ବିରାଟ ବାହିନୀର ପରାଜୟକୁ ନେଇ ଅସନ୍ତୋଷ ଝାଡ଼ିଲେ କପିଲ : ପ୍ରତି ମ୍ୟାଚରେ କାହିଁକି ବଦଳୁଛନ୍ତି ଖେଳାଳି, ରାହୁଲଙ୍କୁ ସୁଯୋଗ ମିଳୁ
ନୂଆଦିଲ୍ଲୀ: ନ୍ୟୁଜିଲାଣ୍ଡର ୱେଲିଙ୍ଗଟନରେ ଖେଳାଯାଇଥିବା ପ୍ରଥମ ଟେଷ୍ଟରେ ଭାରତର ଲଜ୍ଜାଜନକ ପରାଜୟ ପରେ ଦଳର ରଣନୀତିକୁ ନେଇ ଟିମ୍ ଇଣ୍ଡିଆକୁ ସମାଲୋଚନା କରିଛନ୍ତି ପୂର୍ବତନ ଅଧିନାୟକ କପିଲ ଦେବ । ସେ କହିଛନ୍ତି ‘ନ୍ୟୁଜିଲାଣ୍ଡ ଦଳର ପ୍ରଂଶସା କରିବାକୁ ହେବ, ସେମାନେ ଦମଦାର ପ୍ରଦର୍ଶନ କରୁଛନ୍ତି । ଦିନିକିଆ ସିରିଜ ପରେ ଟେଷ୍ଟରେ ମଧ୍ୟ କିୱି ଦଳ ଭଲ ଖେଳୁଛି ।’
Sambad is now on WhatsApp
Join and get latest news updates delivered to you via WhatsApp
କପିଲ ଦେବ କହିଛନ୍ତି, ଯଦି ମ୍ୟାଚର ବିଶ୍ଳେଷଣ କରାଯାଏ, ତେବେ ଦଳରେ ଘନଘନ ପରିବର୍ତ୍ତନକୁ ନେଇ ପ୍ରଶ୍ନବାଚୀ ଉଠିବା ସୁନିଶ୍ଚିତ । ପ୍ରତି ମ୍ୟାଚରେ ନୂଆ ଗୋଟିଏ ଟିମ୍ ମୈଦାନକୁ ଓହ୍ଲାଉଛି । ଫଳରେ ଦଳରେ କୌଣସି ଖେଳାଳିଙ୍କ ସ୍ଥାନ ସ୍ଥିର ହୋଇ ରହୁନାହିଁ । ଏହାର ପ୍ରଭାବ ଖେଳାଳିଙ୍କ ପ୍ରଦର୍ଶନ ଉପରେ ପଡୁଛି ।
ସବୁଠାରୁ ବଡ କଥା ହେଉଛି, ଟେଷ୍ଟ ଟିମରେ ଲୋକେଶ ରାହୁଲ ନଖେଳିବାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି କପିଲ ଦେବ । ରାହୁଲ ଭଲ ଫର୍ମରେ ଥିବା ବେଳେ ତାଙ୍କୁ କାହିଁକି ବାଦ୍ ଦିଆଯାଇଛି ବୋଲି ସେ ପ୍ରଶ୍ନ କରିଛନ୍ତି । ତେବେ ଉଭୟ ଦଳ ମଧ୍ୟରେ ସିରିଜର ଦ୍ୱିତୀୟ ତଥା ଅନ୍ତିମ ଟେଷ୍ଟ ମ୍ୟାଚ୍ ଆସନ୍ତା ଶନିବାର ଠାରୁ ଆରମ୍ଭ ହେବାକୁ ଯାଉଥିବା ବେଳେ ମ୍ୟାଚରେ ବିଜୟ ହାସଲ କରିବା ଭାରତ ପାଇଁ ସମ୍ମାନର ପ୍ରଶ୍ନ ହୋଇ ଛିଡାହୋଇଛି ।