ହିମାଚଳ ପ୍ରଦେଶର ବୃହତ୍ ବିଜୟ
ଜାତୀୟ ଉପକନିଷ୍ଠ ବାଳିକା ଫୁଟ୍ବଲ୍
କଟକ: ଏଠାରେ ଚାଲିଥିବା ଜାତୀୟ ଉପକନିଷ୍ଠ ବାଳିକା ଫୁଟବଲ୍ ପ୍ରତିଯୋଗିତାରେ ବୁଧବାର ହିମାଚଳ ପ୍ରଦେଶ, ମଧ୍ୟପ୍ରଦେଶ, ଗୁଜୁରାଟ ଓ ଉତ୍ତରପ୍ରଦେଶ ବିଜୟୀ ହୋଇଛନ୍ତି। ବାରବାଟୀ ଷ୍ଟାଡିୟମରେ ହିମାଚଳ ପ୍ରଦେଶ ୨୮-୦ ଗୋଲ୍ରେ ପଣ୍ଡିଚେରୀକୁ ହରାଇଛି। ଅଧିନାୟିକା ଅଞ୍ଜୁ (୨୭, ୪୮, ୫୨, ୫୬, ୫୯, ୭୦, ୭୯, ୮୦, ୮୭ ମିନିଟ୍) ଏକା ୯ ଗୋଲ୍ କରିଥିଲା ବେଳେ କିରଣ (୧୪, ୧୮, ୨୪, ୪୦, ୪୬ ଓ ୪୯ ମିନିଟ୍) ୬, ପୁନମ (୪, ୪୫, ୬୧, ୬୮ ଓ ୮୯ ମିନିଟ୍) ୫, ମନୀଷା (୩୧, ୪୨ ଓ ୭୮ ମିନିଟ୍) ଓ ନିଶା (୪୬, ୬୭ ଓ ୬୯ ମିନିଟ୍) ୩ ଲେଖାଏଁ ଏବଂ ବର୍ଷା ୫୩ ମିନିଟ୍ରେ ଗୋଟିଏ ଗୋଲ୍ ସ୍କୋର କରିଥିଲେ। ଅନ୍ୟପକ୍ଷରେ ପଣ୍ଡିଚେରୀର ଅଧିନାୟିକା ଏମ୍ ସରିତାଙ୍କ ଦ୍ୱାରା ୮୬ ତମ ମିନିଟ୍ରେ ଆଉ ଏକ ଆତ୍ମଘାତୀ ଗୋଲ୍ ସ୍କୋର ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ଅନ୍ୟ ଏକ ମ୍ୟାଚ୍ରେ ଗୁଜୁରାଟ ୧୦-୦ ଗୋଲ୍ରେ ଆନ୍ଧ୍ରପ୍ରଦେଶକୁ ହରାଇଛି। ବିଜୟୀ ଦଳର ଦ୍ରିଷ୍ଟି ପନ୍ତ ୩ (୫, ୪୭ ଓ ୬୪ ମିନଟ୍), ଅନ୍ତରବେନ୍ ଠାକୁର ୩ (୫୩, ୬୮, ୭୨ ମିନିଟ୍), ଇଶିତା ମାଥ୍ୟୁ ୨ (୭୧, ୮୨ ମିନିଟ୍), ହିତେକ୍ସା ତବିୟତ୍ (୪୫ ମିନିଟ୍) ଓ ଶିଳ୍ପାବେନ୍ ଠାକୁର (୮୭ ମିନିଟ୍) ଗୋଟିଏ ଲେଖାଏଁ ଗୋଲ୍ ସ୍କୋର କରିଥିଲେ। ରେଭେନ୍ସା ବିଶ୍ୱବିଦ୍ୟାଳୟ ପଡ଼ିଆରେ ଉତ୍ତରପ୍ରଦେଶ ୩-୨ ଗୋଲ୍ରେ ବିହାରକୁ ହରାଇଛି। ବିଜୟୀ ଦଳର ଅଙ୍କିତା ପୋଦ୍ଦାର ୧୬ ମିନିଟ୍, ଖୁସ୍ବୁ ବାନୋ ୬୧ ମିନିଟ୍ ଓ ନେହା କୁମାରୀ ୮୦ ମିନିଟ୍ରେ ଗୋଲ୍ ଦେଇଥିଲା ବେଳେ ବିହାର ପକ୍ଷରୁ କାଜଲ କୁମାରୀ ୮ ଓ ୧୮ ମିନିଟ୍ରେ ଦୁଇଟି ଗୋଲ୍ ଶୁଝି ଦେଇଥିଲେ। ଅନ୍ୟଏକ ମ୍ୟାଚ୍ରେ ମଧ୍ୟପ୍ରଦେଶ ୧-୦ ଗୋଲ୍ରେ ପଞ୍ଜାବକୁ ହରାଇଛି। ତବିନା ଅନ୍ସାରୀ ୭ ମିନିଟ୍ରେ ଏହି ଗୋଲ୍ ସ୍କୋର କରିଥିଲେ।