୍ତ କରି ନିଜ ନିଜର ପ୍ରଥମ ବୃହତ୍ ପ୍ରତିଯୋଗିତା ଜିତିଛନ୍ତି। ଏହି ଟ୍ରଫି ଜିତିବା ପରେ ଭାଣ୍ଡେଓ୍ଵାଘେ ଏତେମାତ୍ରାରେ ଉଲ୍ଲସିତ ହୋଇଯାଇଥିଲେ ଯେ ସାଥୀ ବାର୍ଟିଙ୍କୁ ଆଲିଙ୍ଗନ କରିବା ପୂର୍ବରୁ କୋର୍ଟ ଭିତରେ ମୁର୍ଚ୍ଛା ହୋଇ ପଡ଼ିଥିଲେ।