ନୂଆଦିଲ୍ଲୀ: କିଙ୍ଗସ୍ ଇଲେଭେନ୍ ପଞ୍ଜାବ ସୋମବାର ଆଇପିଏଲ୍ର ମ୍ୟାଚ୍ରେ ଦିଲ୍ଲୀ ଡେୟାରଡେଭିଲସ୍କୁ ୧୪୪ ରନ୍ ବିଜୟ ଲକ୍ଷ୍ୟ ଦେଇଛି। ଫିରୋଜ ଶାହା କୋଟଲା ଷ୍ଟାଡିୟମରେ ଟସ୍ ଜିଣି ଦିଲ୍ଲୀ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେବା ପରେ ପଞ୍ଜାବ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ୮ ଓ୍ଵିକେଟ୍ ହରାଇ ୧୪୩ ରନ୍ ସଂଗ୍ରହ କରିଛି।
Sambad is now on WhatsApp
Join and get latest news updates delivered to you via WhatsApp
ଲୋକେଶ ରାହୁଲ ୨୩ ରନ୍, ଆରୋନ୍ ଫିଞ୍ଚ ୨ ରନ୍, ମୟଙ୍କ ଅଗ୍ରଓ୍ଵାଲ ୨୧ ରନ୍, କରୁଣ ନାୟାର ୩୪ ରନ୍, ଯୁବରାଜ ସିଂହ ୧୪ ରନ୍, ଡେଭିଡ ମିଲର ୨୬ ରନ୍ ସଂଗ୍ରହ କରିଥିଲେ। ୬ ରନ୍ରେ ପ୍ରଥମ ଓ୍ଵିକେଟ, ୪୨ ରନ୍ରେ ୨ୟ ଓ୍ଵିକେଟ୍, ୬୦ ରନ୍ରେ ୩ୟ ଓ୍ଵିକେଟ୍, ୮୫ ରନ୍ରେ ୪ର୍ଥ ଓ୍ଵିକେଟ୍, ୧୧୬ ରନ୍ରେ ୫ମ ଓ୍ଵିକେଟ୍, ୧୨୭ ରନ୍ରେ ୬ଷ୍ଠ ଓ୍ଵିକେଟ୍, ୧୪୦ ରନ୍ରେ ୭ମ ଓ୍ଵିକେଟ୍ ଓ ୧୪୩ ରନ୍ରେ ୮ମ ଓ୍ଵିକେଟ୍ ପଡ଼ିଥିଲା।
ଦିଲ୍ଲୀ ପକ୍ଷରୁ ଲିଆମ ପ୍ଲଙ୍କେତ ୩ ଟି ଓ୍ଵିକେଟ୍ ନେଇଥିବା ବେଳେ ଅବେଶ ଖାଁ ଓ ଟ୍ରେଣ୍ଟ ବୋଲ୍ଟ ୨ଟି ଲେଖାଏଁ ଓ ଡାନିଏଲ ଖ୍ରୀଷ୍ଟିଆନ ଗୋଟିଏ ଓ୍ଵିକେଟ ନେଇଥିଲେ।