ଭୁବନେଶ୍ୱର: ଭିଣ୍ଟେଜ୍ କ୍ଲବ୍ ପରିସରରେ ଚାଲିଥିବା ନିଖିଳ ଓଡ଼ିଶା ହ୍ୟାଣ୍ଡିକ୍ୟାପ୍ ସ୍ନକର ପ୍ରତିଯୋଗିତାର ସେମିଫାଇନାଲ୍ରେ ସୌଭାଗ୍ୟ ରଂଜନ ବେହେରା, ରାକେଶ ରୋଶନ ପ୍ରଧାନ ଏବଂ ଆକାଶ ମହାପାତ୍ର ପ୍ରବେଶ କରିଛନ୍ତି। ମଙ୍ଗଳବାର କ୍ୱାର୍ଟର୍ ଫାଇନାଲ୍ରେ ସୌଭାଗ୍ୟ ୪-୧ରେ ସତ୍ୟଦୀପ ଦାଶଙ୍କୁ, ରାକେଶ ୪-୧ରେ ସୁବ୍ରତ ଦାସଙ୍କୁ ଏବଂ ଆକାଶ ୪-୦ରେ ଶ୍ୟାମ ଅଗ୍ରଓ୍ଵାଲ୍ଙ୍କୁ ପରାସ୍ତ କରିଥିଲେ। ପୂର୍ବରୁ ପ୍ରି-କ୍ୱାର୍ଟର୍ ଫାଇନାଲ୍ରେ ସୌଭାଗ୍ୟ ୩-୧ରେ ଯଯାତି ପଣ୍ଡାଙ୍କୁ, ରାକେଶ ୩-୨ରେ ଅବିନାଶ ମହାପାତ୍ରଙ୍କୁ, ଆକାଶ ୩-୦ରେ ସମୀର ଅଲ୍ଲୀଙ୍କୁ ହରାଇଥିଲେ। ସେହିଭଳି ନିଶାନ୍ତ ବିଶ୍ୱାଳ ୩-୧ରେ ଅନୁଜ ପଣ୍ଡାଙ୍କୁ, ଜିତେନ୍ ଷଡ଼ଙ୍ଗୀ ୩-୦ରେ ଚନ୍ଦ୍ର ମହାନ୍ତିଙ୍କୁ, ଶ୍ୟାମ ୩-୨ରେ ଅଜୟ ଆଚାର୍ଯ୍ୟଙ୍କୁ, ସୁବ୍ରତ ୩-୨ରେ ସତ୍ୟଜ୍ୟୋତି ମହାନ୍ତିଙ୍କୁ, ସତ୍ୟଦୀପ ୩-୨ରେ ଉଦ୍ଭାସ ମହାପାତ୍ରଙ୍କୁ ପରାସ୍ତ କରି କ୍ୱାର୍ଟର୍ ଫାଇନାଲ୍ରେ ପହଞ୍ଚିଥିଲେ। ବୁଧବାର ନିଶାନ୍ତ ବିଶ୍ୱାଳ ଏବଂ ଜିତେନ ଷଡ଼ଙ୍ଗୀଙ୍କ ମଧ୍ୟରେ ଶେଷ କ୍ୱାର୍ଟର୍ ଫାଇନାଲ୍ ଏବଂ ଦୁଇଟି ଯାକ ସେମିଫାଇନାଲ୍ ମ୍ୟାଚ୍ ଖେଳାଯିବ ବୋଲି ଆୟୋଜକଙ୍କ ପକ୍ଷରୁ ସୂଚନା ଦିଆଯାଇଛି।