ଭାରତ-ଅଷ୍ଟ୍ରେଲିଆ ଶେଷ ଦିନିକିଆ : ଟସ୍ ଜିତି ଅଷ୍ଟ୍ରେଲିଆର ବ୍ୟାଟିଂ ନିଷ୍ପତ୍ତି
ଟିମ୍ ଇଣ୍ଡିଆ ପାଖରେ ପୁଣି ଥରେ ନମ୍ବର-୧ ହେବାର ସୁଯୋଗ
ନୂଆଦିଲ୍ଲୀ: ଅଷ୍ଟ୍ରେଲିଆ ବିପକ୍ଷରେ ଦିନିକିଆ ଶୃଙ୍ଖଳାର ଶେଷ ମ୍ୟାଚ୍ ରବିବାର ଆରମ୍ଭ ହୋଇଛି। ଅଷ୍ଟ୍ରେଲିଆ ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଛି। ଏହି ମ୍ୟାଚ୍ ନାଗପୁରର ବିଦର୍ଭ ଷ୍ଟାଡିୟମରେ ଖେଳା ଯାଉଛି । ଟିମ୍ ଇଣ୍ଡିଆ ଶୃଙ୍ଖଳାକୁ ପ୍ରଥମରୁ ହିଁ ୩-୧ରେ ବିଜୟୀ ହୋଇ ସାରିଛି। ଏଥି ପାଇଁ ଭାରତ ଶେଷ ଦିନିକିଆରେ ବିଜୟୀ ହୋଇ ଅଷ୍ଟ୍ରେଲିଆକୁ ବିଦାୟ ଦେବାକୁ ଚେଷ୍ଟା କରିବ। ଆୟୋଜକ ଭାରତୀୟ ଟିମ୍ ଶେଷ ଦିନିକିଆକୁ ଯେକୌଣସି ପ୍ରକାରରେ ଜିତିବାକୁ ଚେଷ୍ଟା କରିବ।
Sambad is now on WhatsApp
Join and get latest news updates delivered to you via WhatsApp
-ଶୃଙ୍ଖଳାରେ ୩-୧ଆଗରେ ଥିବା ଭାରତ ଯଦି ଶେଷ ଦିନିକିଆରେ ବିଜୟୀ ହୁଏ, ଅଷ୍ଟ୍ରେଲିଆ ବିପକ୍ଷରେ ପ୍ରଥମ ଥର ପାଇଁ ୪-୧ ବିଜୟ ଇତିହାସ ରଚିବ।
-ଏହି ଶୃଙ୍ଖଳା ପୂର୍ବରୁ ଭାରତ-ଅଷ୍ଟ୍ରେଲିଆ ମଧ୍ୟରେ ୭ଥର ୫ କିମ୍ବା ତା’ଠାରୁ ଅଧିକ ମ୍ୟାଚ ବିଶିଷ୍ଟ ଶୃଙ୍ଖଳା ଖେଳାଯାଇଛି। ଏଥିରୁ ଭାରତ ୨ଥର ଅଷ୍ଟ୍ରେଲିଆ ଟିମ୍କୁ ୩-୨ରେ ପରାସ୍ତ କରିଛି।
-ଟିମ୍ ଇଣ୍ଡିଆ ୫ରୁ ଅଧିକ ଶୃଙ୍ଖଳାରେ ଅଷ୍ଟ୍ରେଲିଆକୁ ୨ଥର ହରାଇଛି। ଉଭୟ ଭାରତ ମାଟିରେ ହିଁ ଅଷ୍ଟ୍ରେଲିଆକୁ ହରାଇଛି ଭାରତ। ଭାରତ ୧୯୮୬ ଓ ୨୦୧୩ରେ ଅଷ୍ଟ୍ରେଲିଆକୁ ପରାସ୍ତ କରିଥିଲା।
-ଶେଷ ଦିନିକିଆରେ ବିଜୟୀ ହୋଇ ଭାରତ, ଗତବର୍ଷ ଅଷ୍ଟ୍ରେଲିଆ ଠାରୁ ହାରିଥିବା ପ୍ରତିଶୋଧ ନେଇପାରେ।
ଦ୍ୱିତୀୟ ଥର ନମ୍ବର-୧ ହେବାର ସୁଯୋଗ
-ଶେଷ ଦିନିକିଆରେ ବିଜୟୀ ହୋଇ ଭାରତୀୟ ଟିମ୍ ପୁଣିଥରେ ଏକ ନମ୍ବର ହେବାକୁ ଚେଷ୍ଟା କରିବ।
-ସେପ୍ଟେମ୍ବର ୨୪ରେ ଇନ୍ଦୋର ଦିନିକିଆରେ ବିଜୟୀ ହୋଇ ଭାରତୀୟ ଟିମ ଦିନିିକିଆରେ ସୂଚିରେ ଏକ ନମ୍ବର ହୋଇଥିଲା। କିନ୍ତୁ ୪ର୍ଥ ଦିନିକିଆରେ ପରାସ୍ତ ହେବା ପରେ ତଳକୁ ଖସି ଦ୍ୱିତୀୟ ସ୍ଥାନରେ ରହିଛି।