ଆଇପିଏଲ୍ ୧୨: ରସେଲ୍ଙ୍କ ବିଷ୍ପୋରକ ବ୍ୟାଟିଂ ୫ ଓ୍ଵିକେଟରେ ଜିତିଲା କୋଲକତା ନାଇଟ୍ ରାଇଡର୍ସ
ବେଙ୍ଗାଲୁରୁ: ଆଇପିଏଲ୍ର ୧୭ତମ ମ୍ୟାଚ୍ରେ ବେଙ୍ଗାଲୁରୁକୁ ୫ ଓ୍ଵିକେଟରେ ପରାସ୍ତ କରିଛି କୋଲକତା ନାଇଟ୍ ରାଇଡର୍ସ । ରସେଲ୍ଙ୍କ ଦମ୍ଦାର ବ୍ୟାଟିଂ (୧୩ ବଲ୍ ୪୮ ରନ୍ ୧ ଚଉକା ୭ ଛକା) କୋଲକତାକୁ ଚଳିତ ଆଇପିଏଲ୍ରେ ତୃତୀୟ ବିଜୟ ଦେଇଛି । ଅନ୍ୟପଟେ ବେଙ୍ଗାଲୁର ପ୍ରଥମ ପାଳିରେ ଭଲ ବ୍ୟାଟିଂ କରିଥିଲେ ମଧ୍ୟ ପରାଜୟ ବରଣ କରିଛି । ଏହା ବେଙ୍ଗାଲୁରୁର ଚଳିତ ଆଇପିଏଲ୍ର କ୍ରମାଗତ ୫ ପରାଜୟ ଅଟେ ।
Sambad is now on WhatsApp
Join and get latest news updates delivered to you via WhatsApp
କୋଲକାତା ନାଇଟ୍ ରାଇଡର୍ସ ୧୧.୩ ଓଭରରେ ୩ ଓ୍ଵିକେଟ ହରାଇ ୧୦୮ ରନ୍ କରିଥିଲା। ଟିମ୍ ପ୍ରଥମ ଓ୍ଵିକେଟ ଭାବରେ ସୁନିଲ ନାରାୟଣ(୧୦ ରନ୍)ଙ୍କୁ ସ୍କୋର ୨୮ ରନ୍ରେ ହରାଇଥିଲା। ରବିନ ଉଥାପା ୩୩ ରନ୍, କ୍ରିସ୍ ଲିନ୍ ୪୩ ରନ୍, ନୀତିଶ ରାଣା ୩୭ ରନ୍ କରି ପାଭଲିଅନ ଫେରିଥିଲେ।
ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍)ର ଚଳିତ ସଂସ୍କରଣରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଶୁକ୍ରବାର ଆରମ୍ଭରୁ ଆକ୍ରମଣାତ୍ମକ ବ୍ୟାଟିଂ କରିଥିଲା। ଟସ୍ ଜିଣି କୋଲକାତା ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେବା ପରେ ବେଙ୍ଗାଲୁରୁ ବ୍ୟାଟିଂ କରିଥିଲା।
ବେଙ୍ଗାଲୁର ପ୍ରଥମ ଓ୍ଵିକେଟ୍ରେ ୬୪ ରନ୍ କରଥିଲା। ସେହିଭଳି ୨ୟ ଓ୍ଵିକେଟ୍ରେ ଅଧିନାୟକ ବିରାଟ କୋହଲି (୮୪ ରନ୍, ୨୪ ବଲ୍, ୩ ଚୌକା) ଓ ଏବି ଡିଭିଲିୟର୍ସ (୬୩ ରନ୍, ୩୨ ବଲ୍, ୫ ଚୌକା ଓ ୪ ଛକା) ୧୦୮ ରନ୍ର ଭାଗିଦାରୀ ହୋଇ ପାରିଥିଲେ। ବେଙ୍ଗାଲୁରୁ ନିର୍ଦ୍ଧାରିତ ୨୦ ଓଭରରେ ୩ ଓ୍ଵିକେଟ୍ ହରାଇ ୨୦୫ ରନ୍ କରିଛି। ଫଳରେ କୋଲକାତାକୁ ୨୦୬ ରନ୍ ଟାର୍ଗେଟ ମିଳିଛି। ମାର୍କସ ଷ୍ଟେଇନିସ୍ ଅପରାଜିତ ୨୮ ରନ୍ କରି ପାଭଲିଅନ୍ ଫେରିଥିଲେ।
ସ୍ଥାନୀୟ ଚିନ୍ନାସ୍ୱାମୀ ଷ୍ଟାଡିୟମ୍ରେ ବେଙ୍ଗାଲୁରୁର ଓପନ୍ର ପାର୍ଥିବ ପଟେଲ ୨୫ ରନ୍ କରି ପ୍ରଥମ ଓ୍ଵିକେଟ୍ ଭାବରେ ନୀତିଶ ରାଣାଙ୍କ ଦ୍ୱାରା ଆଉଟ୍ ହୋଇଥିଲେ। ଏହା ପରେ କୋହଲି ଦ୍ୱିତୀୟ ଓ୍ଵିକେଟ ଭାବରେ କୁଲଦୀପ ଯାଦବଙ୍କ ଦ୍ୱାରା ଆଉଟ୍ ହୋଇଥିବା ବେଳେ ସୁନିଲ ନାରାୟଣଙ୍କ ଶିକାର ହୋଇଥିଲେ ଏବି ଡିଭିଲିୟର୍ସ। ସ୍କୋର ୧୮୫ ରନ୍ରେ ଡିଭିଲିୟର୍ସ ଆଉଟ୍ ହୋଇ ପାଭ୍ଲିଅନ୍ ଫେରିଥିଲେ।
ଅଙ୍କ ତାଲିକାର ନିମ୍ନରେ ଥିବା ବେଳେ କୋଲକାତା ଚତୁର୍ଥ ସ୍ଥାନରେ ଥାଇ ହାଇଦ୍ରାବାଦ୍, ପଂଜାବ ଓ ଚେନ୍ନାଇ ସହିତ ସମକକ୍ଷ ହେବାକୁ ଉଦ୍ୟମ କରୁଛି। ଏଯାଏଁ କୋଲକାତା ୬ ଓ୍ଵିକେଟ୍ରେ ମାର୍ଚ୍ଚ ୨୪ରେ ସନରାଇଜର୍ସ ହାଇଦ୍ରାବାଦ ଓ ୨୮ ରନ୍ରେ ମାର୍ଚ୍ଚ ୨୭ରେ ପଂଜାବକୁ ପରାସ୍ତ କରିଛି। ମାର୍ଚ୍ଚ ୩୦ରେ କୋଲକାତା-ଦିଲ୍ଲୀ ମ୍ୟାଚ୍ ଟାଇ ହେବା ପରେ ସୁପର ଓଭରରେ ଫଳାଫଳ ବାହାରିଥିଲା। ଏଥିରେ ଦିଲ୍ଲୀ ବିଜୟୀ ହୋଇଥିଲା।
ଦ୍ୱାଦଶ ସଂସ୍କରଣର ଆଇପିଏଲ୍ରେ ବେଙ୍ଗାଲୁରୁର ପୂର୍ବରୁ ନୈରାଶ୍ୟଜନକ ପ୍ରଦର୍ଶନ କରିଛି। ଟିମ୍ ୪ଟି ମ୍ୟାଚ ହାରି ସାରିଛି। ବେଙ୍ଗାଲୁରୁ ଉଦ୍ଘାଟନୀ ମ୍ୟାଚରେ ମାର୍ଚ୍ଚ ୨୩ରେ ଚେନ୍ନାଇ ସୁପର କିଙ୍ଗସ୍ ଠାରୁ ୭ ଓ୍ଵିକେଟ୍ରେ, ମାର୍ଚ୍ଚ ୨୮ରେ ମୁମ୍ବାଇଠାରୁ ୬ ରନ୍ରେ, ମାର୍ଚ୍ଚ ୩୧ରେ ହାଇଦ୍ରାବାଦ୍ ଠାରୁ ୧୧୮ ରନ୍ରେ ଓ ଏପ୍ରିଲ ୨ରେ ରାଜସ୍ଥାନ ରୟାଲସ୍ ଠାରୁ ୭ ଓ୍ଵିକେଟ୍ରେ ପରାସ୍ତ ହୋଇଛି।