ଆଫଗାନିସ୍ତାନକୁ ୩ ରନ୍ରେ ହରାଇଲା ବାଂଲାଦେଶ
ଆବୁଧାବି: ଏସିଆ କପ୍ରେ ଆଫଗାନିସ୍ତାନ ପାଇଁ ଲଗାତାର ମ୍ୟାଚ୍ରେ ବିଜୟ ହାତ ପାହାନ୍ତାରୁ ଖସି ଯାଇଛି। ଏକ ସୁପର୍-୪ ମ୍ୟାଚ୍ରେ ଆଫଗାନିସ୍ତାନକୁ ରବିବାର ବାଂଲାଦେଶ ରୋମାଞ୍ଚକ ଭାବେ ୩ ରନ୍ରେ ହରାଇ ଦେଇଛି। ୨୫୦ ରନ୍କୁ ପିଛା କରିଥିବା ଆଫଗାନିସ୍ତାନ ହସମ୍ମାତୁଲ୍ଲା ସାହିଦି (୭୧, ୯୯ ବଲ୍, ୫ ଚୌକା) ଏବଂ ମହମ୍ମଦ ସେହଜାଦ୍ (୫୩, ୮୧ ବଲ୍, ୮ ଚୌକା) ବଳରେ ବିଜୟର ନିକଟତର ହୋଇଥିଲେ ମଧ୍ୟ ଶେଷ ବଲ୍ରେ ଚୌକା ମାରି ନ ପାରି ୨୪୬/୭ରେ ସୀମିତ ରହିଥିଲା। ପୂର୍ବରୁ ବାଂଲାଦେଶର ସମ୍ମାନ ରଖିଥିଲେ ମହମ୍ମଦୁଲ୍ଲା (୭୪, ୮୧ ବଲ୍, ୩ ଚୌକା, ୨ ଛକା) ଏବଂ ଦଳକୁ ଫେରିଥିବା ଇମ୍ରୁଲ କୟେସ୍ (୭୨*, ୮୯ ବଲ୍, ୬ ଚୌକା)। ଟସ୍ ଜିତି ପ୍ରଥମେ ବ୍ୟାଟିଂ କରିଥିବା ବାଂଲାଦେଶ ୮୭ ରନରେ ୫ ଓ୍ଵିକେଟ୍ ହରାଇଥିବାବେଳେ ଏହି ଭାଗୀଦାରି ଷଷ୍ଠ ଓ୍ଵିକେଟ୍ରେ ୧୨୮ ରନ୍ ଯୋଡ଼ି ଦଳକୁ ୨୪୯ ରନର ଲଢ଼ୁଆ ସ୍କୋର୍ ପ୍ରଦାନ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ସଂକ୍ଷିପ୍ତ ସ୍କୋର: ବାଂଲାଦେଶ ୫୦ ଓଭରରେ ୨୪୯/୭ (ମାହମ୍ମଦୁଲ୍ଲା-୭୪, ଇମରୁଲ୍ କୟେସ୍-୭୨*, ଲିଟନ୍ ଦାସ-୪୧, ମୁସଫିକର ରହିମ୍-୩୩, ଅଫତାବ ଆଲାମ୍-୩/୫୪, ମୁଜିବ୍ ଉର୍ ରେହମାନ୍-୧/୩୫, ରସିଦ୍ ଖାନ୍-୧/୪୬)। ଆଫଗାନିସ୍ତାନ ୫୦ ଓଭରରେ ୨୪୬/୭ (ମହମ୍ମଦ ସେହଜାଦ-୫୩, ହସମ୍ମାତୁଲ୍ଲା ସାହିଦି-୭୧, ଅସଗର ଆଫଗାନ୍-୩୯, ମହମ୍ମଦ ନବି-୩୮, ସମିଉଲ୍ଲା ସେନଓ୍ଵାରି-୨୩*, ମସରାଫ୍ ମୋର୍ତାଜା-୨/୬୨, ମହମ୍ମଦୁଲ୍ଲା-୧/୧୭, ମୁସ୍ତାଫିଜୁର୍ ରେହମାନ୍-୨/୪୪, ସକିବ୍ ଅଲ୍ ହାସନ୍-୧/୫୫)।