ଆଇପିଏଲ ୧୧: ବେଙ୍ଗାଲୁରୁକୁ ୪ ଓ୍ଵିକେଟ୍‌ରେ ହରାଇଲା ନାଇଟ୍‌ ରାଇଡରର୍ସ

0 198

କୋଲକାତା: ସୁନୀଲ ନାରାୟଣଙ୍କ ଅର୍ଦ୍ଧଶତକ(୫୦) ଓ ଅଧିନାୟକ ଦିନେଶ କାର୍ତ୍ତିକଙ୍କ ଅପରାଜିତ ୩୫ ରନ୍‌ ବଳରେ କୋଲକାତା ନାଇଟ ରାଇଡର୍ସ ୪ ଓ୍ଵିକେଟ୍‌ରେ ରୋୟାଲ ଚ୍ୟାଲେଞ୍ଜର୍ସକୁ ପରାସ୍ତ କରିଛି। କୋଲକାତା ୧୬ ରନ୍‌ରେ ପ୍ରଥମ ଓ୍ଵିକେଟ୍‌ ହରାଇବା ପରେ ଦଳର ଖେଳାଳିମାନେ ସତର୍କତା ଅବଳମ୍ବନ କରିଥିଲେ। ୬୫ ରନରେ ୨ୟ ଓ୍ଵିକେଟ୍‌, ୮୩ ରନ୍‌ରେ ୩ୟ ଓ୍ଵିକେଟ, ୧୩୮ ରନ୍‌ରେ ୪ର୍ଥ ଓ୍ଵିକେଟ, ୧୪୬ ରନ୍‌ରେ ୫ମ ଓ୍ଵିକେଟ ଓ ୧୬୪ ରନ୍‌ରେ ୬ଷ୍ଠ ଓ୍ଵିକେଟ ହରାଇଥିଲା। ବେଙ୍ଗାଲୁରୁ ଟିମ୍‌ର କ୍ରିସ୍‌ ଓ୍ଵକସ୍‌ ୩ଟି ଓ ଉମେଶ ଯାଦବଙ୍କୁ ୨ଟି ଓ୍ଵିକେଟ୍‌ ନେଇଥିଲେ।

Panda Mobile only

ଇଣ୍ଡିଆନ୍‌ ପ୍ରିମିୟର ଲିଗ୍‌ର ୧୧ତମ ସଂସ୍କରଣର ୩ୟ ମ୍ୟାଚ୍‌ରେ କୋଲକାତା ନାଇଟ୍‌ ରାଇଡର୍ସ ବିପକ୍ଷରେ ରୋୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ନିର୍ଦ୍ଧାରିତ ୨୦ ଓଭରରେ ୫ଟି ଓ୍ଵିକେଟ ହରାଇ ୧୭୬ ରନ୍‌ ସଂଗ୍ରହ କରିଥିଲା। ଫଳରେ କୋଲକାତାକୁ ମ୍ୟାଚ୍‌ ବିଜୟ ପାଇଁ ୧୭୭ ରନ୍‌ ଟାର୍ଗେଟ ମିଳିଥିଲା। ଟସ୍‌ ଜିଣିବା ପରେ କୋଲକାତା ନାଇଟ ରାଇର୍ଡସ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ଫଳରେ ବେଙ୍ଗାଲୁରୁ ବ୍ୟାଟିଂ କରିଥିଲା। ଓପନ୍‌ର ବ୍ରାଣ୍ଡନ ମ୍ୟାକୁଲମ୍‌ ୨୭ଟି ବଲ ଖେଳି ୪୩ ରନ୍‌ ସଂଗ୍ରହ କରିଥିବା ବେଳେ ଅଧିନାୟକ ବିରାଟ କୋହଲି ୩୩ଟି ବଲରୁ ୩୧ ରନ୍‌ ଓ ଏବି ଡିଭିଲିୟର୍ସ ୩୩ଟି ବଲ ଖେଲି ୪୪ ରନ୍‌ ସଂଗ୍ରହ କରିଥିଲେ।

ବେଙ୍ଗାଲୁରୁ ୧୮ ରନ୍‌ରେ ପ୍ରଥମ ଓ୍ଵିକେଟ୍‌ରେ କ୍ୱାଣ୍ଟନ ଡି କକ୍‌ଙ୍କୁ ହରାଇ ଥିବା ବେଳେ ୬୩ ରନ୍‌ରେ ମ୍ୟାକୁଲମ ଆଉଟ ହୋଇ ପାଭଲିଅନ୍‌ ଫେରିିଥିଲେ। ସେହିପରି ୧୨୭ ରନ୍‌ରେ ୩ୟ ଓ ୪ର୍ଥ ଓ୍ଵିକେଟ୍‌ ଏବଂ ୧୫୪ ରନ୍‌ରେ ୫ମ ଓ୍ଵିକେଟ୍‌ ପଡ଼ିଥିଲା। ନାଇଟ ରାଇଡର୍ସ ବୋଲର ନୀତିଶ ରାଣା ୨ଟି ଓ୍ଵିକେଟ୍‌ ନେଇଥିବା ବେଳେ ପୀୟୁଷ ଚାଓ୍ଵଲା ଗୋଟିଏ ଓ ସୁନୀଲ ନାରାୟଣ ଗୋଟିଏ ଓ୍ଵିକେଟ୍‌ ନେଇଥିଲେ।

ସମ୍ବନ୍ଧିତ ଖବର

Leave A Reply

Your email address will not be published.