ରନର ପାହାଡ଼ ଛିଡା କଲା କୋଲକତା, ପଞ୍ଜାବ ଆଗରେ ୨୪୬ରନର ଲକ୍ଷ୍ୟ
ଇନ୍ଦୋର : ସ୍ଥାନୀୟ ହୋଲକାର କ୍ରିକେଟ ଷ୍ଟାଡିୟମଠାରେ ଚାଲିଥିବା ଆଇପିଏଲ ୨୦୧୮ର ୪୪ ତମ ମ୍ୟାଚରେ କୋଲକତା ନାଇଟ ରାଇଡର୍ସ ରନ ବର୍ଷା କରିଛି । ଦଳ ପକ୍ଷରୁ ସୁନୀଲ ନାରିନ ଓ ଦିନେଶ କାର୍ତ୍ତିକଙ୍କ ଲଢୁଆ ବ୍ୟାଟିଂ ଓ ଅନ୍ୟ ବ୍ୟାଟ୍ସମ୍ୟାନଙ୍କ ଉପଯୋଗୀ ଯୋଗଦାନ ଫଳରେ ୬ ଓ୍ଵିକେଟ ହରାଇ ୨୪୫ ରନ ସଂଗ୍ରହ କରିଛି । ଏହା ହେଉଛି ଆଇପିଏଲ ଇତିହାସରେ ୨ୟ ସର୍ବାଧିକ ସ୍କୋର । ଏହା ଫଳରେ କିଙ୍ଗସ ଏକାଦଶ ପଞ୍ଜାବ ଆଗରେ ୨୪୬ ରନର ବିଶାଳ ଲକ୍ଷ୍ୟ ରଖିଛି କୋଲକତା ।
Sambad is now on WhatsApp
Join and get latest news updates delivered to you via WhatsApp
ସୁନୀଲ ନାରିନ ମାତ୍ର ୩୬ ବଲ ଖେଳି ୭୫ ରନ ସଂଗ୍ରହ କରିଥିବାବେଳେ ଦିନେଶ କାର୍ତ୍ତିକ ୨୩ ବଲରୁ ୫୦ ରନ ସଂଗ୍ରହ କରିଛନ୍ତି । ସେହିପରି ଓପନର କ୍ରିସ ଲିନ ୧୭ ବଲରେ ୨୭ ରନ ସଂଗ୍ରହ କରିଥିଲେ । ପଂଜାବ ତରଫରୁ ଆଣ୍ଡ୍ରୁ ଟାଇ ୪୧ ରନ ଦେଇ ୪ଟି ଓ୍ଵିକେଟ ନେଇଥିଲେ ।
ପଂଜାବର ଅଧିନାୟକ ଆର. ଅଶ୍ୱୀନ ଟସ ଜିଣି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲେ । ପଂଜାବ ଏପର୍ଯ୍ୟନ୍ତ ୧୦ଟି ମ୍ୟାଚ ଖେଳି ୬ ପରାଜୟ ଓ ୪ ବିଜୟ ସହ ୧୨ ପଏଣ୍ଟ ପାଇଥିବାବେଳେ କୋଲକତା ୧୧ଟି ମ୍ୟାଚରୁ ୫ ବିଜୟ ଓ ୬ ପରାଜୟ ସହ ୧୦ ପଏଣ୍ଟ ପାଇଛି ।