ହାର୍ଟବର୍ଜରଙ୍କ ନାଁରେ ପ୍ରଥମ ହ୍ୟାଟ୍ରିକ୍
ଭୁବନେଶ୍ବର : ଶନିବାର ଚଳିତ ପୁରୁଷ ହକି ବିଶ୍ବକପର ପ୍ରଥମ ହ୍ୟାଟ୍ରିକ୍ ଦେଖିବାକୁ ମିଳିଛି। ସେହିଭଳି ଦୁଇ ପୂର୍ବ ବିଜେତା ଜର୍ମାନି ଏବଂ ନେଦରଲାଣ୍ଡ ନିଜ ନିଜ ମ୍ୟାଚ୍ ଜିତି ସମ୍ମାନର ସହ ଅଭିଯାନ ଆରମ୍ଭ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଆଜିର ନେଦରଲାଣ୍ଡ-ମାଲେସିଆ ମ୍ୟାଚ୍ରେ ଗତଥରର ଉପବିଜେତା ନେଦରଲାଣ୍ଡ ୭ ଗୋଲ୍ କରିଥିଲା। ଅନ୍ୟପକ୍ଷରେ ମାଲେସିଆ ଖାତା ଖୋଲି ପାରି ନଥିଲା।
ନେଦରଲାଣ୍ଡର ଅଭିଜ୍ଞ ତାରକା ଜେରୋନ ହାର୍ଟବର୍ଜର ୧୧, ୨୯ ଓ ୬୦ ମିନିଟ୍ରେ ଏକାକି ତିନିଟି ଗୋଲ୍ ଦେଇ ହ୍ୟାଟ୍ରିକ୍ ଅର୍ଜନ କରିଥିଲେ। ଏହି ଅନନ୍ୟ ସଫଳତା ଲାଭ କରିବାରେ ସେ ମଧ୍ୟ ଭୁବନେଶ୍ବର ବିଶ୍ବକପର ପ୍ରଥମ ଖେଳାଳି ହୋଇଥିଲେ।।
ପୁଲ୍ ଡି’ର ଏହି ଦୁଇଟି ମ୍ୟାଚ୍ ମଧ୍ୟରୁ ନେଦରଲାଣ୍ଡ-ମାଲେସିଆ ମ୍ୟାଚ୍ ପୂରା ଏକପାଖିଆ ରହିଥିଲା। ନେଦରଲାଣ୍ଡ ଗୋଲ୍ ବର୍ଷା କରୁଥିଲା ବେଳେ ମାଲେସିଆ କେବଳ ଦେଖଣାହାରି ସାଜିଥିଲା। ନେଦରଲାଣ୍ଡର ବିଜୟ ମଧ୍ୟ ଭୁବନେଶ୍ବର ବିଶ୍ବକପରେ ଆଜିପର୍ଯ୍ୟନ୍ତର ସର୍ବବୃହତ୍ ବିଜୟ ଥିଲା। ଅନ୍ୟପକ୍ଷରେ ବିଶ୍ବକପର ସଫଳତମ ଦଳ ପାକିସ୍ତାନ ଓ ୟୁରୋପୀୟ ଶକ୍ତି ଜର୍ମାନି ମଧ୍ୟରେ ଖେଳା ଯାଇଥିବା ଦ୍ବିତୀୟ ମ୍ୟାଚ୍ ବେଶ୍ ସଂଘର୍ଷପୁର୍ଣ୍ଣ ରହିଥିଲା। ଏହାକୁ ଅବଶ୍ୟ ଜର୍ମାନି ଶେଷରେ ୧-୦ରେ ଜିତି ନେଇଥିଲା। ରବିବାର ଘରୋଇ ଭାରତ ନିଜ ଦ୍ବିତୀୟ ମୁକାବିଲାରେ ଶକ୍ତିଶାଳୀ ବେଲଜିୟମକୁ ଭେଟିବ। ଏହା ପୂର୍ବରୁ ଖେଳା ଯିବାକୁ ଥିବା ପ୍ରଥମ ମ୍ୟାଚ୍ରେ କାନାଡା ଏବଂ ଦକ୍ଷିଣ ଆଫ୍ରିକା ଲଢ଼ିବେ।