ଭୁବନେଶ୍ୱର: ରବିବାର କଳିଙ୍ଗ ଷ୍ଟାଡିୟମ୍ରେ ଖେଳାଯିବାକୁ ଥିବା ଜାମସେଦପୁର ଏଫ୍ସି ବିପକ୍ଷ ମ୍ୟାଚ୍ ଲାଗି ଶୁକ୍ରବାର ସଂଧ୍ୟାରେ ବେଙ୍ଗାଲୁରୁ ଏଫସି ଭୁବନେଶ୍ୱର ପହଞ୍ଚିଛି।। ସଂଧ୍ୟାରେ ଅଧିନାୟକ ସୁନୀଲ ଛେତ୍ରୀଙ୍କ ନେତୃତ୍ୱରେ ବେଙ୍ଗାଲୁରୁ ଦଳ ଭୁବନେଶ୍ୱର ପହଞ୍ଚିବା ପରେ ସିଧାସଳଖ ହୋଟେଲ୍ ପାଲ ହାଇଟକୁ ଯାଇଥିଲେ। ବିମାନବନ୍ଦର ଏବଂ ହୋଟେଲ୍ ବାହାରେ ଫୁଟ୍ବଲ୍ପ୍ରେମୀ ମାନେ ବିଶେଷ କରି ଭାରତୀୟ ଦଳ ଅଧିନାୟକ ସୁନୀଲ ଛେତ୍ରୀଙ୍କୁ ଦେଖିବାକୁ ଉତ୍ସୁକତା ଦେଖାଇଥିଲେ। ଏକମାତ୍ର ଦଳ ଭାବେ ବେଙ୍ଗାଲୁରୁ ଏଫ୍ସି ସଂପ୍ରତି ପଏଣ୍ଟ ତାଲିକାର ପ୍ରଥମ ସ୍ଥାନରେ ରହିବା ସହିତ ସେମିଫାଇନାଲ୍ ଯୋଗ୍ୟତା ଅର୍ଜ୍ଜନ କରି ସାରିଥିବାରୁ ଭୁବନେଶ୍ୱରରେ ବିନା ଚାପରେ ଖେଳିବ ବୋଲି ଆଶା କରାଯାଉଛି। ରବିବାର ମ୍ୟାଚ୍ ଜାମସେଦପୁର ପାଇଁ ଅଧିକ ଗୁରୁତ୍ୱପୂର୍ଣ୍ଣ ରହିବ। ଶନିବାର ପୂର୍ବାହ୍ନ ୧୦ଟାରେ ଜାମସେଦପୁର ଏଫ୍ସି ଏବଂ ଅପରାହ୍ଣ ୫ଟାରେ ବେଙ୍ଗାଲୁରୁ ଏଫ୍ସି ଅଭ୍ୟାସ କରିବେ ବୋଲି ସୂଚନା ମିଳିଛି। ରବିବାର ରାତି ୮ଟାରେ ଏହି ମ୍ୟାଚ୍ ସହିତ ଆଇଏସଏଲ୍ ଓଡ଼ିଶା ପଦାର୍ପଣ କରିବ।
Sambad is now on WhatsApp
Join and get latest news updates delivered to you via WhatsApp
ବେଙ୍ଗାଲୁରୁ ଏଫ୍ସି ଦଳ: ସୁନୀଲ ଛେତ୍ରୀ (ଅଧିନାୟକ), ଅଭ୍ର ମଣ୍ଡଳ, ଗୁରୁପ୍ରୀତ ସିଂହ, ଲାଲଥୁଆମାଓ୍ଵିଆ ରାଲଟେ, ବୋଇଥାଙ୍ଗ ହାଓପିକ୍, କଲିନ୍ ଆବ୍ରାଞ୍ଚେସ୍, ହରମନଜ୍ୟୋତ ଖବ୍ରା, ଜନ୍ ଜନସନ୍, ଜୁଆନ୍, ନିଶୁ କୁମାର, ରାହୁଲ ଭିକେ, ସୁଭାଶିଷ ବୋଷ୍, ଅଲଓ୍ଵିନ୍ ଜର୍ଜ, ଟୋନି ଦୋଭାଲେ, ଡାନିଏଲ୍ ସେଗୋଭିଆ, ଦିମାସ ଦେଲଗାଡୋ, ଏଡୁ ଗର୍ସିଆ, ଏରିକ୍ ପାର୍ତାଲୁ, ଲେନି ରୋଡ୍ରିଗେ୍ଵଜ୍, ମାଲସମଜୁଆଲା, ଜୋମିଙ୍ଗଲିଆନା ରାଲଟେ, ଡାନିଏଲ୍ ଲାଲହିମପୁଇଆ, ମିକୁ, ସେମ୍ବୋଇ ହାଓକିପ୍, ଉଦନ୍ତା ସିଂହ। ଆଲବର୍ଟ ରୋକା (ମୁଖ୍ୟ ପ୍ରଶିକ୍ଷକ)।