ଆଇପିଏଲ୍ ୧୧: ହାଇଦ୍ରାବାଦ୍କୁ ୧୮୩ ରନ୍ ଟାର୍ଗେଟ ଦେଲା ଚେନ୍ନାଇ
ହାଇଦ୍ରାବାଦ୍: ରାଜୀବ ଗାନ୍ଧୀ ଇଣ୍ଟରନ୍ୟାସନାଲ୍ ଷ୍ଟାଡିୟମ୍ରେ ଆଇପିଏଲ୍ ୧୧ତମ ସଂସ୍କରଣର ୨୦ତମ ମୁକାବିଲାରେ ଚେନ୍ନାଇ ସୁପରକିଙ୍ଗସ୍ ୨୦ ଓଭରରେ ୩ ଟି ଓ୍ଵିକେଟ୍ ହରାଇ ୧୮୨ ରନ୍ ସଂଗ୍ରହ କରିବା ପରେ ସନ୍ରାଇଜର୍ସ ହାଇଦ୍ରାବାଦ୍କୁ ବିଜୟ ପାଇଁ ୧୮୩ ରନ୍ ଟାର୍ଗେଟ ମିଳିଛି। ହାଇଦ୍ରାବାଦ୍ ଟସ୍ ଜିଣି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ଚେନ୍ନାଇର ଅମ୍ବାତି ରାୟଡୁ ସର୍ବାଧିକ ୩୭ ଟି ବଲ୍ରୁ ୭୯ ରନ୍ ସଂଗ୍ରହ କରିଥିଲେ। ସେହିଭଳି ସୁରେଶ ରାଇନା(ଅପରାଜିତ ୫୪, ୫ ଟି ଚୌକା ଓ ୨ ଟି ଛକା) ଓ ଅଧିନାୟକ ମହେନ୍ଦ୍ର ସିଂହ ଧୋନି(୨୫ ରନ୍, ୩ ଟି ଚୌକା ଓ ଗୋଟିଏ ଛକା) ବିସ୍ଫୋରକ ବ୍ୟାଟିଂ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଆରମ୍ଭରୁ ଚେନ୍ନାଇ ଭଲ ବ୍ୟାଟିଂ କରି ନ ଥିଲା। ମାତ୍ର ୩.୩ ଓଭରରେ ଦଳ ସେନ୍ ଓ୍ଵାଟସନ୍ଙ୍କୁ ହରାଇଥିଲା। ସେତେବେଳକୁ ଦଳୀୟ ସ୍କୋର ୧୪ ରନ୍ ଥିଲା। ହାଇଦ୍ରାବାଦ୍ର ୨ୟ ଶିକାର ହୋଇଥିଲେ ଫାଫ୍ ଡୁ ପ୍ଲେସିସ୍। ସେ ଦଳୀୟ ସ୍କୋର ୩୨ ରନ୍ ଥିବା ବେଳେ ଆଉଟ୍ ହୋଇଥିଲେ। ଚେନ୍ନାଇ ୧୪୪ ରନ୍ରେ ଅମ୍ବାତି ରାୟଡୁଙ୍କୁ ହରାଇଥିଲା। ଭୁବନେଶ୍ୱର କୁମାର ଓ ଋଷଭ ପନ୍ଥ ଗୋଟିଏ ଲେଖାଏଁ ଓ୍ଵିକେଟ୍ ନେଇଥିଲେ।