ନୂଆଦିଲ୍ଲୀ: ଭାରତୀୟ କ୍ରିକେଟର ପୂର୍ବତନ ବିସ୍ଫୋରକ ବ୍ୟାଟସ୍ମ୍ୟାନ୍ ଗୌତମ ଗମ୍ଭୀର ମଙ୍ଗଳବାର କ୍ରିକେଟ୍ର ସମସ୍ତ ଫର୍ମାଟରୁ ସନ୍ୟାସ ନେଇଛନ୍ତି। ନିଜର ଟୁଇଟର ଆକାଉଣ୍ଟରେ ଭିଡିଓ ସେୟାର କରି କ୍ରିକେଟ୍ରୁ ସନ୍ୟାସ ନେବା ଘୋଷଣା କରିଛନ୍ତି। ୨୦୧୧ ବିଶ୍ୱକପ୍ର ହିରୋ ଗମ୍ଭୀର ଲେଖିଛନ୍ତି, ଜୀବନର ଗୁରୁତ୍ୱପୂର୍ଣ୍ଣ ନିଷ୍ପତ୍ତି ସବୁବେଳେ ନିଜ ମନ ଭିତରୁ ହିଁ ନିଆଯାଇଥାଏ।
Sambad is now on WhatsApp
Join and get latest news updates delivered to you via WhatsApp
ଗମ୍ଭୀର (୩୭ ବର୍ଷ) ଭାରତ ପାଇଁ ନିଜର ଶେଷ ଟେଷ୍ଟ ମ୍ୟାଚ ୨୦୧୬ରେ ଇଂଲଣ୍ଡ ବିପକ୍ଷରେ ଖେଳିଥିଲେ। ସେ ୫୮ଟି ଟେଷ୍ଟ ମ୍ୟାଚରେ ୪୧.୯୫ ହାରରେ ୪୧୫୪ ରନ୍ ସଂଗ୍ରହ କରିଥିଲେ। ଏଥିରେ ୯ଟି ଶତକ ସାମିଲ ଥିଲା।
The most difficult decisions are often taken with the heaviest of hearts.
And with one heavy heart, I’ve decided to make an announcement that I’ve dreaded all my life.
➡️https://t.co/J8QrSHHRCT@BCCI #Unbeaten
— Gautam Gambhir (@GautamGambhir) December 4, 2018
ଦିନିକିଆରେ ଗୌତମ ଗମ୍ଭୀର ୩୯.୬୮ ହାରରେ ୫୨୩୮ ରନ ସଂଗ୍ରହ କରିଥିଲେ। ଏଥିରେ ୧୧ଟି ଶତକ ସାମିଲ ଥିଲା। ବର୍ଷ ୨୦୧୧ରେ ଗୌତମ ଗମ୍ଭୀରଙ୍କ ୯୭ ରନ ବଳରେ ଭାରତ ଦ୍ୱିତୀୟ ଥର ପାଇଁ ବିଶ୍ୱକପ ଚାମ୍ପିଅନ ହୋଇଥିଲା।
ଟି-୨୦ ଅନ୍ତର୍ଜାତୀୟରେ ଗମ୍ଭୀର ୩୭ଟି ମ୍ୟାଚ ଖେଳି ୯୩୨ ରନ୍ ଯୋଡ଼ିଥିଲେ। ଦେଶ ପାଇଁ ଗମ୍ଭୀର ୧୫ ବର୍ଷ ମ୍ୟାଚ ଖେଳିଥିଲେ।