ଚେନ୍ନାଇ ସୁପର କିଙ୍ଗସ ଠାରୁ ୬୪ ରନରେ ହାରିଲା ରାଜସ୍ଥାନ ରୟାଲ୍ସ
ପୁନେ -ସ୍ଥାନୀୟ ମହାରାଷ୍ଟ୍ର କ୍ରିକେଟ ଆସୋସିଏସନ ଷ୍ଟାଡିୟମଠାରେ ଅନୁଷ୍ଠିତ ଆଇପିଏଲ ୨୦୧୮ର ଏକ ଲିଗ ମ୍ୟାଚରେ ଚେନ୍ନାଇ ସୁପର କିଙ୍ଗସ ରାଜସ୍ଥାନ ରୟାଲ୍ସକୁ ଶୋଚନୀୟଭାବେ ୬୪ ରନରେ ପରାସ୍ତ କରିଛି । ଚେନ୍ନାଇ ସୁପର କିଙ୍ଗସ ଦ୍ବାରା ଧାର୍ଯ୍ୟ ବିଶାଳ ୨୦୫ ଲକ୍ଷ୍ୟକୁ ପିଛା କରି ରାଜସ୍ଥାନ ମାତ୍ର ୧୪୦ ରନରେ ଅଲଆଉଟ ହୋଇଯାଇଥିଲା । ଦଳ ପକ୍ଷରୁ ବେନ ଷ୍ଟୋକ୍ସ ସର୍ବାଧିକ ୪୫ ରନ ଓ ଜସ ବଟଲର ୨୨ ରନ କରିଥିଲେ । ଏହି ଜଣଙ୍କ ବ୍ୟତୀତ ଅନ୍ୟ କୌଣସି ବ୍ୟାଟ୍ସମ୍ୟାନ କ୍ରିଜରେ ଅଧିକ ସମୟ ତିଷ୍ଠି ପାରିନଥିଲେ ।
Sambad is now on WhatsApp
Join and get latest news updates delivered to you via WhatsApp
ଏହା ପୂର୍ବରୁ ପ୍ରଥମ ଇନିଙ୍ଗସରେ ଚେନ୍ନାଇ ସୁପରକିଙ୍ଗସ ସେନ ୱାଟସନଙ୍କ ଶତକ ବଳରେ ୨୦୫ ରନର ଲକ୍ଷ୍ୟ ଧାର୍ଯ୍ୟ କରିଥିଲା । ଏହି ଇନିଙ୍ଗସର ମୁଖ୍ୟ ଆକର୍ଷଣ ଥିଲା ସେନୱାଟସନଙ୍କ ବିସ୍ପୋରକ ଶତକ । ୱାଟସନଙ୍କ ୫୭ ବଲରେ ୧୦୬ ରନ ବଳରେ ଚେନ୍ନାଇ ସୁପରକିଙ୍ଗସ ୫ ଓ୍ବିକେଟ ହରାଇ ଏହି ୨୦୪ ରନ ସ୍କୋର କରିଥିଲା ।
ଏହା ପୂର୍ବରୁ ରାଜସ୍ଥାନ ରୟାଲ୍ସର ଅଧିନାୟକ ଆଜିଙ୍କ୍ୟ ରାହାଣେ ଟସ ଜିତି ଫିଲଡିଂ କରିବାକୁ ନିଷ୍ପତ୍ତି ନେଇଥିଲେ । ଚେତ୍ତାଇ ସୁପରକିଙ୍ଗସ ତରଫରୁ ସେନ ଓ୍ବାଟସନ ଓ ଅମ୍ବାତି ରାୟଡୁ ଓପନିଂ କରିବାକୁ ଆସି ଆରମ୍ଭରୁ ‘ଦ୍ରୁତ ଗତିରେ ରନ ସଂଗ୍ରହ କରିଥିଲେ ବିଶେଷକରି ସେନ ଓାଟସନ ମୂଳରୁ ହିଁ ବିସ୍ପୋରକ ବ୍ୟାଟିଂ କରିଥିଲେ । ସେ ୬ଟି ଛକା ଓ ୯ଟି ଚୌକା ବଳରେ ୧୦୬ ରନ କରିଥିଲେ । ତେବେ ୪.୩ ଓଭରରେ ଅନ୍ୟତମ ଓପନର ରାୟଡୁ ୮ ଟି ବଲରେ ୧୨ ରନ କରି ଆଉଟ ହୋଇଥିଲେ । ସେ ଲଗଲିନଙ୍କ ବଲରେ ବଟଲଙ୍କ ହାତରେ ଧରାପଡିଥିଲେ । ରାୟଡୁ ଆଉଟ ହେବାପରେ ସୁରେଶ ରାଇନା ବ୍ୟାଟିଂ କରିବାକୁ ଆସି ୨୯ ବଲରେ ୪୬ ରନ ସଂଗ୍ରହ କରି ସ୍ରେୟାସ ଗୋପାଲଙ୍କ ବଲରେ ଆଉଟ ହୋଇଥିଲେ । ଶେଷ ବେଳକୁ ଡ୍ାଇନ ବ୍ରାଭୋ ଆସି ୧୬ ବଲରେ ୨୪ ରନ ସଂଗ୍ରହ କରିଥିଲେ । ରାଜସ୍ଥାନ ତରଫରୁ ଶ୍ରେୟାସ ଗୋପାଲ ୪ ଓଭରରେ ୨୦ ରନ ଦେଇ ୩ଟି ଓ୍ବିକେଟ ସଂଗ୍ରହ କରିଥିଲେ । ସେହିପରି ବେନ ଲଗଲିନ ୩୮ ରନ ଦେଇ ୨ ଓ୍ବିକେଟ ସଂଗ୍ରହ କରିଥିଲେ ।