ଆଇପିଏଲ୍ ୧୧: ଉଦ୍ଘାଟନୀ ମ୍ୟାଚ୍ରେ ‘ଚେନ୍ନାଇ ସୁପର କିଙ୍ଗସ୍’ର ରୋମାଞ୍ଚକ ବିଜୟ
ଶେଷ ଓଭରରେ କେଦାର ଯାଦବଙ୍କ ବିସ୍ଫୋରକ ବ୍ୟାଟିଂ
ମୁମ୍ବାଇ: ଇଣ୍ଡିଆନ୍ ପ୍ରିମିୟର ଲିଗ୍ର ୧୧ତମ ସଂସ୍କରଣର ଉଦ୍ଘାଟନୀ ମ୍ୟାଚ୍କୁ ଶନିବାର ଚେନ୍ନାଇ ସୁପର କିଙ୍ଗସ୍ ଜିତିଛି। ହାତରେ ଗୋଟିଏ ଓ୍ଵିକେଟ ଥାଇ ୬ଟି ବଲରୁ ୭ ରନ୍ ଆବଶ୍ୟକ ଥିବା ବେଳେ କେଦାର ଯାଦବ ଏହାକୁ ୫ଟି ବଲରୁ ହାସଲ କରିପାରିଛନ୍ତି। ଏକଦା ୧୭ଟି ବଲରେ ୪୬ ରନ୍ ଆବଶ୍ୟକତା ଥିବା ବେଳେ ଚେନ୍ନାଇର ଖେଳାଳିମାନେ ଧୈର୍ଯ୍ୟ ସହିତ ବ୍ୟାଟିଂ କରିଥିଲେ। ଚେନ୍ନାଇ ୧୯.୫ ଓଭରରେ ୧୬୯ ରନ୍ ସଂଗ୍ରହ କରିଥିଲା।
Sambad is now on WhatsApp
Join and get latest news updates delivered to you via WhatsApp
ଚେନ୍ନାଇ ୨୭ ରନ୍ରେ ପ୍ରଥମ ଓ୍ଵିକେଟ ହରାଇଥିବା ବେଳେ, ୪୨ ରନ୍ରେ ୨ୟ ଓ ୩ୟ, ୫୧ ରନ୍ରେ ୪ର୍ଥ ଓ୍ଵିକେଟ, ୭୫ ରନ୍ରେ ୫ମ ଓ୍ଵିକେଟ୍, ୮୪ ରନ୍ରେ ୬ଷ୍ଠ ଓ୍ଵକେଟ୍, ୧୦୫ ରନ୍ରେ ୭ମ ଓ୍ଵିକେଟ୍, ୧୧୮ ରନ୍ଷର ୮ମ ଓ୍ଵିକେଟ୍, ୧୫୯ ରନ୍ରେ ୯ମ ଓ୍ଵିକେଟ୍ ହରାଇ ଥିଲା।
ମୁମ୍ବାଇର ହାର୍ଦ୍ଦିକ ପାଣ୍ଡ୍ୟା ଓ ମାୟାନକ ମାର୍କଣ୍ଡେ ୩ଟି ଲେଖାଏଁ ଓ୍ଵିକେଟ୍ ନେଇଥିବା ବେଳେ ମିଚେଲ ମ୍ୟାକଲେଘନ, ମୁସ୍ତାଫିଜୁର ରହମାନ ଓ ଯଶପ୍ରୀତ ବୁମରା ଗୋଟିଏ ଲେଖାଏଁ ଓ୍ଵିକେଟ୍ ନେଇଥିଲେ।
ପୂର୍ବରୁ ମୁମ୍ବାଇ ଇଣ୍ଡିଆନସ୍ ୧୬୫ ରନ୍ ସଂଗ୍ରହ କରିବା ପରେ ଚେନ୍ନାଇ ସୁପରକିଙ୍ଗସ୍କୁ ୧୬୬ ରନ୍ ଟାର୍ଗେଟ ମିଳିଥିଲା। ରଂଗାରଂଗ କାର୍ଯ୍ୟକ୍ରମ ପରେ ହୋଇଥିବା ଟସ୍ ଜିଣି ଚେନ୍ନାଇ ଟିମ୍ର ଅଧିନାୟକ ମହେନ୍ଦ୍ର ସିଂହ ଧୋନି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ।
ମୁମ୍ବାଇର ପ୍ରଥମ ଓ୍ଵିକେଟ ୭ ରନ୍ରେ, ୨ୟ ଓ୍ଵିକେଟ୍ ୨୦ ରନ୍ରେ, ୩ୟ ଓ୍ଵିକେଟ୍ ୯୮ ରନ୍ରେ, ୪ର୍ଥ ଓ୍ଵିକେଟ୍ ୧୧୩ ରନ୍ରେ ପଡ଼ିଥିଲା। ଅଧିନାୟକ ରୋହିତ ଶର୍ମା(୧୫), ଇଭିନ ଲୁଇସ(୦), ଈଶାନ କିଷାନ(୪୦), ସୂର୍ଯ୍ୟକାନ୍ତ ଯାଦବ ୪୩ ରନ୍ ସଂଗ୍ରହ କରିଥିଲେ। ଚେନ୍ନାଇ ପକ୍ଷରୁ ସେନ୍ ଓ୍ଵାଟସନ୍ ୨ଟି ଓ୍ଵିକେଟ୍ ନେଇଥିବା ବେଳେ, ଦିପକ ଚହର ଓ ଇମରାନ ତାହିର ଗୋଟିଏ ଲେଖାଏଁ ଓ୍ଵିକେଟ୍ ନେଇଥିଲେ।
ପୂର୍ବରୁ ପ୍ରାୟ ୨ ଘଣ୍ଟା ଧରି ନାଚ-ଗୀତ, ଆଲୋକ ମାଳା ଓ ଡିଜେ ସାଉଣ୍ଡରେ ଷ୍ଟାଡିୟମ୍ କମ୍ପି ଉଠିଥିଲା। ବଲିଉଡ ଅଭିନେତା ହ୍ରିତିକ ରୋଶନ, ବରୁଣ ଧାଓ୍ଵନ, ପ୍ରଭୁ ଦେବା, ପ୍ରଚ୍ଛଦପଟ୍ଟ ଗାୟକ ମିକା ସିଂ, ଅଭିନେତ୍ରୀ ଜ୍ୟାକଲିନ୍ ଫର୍ଣ୍ଣାଡିଜ୍ ଓ ତମନ୍ନା ଭାଟିଆ ଙ୍କ ସମେତ ଆହୁରି ଅନେକ କଳାକାର ଯୋଗଦେଇ ଦର୍ଶକଙ୍କ ମନକୁ କିଣି ଥିଲେ।
ଅଭିନେତା ହ୍ରିତିକ ରୋଶନଙ୍କ ‘ସେନୋରିଟା’ ପ୍ରସ୍ତୁତି ପୂର୍ବର ଜ୍ୟାକଲିନ୍ ‘ସୋ ତରାହକେ…’ ସଂଗୀତରେ ଦର୍ଶକ ଝୁମିଥିଲେ। ନୃତ୍ୟ ପ୍ରସ୍ତୁତି ଦେବା ପୂର୍ବରୁ ଏକ ସୁସଜ୍ଜିତ ସବାରିରେ ଜ୍ୟାକଲିନ୍ଙ୍କୁ ପଡ଼ିଆ ଭିତରକୁ ଅଣାଯାଇଥିଲା। ତମନ୍ନା ଭାଟିଆ ଓ ବରୁଣ ଧାଓ୍ଵନ ମଧ୍ୟ ତାଙ୍କର ନୃତ୍ୟୁ ଶୈଳୀରେ ଦର୍ଶକଙ୍କୁ ଆକର୍ଷିତ କରିଥିଲେ।