ଆଇପିଏଲ୍: କ୍ୱିଣ୍ଟନ ଡି କକ୍ଙ୍କ ଅର୍ଦ୍ଧଶତକ, ରାଜସ୍ଥାନକୁ ୧୬୨ ରନ୍ ଟାର୍ଗେଟ ଦେଲା ମୁମ୍ବାଇ
ଜୟପୁର: ଇଣ୍ଡିଆନ୍ ପ୍ରିମିୟର ଲିଗ୍(ଆଇପିଏଲ୍) ଦ୍ୱାଦଶ ସଂସ୍କରଣର ୩୬ତମ ମ୍ୟାଚରେ ଶନିବାର କ୍ୱିଣ୍ଟନ୍ ଡି କକ୍ ଅର୍ଦ୍ଧଶତକ (୬୫ ରନ, ୪୭ ବଲ, ୬ ଚୌକା, ୨ ଛକା) ହାସଲ କରିଛନ୍ତି। ମୁମ୍ବାଇ ଇଣ୍ଡିଆନ୍ ବ୍ୟାଟସ୍ମ୍ୟାନ ଡି କକ୍ ରାଜସ୍ଥାନ ରୟାଲସ୍ର ଶ୍ରେୟସ ଗୋପାଳଙ୍କ ବଲରେ ଆଉଟ୍ ହୋଇ ପାଭଲିଅନ୍ ଫେରିଥିଲେ। ଜୟପୁରସ୍ଥିତ ସଓ୍ଵାଇ ମାନସିଂହ ଷ୍ଟାଡିୟମରେ ଖେଳାଯାଉଥିବା ମ୍ୟାଚ୍ରେ ରାଜସ୍ଥାନ ଟସ୍ ଜିଣି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା।
Sambad is now on WhatsApp
Join and get latest news updates delivered to you via WhatsApp
ମୁମ୍ବାଇ ନିର୍ଦ୍ଧାରିତ ୨୦ ଓଭରରେ ୫ଟି ଓ୍ଵିକେଟ ହରାଇ ୧୬୧ ରନ୍ କରିଛି। ଫଳରେ ରାଜସ୍ଥାନକୁ ୧୬୨ ରନ୍ ଟାର୍ଗେଟ ମିଳିଛି। ହାର୍ଦ୍ଦିକ ପାଣ୍ଡ୍ୟା ୨୩ ରନ କରିଛନ୍ତି।
ମୁମ୍ବାଇ ଇଣ୍ଡିଆନସ୍ ୧୧ ରନ୍ରେ ପ୍ରଥମ ଓ୍ଵିକେଟ ଭାବେ ଅଧିନାୟକ ରୋହିତ ଶର୍ମାଙ୍କୁ ହରାଇଥିଲା। ରୋହିତ ୭ଟି ବଲ ଖେଳି ୫ ରନ୍ କରିବା ପରେ ଶ୍ରେୟସ ଗୋପାଳଙ୍କ ଦ୍ୱାରା ଆଉଟ୍ ହୋଇ ପାଭ୍ଲିଅନ୍ ଫେରିଥିଲେ। ଏହା ପରେ ଟିମ୍ର ଡି କକ୍ ଓ ସୂର୍ଯ୍ୟକୁମାର ଯାଦବଙ୍କ ବ୍ୟାଟିଂ ବଳରେ ଦ୍ୱିତୀୟ ଓ୍ଵିକେଟରେ ମୁମ୍ବାଇ ୯୭ ରନ୍ ସଂଗ୍ରହ କରିଥିଲା। ୧୩.୫ ଓଭରରେ ଯାଦଦ ଆଉଟ୍ ହୋଇଥିଲେ। ଏହା ପୂର୍ବରୁ ସେ ୩୩ଟି ବଲ ଖେଳି ୩୪ ରନ୍ ଯୋଡ଼ିଥିଲେ। ଡି କକ୍ ଆଉଟ୍ ହେବା ବେଳକୁ ସ୍କୋର ୧୪.୩ ଓଭରରେ ୧୧୧ ରନ୍ ଥିଲା। କିରଣ ପୋଲାର୍ଡ ମଧ୍ୟ ଅଧିକ ସମୟ ଯାଏଁ ପଡିଆରେ ରହିପାରି ନଥିଲେ। ଜୟଦେବ ଉନାଦକଟଙ୍କ ଦ୍ୱାରା ବୋଲଡ ହୋଇ ପାଭଲିଅନ ଫେରିବା ପୂର୍ବରୁ ପୋଲାର୍ଡ ୭ଟି ବଲ ଖେଳି ୧୦ ରନ କରିଥିଲେ। ଏଥିରେ ଗୋଟିଏ ଛକା ସାମିଲ ଥିଲା।