ଧୋନିଙ୍କ ବିକଳ୍ପ ଉପରେ ଚିନ୍ତା କରାଯାଉଛି: ଗାଭାସ୍କର
ନୂଆଦିଲ୍ଲୀ: ମିଷ୍ଟର ଫିନିସର ମହେନ୍ଦ୍ର ସିଂ ଧୋନିଙ୍କୁ ନେଇ ଭାରତର କିମ୍ବଦନ୍ତୀ ବ୍ୟାଟ୍ସମ୍ୟାନ ସୁନୀଲ ଗାଭାସ୍କର ନିଜ ବୟାନ ରଖିଛନ୍ତି । ଗାଭାସ୍କର କହିଛନ୍ତି ଆଗାମୀ ଟି-ଟ୍ୱେଂଟି ୱାର୍ଲଡ କପ ପାଇଁ ଧୋନିଙ୍କ ବିକଳ୍ପ ଉପରେ ବିଚାର କରାଯାଉଛି । ଆସନ୍ତା ବର୍ଷ ଅଷ୍ଟ୍ରେଲିଆରେ ଖେଳାଯିବାକୁ ଥିବା ଟି-ଟ୍ୱେଂଟି ୱାର୍ଲଡ କପରେ ଧୋନୀଙ୍କ ବଦଳରେ କୌଣସି ଯୁବ ଖେଳାଳିଙ୍କୁ ଖେଳାଇବା ସମୟ ଆସିଛି ।
Sambad is now on WhatsApp
Join and get latest news updates delivered to you via WhatsApp
ଆଗାମୀ ବାଲାଂଦେଶ ଗସ୍ତରେ ଧୋନିଙ୍କୁ ଦଳରେ ସାମିଲ କରାଯିବ କି ପ୍ରଶ୍ନର ଉତ୍ତର ଦେଇ ଗାଭାସ୍କର କହିଥିଲେ, ଧୋନିଙ୍କ ବିକଳ୍ପ ଖେଳାଳି ଆମ ପାଖରେ ରହିଛନ୍ତି । ସେହିପରି ଟି-ଟ୍ୱେଂଟି ବିଶ୍ୱକପ ପାଇଁ ରିଷଭ ପନ୍ଥ ପସନ୍ଦର ଖେଳାଳି ବୋଲି ସ୍ପଷ୍ଟ କରିଛନ୍ତି ଗାଭାସ୍କର । ଯଦି ରିଷଭ ପନ୍ଥ ଭଲ ପ୍ରଦର୍ଶନ ନ କରନ୍ତି ତେବେ ଭାରତ ପାଖରେ ସଞ୍ଜୁ ସାମସନ ଭଳି ଉଦୀୟମାନ ଖେଳାଳି ରହିଛନ୍ତି ।
ଯିଏ ଜଣେ ଭଲ ୱିକେଟ କିପର ଓ ଭଲ ବ୍ୟାଟ୍ସମ୍ୟାନ । ଦେଶ ପାଇଁ ମହେନ୍ଦ୍ର ସିଂ ଧୋନିଙ୍କ ବହୁ ଅବଦାନ ରହିଛି । ଏବେ ସମ୍ମାନର ସହ ବିଦାୟ ନେବାର ବେଳ ଆସିଛି ବୋଲି କହିଥିଲେ ସୁନୀଲ ଗାଭାସ୍କର ।