ମୁମ୍ବାଇ: ଭାରତୀୟ କ୍ରିକେଟ୍ ଦଳର ଅଷ୍ଟ୍ରେଲିଆ ଗସ୍ତ ସରି ଆସୁଛି। ଶନିବାରଠାରୁ ୩ ମ୍ୟାଚ୍ ବିଶିଷ୍ଟ ଦିନିକିଆ ଶୃ୍ଙ୍ଖଳା ଖେଳିବା ପରେ ଭାରତୀୟ ଦଳ ନ୍ୟୁଜିଲାଣ୍ଡ ଗସ୍ତ କରିବ। ଏହା ପରେ ଅଷ୍ଟ୍ରେଲିଆ ଦଳ କିନ୍ତୁ ଭାରତ ଗସ୍ତ କରି ସୀମିତ ଓଭର ଶୃଙ୍ଖଳା ଖେଳିବାକୁ ଯାଉଛି। ଏହି ଗସ୍ତରେ କଙ୍ଗାରୁ ଦଳ ଦୁଇଟି ଟ୍ବେଣ୍ଟି-୨୦ ଏବଂ ୫ଟି ଦିନିକିଆ ଶୃଙ୍ଖଳା ଖେଳିବ। ଅଷ୍ଟ୍ରେଲିଆ ପାଇଁ ୨୦୧୯ ବିଶ୍ବକପ୍ ପୂର୍ବରୁ ଏହା ଶେଷ ଦିନିକିଆ ଶୃଙ୍ଖଳା। ଏହି ଗସ୍ତର ଚୂଡାନ୍ତ ସୂଚୀ ଗୁରୁବାର ଘୋଷିତ ହୋଇଛି। ଫେବ୍ରୁଆରି ୨୪ ତାରିଖରେ ବେଙ୍ଗାଲୁରୁଠାରେ ପ୍ରଥମ ଟ୍ବେଣ୍ଟି-୨୦ ଏବଂ ୨୭ ତାରିଖରେ ବିଶାଖାପାଟଣାରେ ଦ୍ବିତୀୟ ତଥା ଶେଷ ଟ୍ବେଣ୍ଟି-୨୦ ଖେଳାଯିବ। ଏହା ପରେ ମାର୍ଚ ୨ରୁ ୧୩ ତାରିଖ ମଧ୍ୟରେ ୫ ମ୍ୟାଚ୍ ଦିନିକିଆ ଶୃଙ୍ଖଳା ଖେଳାଯିବ। ଏହି ମ୍ୟାଚ୍ଗୁଡ଼ିକ ହାଇଦ୍ରାବାଦ (ମାର୍ଚ ୨, ପ୍ରଥମ), ନାଗପୁର (ମାର୍ଚ ୫, ଦ୍ବିତୀୟ), ରାଞ୍ଚି (ମାର୍ଚ ୮, ତୃତୀୟ), ମୋହାଲି (ମାର୍ଚ ୧୦, ଚତୁର୍ଥ) ଏବଂ ଦିଲ୍ଲୀ (ମାର୍ଚ ୧୩, ପଞ୍ଚମ)ରେ ଖେଳାଯିବ। ଟ୍ବେଣ୍ଟି-୨୦ ମ୍ୟାଚ୍ ଦ୍ବୟ ସଂଧ୍ୟା ୭ଟାରେ ଏବଂ ଦିନିକିଆ ମ୍ୟାଚ୍ଗୁଡ଼ିକ ଅପରାହ୍ନ ୧.୩୦ରୁ ଆରମ୍ଭ ହେବ। ଭାରତ ଏହା ପରେ ଜିମ୍ବାୱେ ବିପକ୍ଷରେ ଏକ ଘରୋଇ ଶୃଙ୍ଖଳା ଖେଳିବ। ମାର୍ଚ-ଏପ୍ରିଲ୍ରେ ଭାରତ ଗୋଟିଏ ଟେଷ୍ଟ୍ ଏବଂ ୩ଟି ଦିନିକିଆ ଖେଳିବା ସୂଚୀ ରହିଥିଲେ ମଧ୍ୟ ଆଇପିଏଲ୍କୁ ନେଇ ଚୁଡାନ୍ତ ହୋଇପାରିନାହିଁ।
Sambad is now on WhatsApp
Join and get latest news updates delivered to you via WhatsApp
ଅଷ୍ଟ୍ରେଲିଆର ଭାରତ ଗସ୍ତ ଖେଳସୂଚୀ
ଫେବ୍ରୁଆରି ୨୪ ପ୍ରଥମ ଟ୍ବେଣ୍ଟି-୨୦ ବେଙ୍ଗାଲୁରୁ ସଂଧ୍ୟା ୭.୦୦
ଫେବ୍ରୁଆରି ୨୭ ଦ୍ବିତୀୟ ଟ୍ବେଣ୍ଟି-୨୦ ବିଶାଖାପାଟଣା ସଂଧ୍ୟା ୭.୦୦
ମାର୍ଚ ୨ ପ୍ରଥମ ଦିନିକିଆ ହାଇଦ୍ରାବାଦ ଅପରାହ୍ନ ୧.୩୦
ମାର୍ଚ ୫ ଦ୍ବିତୀୟ ଦିନିକିଆ ନାଗପୁର ଅରାରାହ୍ନ ୧.୩୦
ମାର୍ଚ ୮ ତୃତୀୟ ଦିନିକିଆ ରାଞ୍ଚି ଅପରାହ୍ନ ୧.୩୦
ମାର୍ଚ ୧୦ ଚତୁର୍ଥ ଦିନିକିଆ ମୋହାଲି ଅପରାହ୍ନ ୧.୩୦
ମାର୍ଚ ୧୩ ପଞ୍ଚମ ଦିନିକିଆ ଦିଲ୍ଲୀ ଅପରାହ୍ନ ୧.୩୦