ଭୁବନେଶ୍ୱର: ସୁପ୍ରିମକୋର୍ଟଙ୍କ ଦ୍ୱାରା ନିଯୁକ୍ତ କ୍ରିକେଟ ପ୍ରଶାସକ କମିଟି ଶୁକ୍ରବାର ଭାରତର ପୂର୍ବତନ ଦ୍ରୁତ ବୋଲର ଦେବାଶିଷ ମହାନ୍ତିଙ୍କୁ ଜୁନିଅର ଚୟନକାରୀ କମିଟିରେ ସଦସ୍ୟ ଭାବରେ ନିଯୁକ୍ତି ଦେଇଛନ୍ତି। ଜୁନିଅର କ୍ରିକେଟ ପ୍ରଶାସକ କମିଟିରେ ୫ ଜଣ ସଦସ୍ୟ ଅଛନ୍ତି। ପୂର୍ବତନ କ୍ରିକେଟର ଭେଙ୍କଟେସ୍ ପ୍ରସାଦଙ୍କ ସ୍ଥାନରେ ଓଡ଼ିଆ ପୁଅ ଦେବାଶିଷ ମହାନ୍ତିଙ୍କୁ ସ୍ଥାନ ମିଳିଛି। ଭେଙ୍କଟେଶ୍ୱର ପ୍ରସାଦ ଗତ ମାର୍ଚ୍ଚରେ ମୁଖ୍ୟ ଚୟନକର୍ତ୍ତା ଭାବରେ ଇସ୍ତଫା ଦେଇଥିଲେ।
Sambad is now on WhatsApp
Join and get latest news updates delivered to you via WhatsApp
ଲୋଧା କମିଟିର ନିର୍ଦ୍ଦେଶରେ ଚୟନ କମିଟିରେ ୩ ଜଣ ସଦସ୍ୟ ଥିଲେ କିନ୍ତୁ ସୁପ୍ରିମକୋର୍ଟ ଅଗଷ୍ଟ ୯ରେ କମିଟିରେ ପୂର୍ବଭଳି ୫ ଜଣିଆ ସଦସ୍ୟ ରଖିବାକୁ କହିଥିଲେ। ଜୁନିଅର କମିଟିରେ ଆଶିଷ କପୁର, ରାକେଶ ପାରିଖ, ଜ୍ଞାନେନ୍ଦ୍ର ପାଣ୍ଡେ ଓ ଅମିତ ଶର୍ମା ଅଛନ୍ତି।
ସୂଚନାଯୋଗ୍ୟ ୪୨ ବର୍ଷିଅ ଦେବାଶିଷ ମହାନ୍ତି ୨ଟି ଟେଷ୍ଟ ଓ ୪୫ଟି ଦିନିକିଆ ମ୍ୟାଚ ଖେଳିଛନ୍ତି। ଟେଷ୍ଟ ମ୍ୟାଚରେ ୪୩୦ଟି ବଲ ଦେଇ କରି ୪ଟି ଓ୍ଵିକେଟ ନେଇଛନ୍ତି। ସେ ଦିନିକିଆରେ ୧୯୯୬ଟି ବଲ ଦେଇ ୫୭ଟି ଓ୍ଵିକେଟ୍ ନେଇଛନ୍ତି। ଦିନିକିଆରେ ଦେବାଶିଷଙ୍କ ସର୍ବଶ୍ରେଷ୍ଠ ବୋଲିଂ ହେଉଛି ୪ ଓ୍ଵିକେଟ ନେଇ ୫୬ ରନ୍ ଦେଇଛନ୍ତି। ସେହିପରି ଦେବାଶିଷ ଟେଷ୍ଟ ମ୍ୟାଚରେ ୭୮ ରନ୍ ଦେଇ ୪ଟି ଓ୍ଵିକେଟ ନେଇ ସର୍ବଶ୍ରେଷ୍ଠ ବୋଲିଂ କରିଛନ୍ତି।