ମୁମ୍ବାଇ : କ୍ରିକେଟ ଖେଳାଳୀ ମହମ୍ମଦ ସାମୀଙ୍କ ବିରୋଧରେ କୌଣସି ପ୍ରମାଣ ନଥିବା ବିସିସିଆଇର ଦୁର୍ନୀତି ନିବାରଣ ୟୁନିଟ୍ ପ୍ରକାଶ କରିଛି । ଏହା ସହିତ ସାମୀଙ୍କୁ ବିସିସିଆଇ ଦୋଷମୁକ୍ତ ଘୋଷଣା କରିବା ସହ ତାଙ୍କୁ ପୁଣି ବିସିସିଆଇ କଣ୍ଟ୍ରାକ୍ଟ ରେ ଅନ୍ତର୍ଭୁକ୍ତ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ ସାମୀଙ୍କ ଉପରେ ପତ୍ନୀ ହସୀନ ଜାହାନଙ୍କ ମ୍ୟାଚ ଫିକ୍ସିଂ ଅଭିଯୋଗ ପରେ ତାଙ୍କ ବିରୋଧରେ ବିସିସିଆଇ ତଦନ୍ତ ନିର୍ଦ୍ଦେଶ ଦେଇଥିଲା । ଏହି ଅଭିଯୋଗର ତଦନ୍ତ ପାଇଁ ବିସିସିଆଇର ପ୍ରଶାସନ କମିଟି (ସିଓଏ) ପକ୍ଷରୁ ଦୁର୍ନୀତି ନିବାରଣ ଓ ନିରାପତ୍ତା ୟୁନିଟ୍କୁ ନିର୍ଦ୍ଦେଶ ଦିଆଯାଇଥିଲା । ହସୀନ ଅଭିଯୋଗ କରିଥିଲେ ଯେ ଲଣ୍ଡନର ଜଣେ ବ୍ୟବସାୟୀ ମହମ୍ମଦ ଭାଇଙ୍କ ନିର୍ଦ୍ଦେଶ କ୍ରମେ ଜଣେ ପାକିସ୍ତାନି ଯୁବତୀ ଆଲସବା ସାମୀଙ୍କୁ ଟଙ୍କା ଦେଇଛନ୍ତି । ସିଓଏ ପକ୍ଷରୁ ବିସିସିଆଇର ଦୁର୍ନୀତି ନିବାରଣ ଓ ନିରାପତ୍ତା ୟୁନିଟ ମୁଖ୍ୟ ନୀରଜ କୁମାରଙ୍କୁ ଏହି ତଦନ୍ତ ଦାୟିତ୍ୱ ଦିଆଯାଇଥିଲା ଓ ୭ ଦିନ ମଧ୍ୟରେ ତଦନ୍ତ ରିପୋର୍ଟ ଦେବାକୁ ତାଙ୍କୁ କୁହାଯାଇଥିଲା ।