ଲଣ୍ଡନ୍: ମାଷ୍ଟର୍ ବ୍ୟାଟସମ୍ୟାନ୍ ସଚିନ ତେନ୍ଦୁଲକରଙ୍କ ମତରେ ବିଶ୍ବକପ୍ ବିଜୟୀ ଅଧିନାୟକ ମହେନ୍ଦ୍ର ସିଂହ ଧୋନିଙ୍କ ଅଭିଜ୍ଞତା ଯେ କୌଣସି ବ୍ୟକ୍ତି ପାଇଁ ଶ୍ରେଷ୍ଠ ସମ୍ଭାବ୍ୟ ଆବଶ୍ୟକ। ୨୦୧୧ ମସିହାରେ ଭାରତକୁ ବିଶ୍ବକପ୍ ବିଜେତା କରାଇଥିବା ଏହି ପୂର୍ବତନ ଅଧିନାୟକ ଭାରତର ୨୦୧୯ ଅଭିଯାନରେ ବିରାଟ କୋହଲିଙ୍କ ପାଇଁ ନିଶ୍ଚିତ ଗୁରୁତ୍ବପୂର୍ଣ୍ଣ ସାବ୍ୟସ୍ତ ହେବେ। ୱିକେଟ୍ ପଛପଟେ ତାଙ୍କ ଅଭିଜ୍ଞତା ଦଳକୁ ସହାୟକ ହେବ ଯାହାକୁ ଅନ୍ୟକୁ ଆବଶ୍ୟକ ପଡୁଥିବା ଭଳି। ଜଣେ ବ୍ୟାଟସମ୍ୟାନ୍ ଭଳି ସେ ସେଠାରୁ ହିଁ ସମ୍ପୂର୍ଣ୍ଣ ପଡ଼ିଆକୁ ଦେଖି ନିଅନ୍ତି। ତାଙ୍କ ସୂଚନା ତଥା ତଥ୍ୟ ବିରାଟ କୋହଲିଙ୍କ ପାଇଁ ଜଟିଳ ପରିସ୍ଥିତି ଆଣିପାରେ। ପିଚ୍ କିଭଳି ଖେଳୁଛି, କେତେ ଭଲ କେତେ ଖରାପ ଧୋନି ହିଁ ଭଲ ଭାବରେ କହିପାରିବେ। ବଲ୍ ରହିକି ଆସୁଛି କି ଭଲରେ ବ୍ୟାଟ୍କୁ ଆସୁଛି ତାହା ସେ କହିପାରିବେ। ସୂଚନା ସବୁ ସେ ଅଧିନାୟକ ଏବଂ ବୋଲରଙ୍କ ସହ ବାଣ୍ଟିପାରିବେ। ଏଭଳି ଜଣେ ଅଭିଜ୍ଞ ଖେଳାଳି ୱିକେଟ ପଛପଟେ ଥିଲେ ଦଳ ପାଇଁ ଏହା ବୋନସ ଭଳି ବୋଲି ସଚିନ ପ୍ରକାଶ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସଦ୍ୟ ସମାପ୍ତ ଆଇପିଏଲ୍ରେ କୋହଲିଙ୍କ ନେତୃତ୍ବ (ଆରସିବି ଅଧିନାୟକ) ନେଇ ଅନେକ ପ୍ରଶ୍ନ ଉଠିଥିଲା। ତେନ୍ଦୁଲକର କିନ୍ତୁ ଏହି ୩୦ ବର୍ଷୀୟ ତାରକାଙ୍କୁ ସମର୍ଥନ କରିଛନ୍ତି। ଆଇପିଏଲ୍ ଭଳି ଟି-୨୦ ଫର୍ମାଟଠାରୁ ଜାତୀୟ ଦିନିକିଆ ଦଳର ନେତୃତ୍ବ ଦୁଇଟି ଭିନ୍ନ କଥା ବୋଲି ସଚିନ କହିଛନ୍ତି। ଆମେ ପ୍ରଥମତଃ ଏହି ଦୁଇଟିକୁ ତୁଳନା କରିବା କଥା ନୁହେଁ। ଗୋଟିଏ ଫର୍ମାଟ ଯେଉଁଠି ସବୁ ଅନ୍ତର୍ଜାତୀୟ ଖେଳାଳି ଟି-୨୦ ଖେଳିଥାନ୍ତି, ଅନ୍ୟଟି ଅନ୍ତର୍ଜାତୀୟ କ୍ରିକେଟ୍ ଯେଉଁଥିରେ କେବଳ ଭାରତୀୟ ଖେଳିବେ। କିନ୍ତୁ ନେତୃତ୍ବ ପ୍ରସଙ୍ଗରେ ତଥାପି କୋହଲି ସଙ୍କଳ୍ପବଦ୍ଧ ବୋଲି କହିଛନ୍ତି ସଚିନ। ଅନ୍ତର୍ଜାତୀୟ କ୍ରିକେଟ୍ରେ କୋହଲିଙ୍କ ନେତୃତ୍ବ ପ୍ରଶଂସନୀୟ। କୋହଲି ପାଇଁ ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନି ଭୂମିକା ନିର୍ଣ୍ଣାୟକ ରହୁଥିବା କଥାକୁ ଅସ୍ବୀକାର କରାଯାଇ ପାରିବ ନାହିଁ। କେଉଁ ବ୍ୟାଟସମ୍ୟାନ୍ ପାଇଁ କିଭଳି ପଡ଼ିଆ ସଜାଯିବ ଏବଂ ଯୁବ ବୋଲରଙ୍କୁ ନିୟମିତ ପରାମର୍ଶ ଦେଇଥାନ୍ତି ଧୋନି। ତାଙ୍କ ଭଳି ଜଣେ ଅଭିଜ୍ଞ ଖେଳାଳି ଦଳରେ ପାଇବା କୋହଲିଙ୍କ ପାଇଁ ଭାଗ୍ୟର କଥା ବୋଲି ସଚିନ ପ୍ରକାଶ କରିଛନ୍ତି।
ବ୍ୟାଟିଂ ବିଭାଗରେ ଭାରତର ଶୀର୍ଷ ୩ ଜଣ ଖେଳାଳି ଶିଖର ଧାୱନ, ରୋହିତ ଶର୍ମା ଏବଂ ବିରାଟ କୋହଲିଙ୍କ ଉପରେ ନିର୍ଭର କରିବ। ବିଶ୍ବକପ୍ରେ ଭଲ ପ୍ରଦର୍ଶନ କରିବାକୁ ହେଲେ ଅନ୍ୟ କିଛି ବ୍ୟାଟସମ୍ୟାନଙ୍କୁ ବି ଦାୟିତ୍ବ ନେବାକୁ ପଡ଼ିବ। ପୂର୍ବରୁ ଭାରତ କେବେ ଦାବିଦାର ରହୁନଥିଲେ ମଧ୍ୟ କୋହଲିଙ୍କ ଦଳ ଏଥର ଦାବିଦାର ଦଳ ଭାବେ ଖେଳିବ। ଏହା ଖେଳାଳିଙ୍କ ଉପରେ ଚାପ ପକାଇପାରେ, କିନ୍ତୁ ଏଭଳି ଦାବିଦାର ଦଳର ଟିକା ପରିଧାନ କରିବାକୁ ହକଦାର ବୋଲି ସଚିନ କହିଥିଲେ।