ଡିଭିଲିୟର୍ସ ଝଡ଼ : ୬ ୱିକେଟରେ ଜିତିଲା ବାଙ୍ଗାଲୋର
ବାଙ୍ଗାଲୋର: ସ୍ଥାନୀୟ ଏମ.ଚିତ୍ତାସ୍ାମୀ ଷ୍ଟାଡିୟମଠାରେ ଅନୁଷ୍ଠିତ ଆଇପିଏଲ ୨୦୧୮ର ୧୯ ତମ ଲିଗ ମ୍ୟାଚରେ ଦେଖିବାକୁ ମିଳିଛି ଏବି ଡିଭିଲିୟର୍ସ ଝଡ଼ । ଏହି ଝଡ଼ରେ ଦିଲ୍ଲୀ ଡେୟାରଡେଭିଲ୍ସ ଧରାଶାୟୀ ହୋଇଯାଇଛି । ଡିଭିଲିୟର୍ସ ମାତ୍ର ୩୯ ବଲରେ ଅବିଶ୍ୱସନୀୟ ବ୍ୟାଟିଂ କରି ୫ ଛକା ଓ ୧୦ ଚୌକା ବଳରେ ୯୦ ରନ କରି ଦିଲ୍ଲୀ ହାତରୁ ମ୍ୟାଚ ଛଡାଇନେଇଥିଲେ । ଅଧିନାୟକ ବିରାଟ କୋହଲି ମଧ୍ୟ ୨୬ ବଲରେ ୩୦ ରନ କରିଥିଲେ । ଏହା ଫଳରେ ୨ ଓଭର ବାକି ଥାଇ ବାଙ୍ଗାଲୋର ମ୍ୟାଚ ଜିତିନେଇଥିଲା ।
Sambad is now on WhatsApp
Join and get latest news updates delivered to you via WhatsApp
ଏହା ପୂର୍ବରୁ ଦିଲ୍ଲୀ ଡେୟାରଡେଭିଲ୍ସ ପ୍ରଥମେ ବ୍ୟାଟିଂ କରି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ପାଇଁ ୧୭୫ ରନର ଲକ୍ଷ୍ୟ ଧାର୍ଯ୍ୟ କରିଛି । ବାଙ୍ଗାଲୋର ଅଧିନାୟକ ବିରାଟ କୋହଲୀ ଟସ ଜିତି ଦିଲ୍ଲୀକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲେ । ଦିଲ୍ଲୀ ପ୍ରାରମ୍ଭରୁ ହିଁ ଦୁଇ ଓପନ ଗୌତମ ଗମ୍ଭୀର ଓ ଜାସନ ରଏଙ୍କୁ ହରାଇ ବିପର୍ଯ୍ୟୟର ସମ୍ମୁଖୀନ ହୋଇଥିଲା । କିନ୍ତୁ ଶ୍ରେୟାସ ଆୟାର ଓ ରିସଭ ପ୍ୟ ସତର୍କତାର ସହ ଖେଳି ଟିମକୁ ବିପଦରୁ ଉଦ୍ଧାର କରିଥିଲେ । ରିଶଭ ପ୍ୟ ବିସ୍ଫୋରକ ବ୍ୟାଟିଂ କରି ମାତ୍ର ୪୮ ବଲରେ ୮୫ ରନ କରି ଆଣ୍ଡରସନଙ୍କ ବଲରେ ଡିଭିଲିୟର୍ସଙ୍କ ହାତରେ ଧରା ପଡିଥିଲେ । ଶ୍ରେୟସ ଆୟାର ୩୧ ବଲରେ ୫୨ ରନ କରିଥିଲେ । ତେବେ ଏହି ଭାଗିଦାରୀ ଭାଙ୍ଗିବା ପରେ ପୁଣି ଥରେ ଦିଲ୍ଲୀର ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିଲା । ବାଙ୍ଗାଲୋର ତରଫରୁ ୟୁଜବେନ୍ଦ୍ର ଚହଳ ୨୨ ରନ ଦେଇ ୨ ୱିକେଟ ନେଇଥିଲେ ।