Sambad, Odisha Latest News, Breaking News Odisha, Odisha Current Headlines, Odisha News Online | Sambad.in

ହକି ଏସିଆ କପ୍‌: ମାଲେସିଆକୁ ୨-୧ ଗୋଲରେ ପରାସ୍ତ କରି ଭାରତ ବିଜୟୀ

୧୦ବର୍ଷ ପରେ ଏସିଆ କପ୍‌ର ଅଧିକାରୀ ହେଲା ଭାରତ

0 392

ଢ଼ାକା: ଏସିଆ କପ୍‌ ପୁରୁଷ ହକିର ୧୦ମ ସଂସ୍କରଣରେ ଭାରତ ୨-୧ ଗୋଲରେ ମାଲେସିଆକୁ ପରାସ୍ତ କରିଛି। ୧୦ ବର୍ଷ ବ୍ୟବଧାନ ପରେ  ରବିବାର ମ୍ୟାଚରେ ଭାରତକୁ ଏଭଳି ସଫଳତା ମିଳିଛି।

ବାଂଲାଦେଶର ରାଜଧାନୀ ଢାକାରେ ଅନୁଷ୍ଠିତ ଫାଇନାଲ ମ୍ୟାଚର ୩ୟ ମିନିଟରେ ଭାରତର ରମଣଦୀପ ସିଂହ ମାଲେସିଆ ବିପକ୍ଷରେ ପ୍ରଥମ ଗୋଲ ଦେଇଥିବା ବେଳେ, ପ୍ରଥମ ହାଫ୍‌ରେ ଲଲିତ ଉପାଧ୍ୟାୟ (୨୯ମିନିଟରେ)୨ୟ ଗୋଲ ଦେଇଥିଲେ। ମାଲେସିଆ ପ୍ରଥମ ଥର ପାଇଁ ଫାଇନାଲରେ ପ୍ରବେଶ କରିଥିଲା। ୪ର୍ଥ କ୍ୱାଟରରେ ଭଲ ପ୍ରଦର୍ଶନ କରିଥିଲେ ମଧ୍ୟ ଭାରତ ଉପରେ କୌଣସି ପ୍ରଭାବ ପକାଇ ପାରି ନ ଥିଳା।

ପୂର୍ବରୁ ସୁପର-୪ରେ ଭାରତ ଶନିବାର ୪-୦ରେ ଚିର ପ୍ରତିଦ୍ୱନ୍ଦୀ ପାକିସ୍ତାନକୁ ପରାସ୍ତ କରି ଫାଇନାଲରେ ପ୍ରବେଶ କରିଥିଲା। ମୌଲାନା ଭସାନି ଷ୍ଟାଡିୟମରେ ୩ଥର ଚମ୍ପିୟନ ହୋଇଥିବା ପାକିସ୍ତାନ ବିପକ୍ଷରେ ଭାରତର ସତବୀର ସିଂହ ( ୩୯ମିନିଟ)ରେ ପ୍ରଥମ ଗୋଲ ଦେଇଥିଲେ। ସେହିଭଳି ଭାରତ ୩ୟ କ୍ୱାଟରରେ ୧-୦ରେ ଅଗ୍ରଣୀ ଥିବା ବେଳେ ହରମନପ୍ରୀତ ସିଂହ(୫୧ମିନିଟ) ଓ ଲଲିତ ଉପାଧ୍ୟାୟଙ୍କ ଗୋଲ(୫୨ମିନିଟ) ବଳରେ ୪ର୍ଥ କ୍ୱାଟରରେ ୩-୦ ଗୋଲରେ ଅଗ୍ରଣୀ ରହିଥିଲା। ସେହିଭଳି ଗୁରଜନ୍ତ ସିଂହ(୫୭ମିନିଟରେ) ଗୋଲ ଦେଇ ଭାରତର ଅଭିଯାନକୁ ୪-୦ରେ ଆଗକୁ ନେଇ ଯାଇଥିଲେ। ଆସନ୍ତାକାଲି ଫାଇନାଲ ମ୍ୟାଚ ଖେଳାଯିବ।

ସମ୍ବନ୍ଧିତ ଖବର

Leave A Reply

Your email address will not be published.

twenty − ten =